Ahmedabad : રેલવે વિભાગ દ્વારા વિશ્વ પર્યાવરણ દિને ઉર્જા સંરક્ષણ માટે વન ડિગ્રી ચેલેન્જ ડ્રાઇવ શરૂ કરાઇ

વિશ્વ પર્યાવરણ દિવસની(World Environement Day) વિશ્વભરમાં ઉજવણી કરવામાં આવી. ત્યારે અમદાવાદ રેલવે વિભાગમાં(Railway) પણ તેની ઉજવણી કરવામ આવી હતી. જેમાં ભારતીય રેલવેના મુખ્ય એજન્ડાઓ માંથી એક ઊર્જા સંરક્ષણ અને પર્યાવરણની સુરક્ષા છે. આ ક્રમમાં, પશ્ચિમ રેલવેના અમદાવાદ મંડળ પર EnHM અને ઇલેક્ટ્રિસિટી વિભાગ દ્વારા  ISHRAE (ઇન્ડિયન સોસાયટી ઑફ હીટિંગ, રેફ્રિજરેટિંગ અને એર કંડિશનિંગ એન્જિનિયર્સ)ના સહયોગથી ડીઆરએમ ઑફિસ, અમદાવાદના ઓડિટોરિયમમાં સંયુક્ત રીતે “વન ડિગ્રી ચેલેન્જ ડ્રાઇવ”(One Degree Challage )નામથી એક ઉર્જા સંરક્ષણ નું આયોજન કરવામાં આવ્યું હતું.

જેમાં ઉર્જા સંરક્ષણ માટે ISHRAE દ્વારા આ પહેલ “વન ડિગ્રી ચેલેન્જ” નામથી શરૂ કરવામાં આવી હતી, જેનો ઉદ્દેશ્ય લોકોમાં એર કંડિશનરનું તાપમાન એક ડિગ્રી વધારીને ઉર્જા સંરક્ષણ પ્રત્યે લોકોને અનુકૂળ બનાવવા અને તેમને જાગૃત કરવાનો હતો. ડીઆરએમ ઓફિસ અમદાવાદમાં આયોજિત આ ‘વન ડિગ્રી ચેલેન્જ ડ્રાઇવ’ માં 100થી વધુ રેલવે કર્મચારી ઓએ ભાગ લીધો હતો. દરમિયાન ઉપસ્થિત તમામ કર્મચારીઓ અને અધિકારીઓએ ઓફિસો અને ઘરોમાં પણ એર કંડિશનરનું તાપમાન 24 ડિગ્રી સેલ્સિયસથી ઉપર રાખીને ઉપયોગ કરવાના અને વધુ એક ડિગ્રી નો વધારો કરીને એર કંડિશનરનો ઉપયોગ કરવાના શપથ લીધા હતા. જેથી વીજળીની બચત કરી પર્યાવરણનો બચાવ કરી શકાય.

આ કાર્યક્રમ ડિવિઝનલ રેલવે મેનેજર તરૂણ જૈન, એડિશનલ ડિવિઝનલ રેલવે મેનેજર (ઇન્ફ્રા) પરિમલ શિંદે, સીનીયર ડિવિઝનલ પર્યાવરણ અને ગૃહ વ્યવસ્થા મેનેજર ફેડરીક પેરીયત, સીનીયર ડીવીઝનલ ઈલેકટ્રિકલ એન્જીનીયર (જી) કુમાર સંભવ પોરવાલ, ડીવીઝનલ  ઈલેક્ટ્રકલ એન્જીનીયર રજની યાદવ, અન્ય અધિકારીઓ, કર્મચારીઓ અને ટીમ ISHRAE ના સભ્યો ઉપસ્થિત રહ્યા હતા. અને તમામે આ શપથ લઈ ને પર્યાવરણ બચાવોના શપથ લઈને આજના વિશ્વ પર્યાવરણ દિવસની ઉજવણી કરી હતી.