Ahmedabad: દારૂની હેરાફેરી માટે બુટલેગરે અપનાવ્યો આ કિમિયો, પોલીસની બાજ નજરે ઝડપ્યો

અમદાવાદમાં (Ahmedabad police) પોલીસે પારકી ગાડીમાં દારૂ(liquor)ની ખેપ કરતા આરોપી બુટલેગરને ઝડપી લીધો હતો. બુટલેગરોએ દારૂની હેરાફેરીની પદ્ધતિ બદલી નાખી છે. પોતાની ગાડીઓનો ઉપયોગ કરવાની જગ્યાએ હવે ગાડી ભાડે રાખી અથવા સેલ્ફ ડ્રાઇવ માટે રાખી દારૂની હેરાફેરી શરૂ કરી છે. આવો જ એક કીમિયો અપનાવી દારૂ લઈને રાજસ્થાનથી આવનારો એક શખ્સ ઝડપાયો છે. બુટલેગરો ગમે તેવા ગતકડાં કરે, પરંતુ પોલીસની  બાજ નજરમાંથી બચી શકતા નથી. અસલાલી પોલીસે ઝડપેલી મોંઘીદાટ ગાડી અન્ય કોઈ ગુનામાં નહિ પરંતુ દારૂની હેરાફેરીમાં વાપરવામાં આવતી હતી. તમને જાણીને નવાઈ લાગશે પરંતુ કાર માલિકને એ વાતની જાણ પણ ન હતી કે તેની ગાડી દારૂની હેરાફેરીમાં વપરાઈ રહી છે.

પોલીસે ઝડપેલી ગાડીમાંથી એક લાખની કિંમતનો વિદેશી દારુ કબ્જે કરવામાં આવ્યો છે. પોલીસે દારુ સાથે યુગલ પાંડે નામના બુટલેગરની ધરપકડ કરી છે. એક લાખના વિદેશી દારુ સાથે ઝડપાયેલા આરોપી યુગલ પાંડેની પૂછપરછ કરતા દારુ મંગાવનાર નિશાંત ઉર્ફે ભોલુ શર્મા હોવાનું ખુલ્યું છે. સાથે જ રાજસ્થાનથી દારુ મોકલનાર શ્રવણ ખરાડી કે જે ડુંગરપુરનો છે તે ફરાર  હોવાની માહિતી પ્રાપ્ત થઈ છે. પોલીસે તેની શોધખોળ શરૂ કરી છે. સાથે જ આરોપીની પૂછપરછમાં સામે આવ્યું છે કે, યુગલ પાંડેને દરેક બોટલના વેચાણ પર કમિશન મળતું હતું. તેની ગાડીઓ પર પોલીસની નજર હોવાથી તે ગાડી ભાડે મેળવી એક દિવસના ત્રણ હજાર લેખે બે દિવસ માટે છ હજારના ભાડામાં ગાડી સેલ્ફ ડ્રાઈવ માટે મેળવી હતી.

Ahmedabad: Bootlegger adopts this alchemy for alcohol smuggling,But the police took it fast

જાણો શું હતી સમગ્ર ઘટના

પોલીસે ઝડપેલી ગાડીમાંથી 1 લાખની કિંમતનો વિદેશી દારુ કબ્જે કરવામાં આવ્યો હતો અને તે દારુ સાથે યુગલ પાંડે નામના બુટલેગરની ધરપકડ કરવામાં આવી છે. યુગલ પાંડે રાજસ્થાનથી દારુનો જથ્થો લાવી લાંભા ઈન્દીરા નગરમાં લઈ જવાનો હોવાની બાતમી પોલીસને મળતા પોલીસે તેની ધરપકડ કરી હતી. જોકે આ ગુનામા દારુ મંગાવનાર અને રાજસ્થાનથી દારૂ મોકલનાર બંન્ને આરોપી ફરાર છે. જેની પોલીસે શોધખોળ હાથ ધરી છે. આરોપીની પૂછપરછમાં વિગતો જાણવા મળી હતી કે યુગલ પાંડેને દરેક બોટલના વેચાણ પર કમિશન મળતુ હતુુ, પરંતુ તેની માલિકીની ગાડીઓ ઉપર પોલીસની નજર હતી માટે યુગલ પાંડે કોઈ બીજી ગાડી ભાડે લઈને સેલ્ફ ડ્રાઈવ કરીને નીકળ્યો હતો.  તેણે એક દિવસના 3 હજાર લેખે બે દિવસના 6 હજાર ભાડામાં ગાડી સેલ્ફ ડ્રાઈવ માટે મેળવી હતી. જોકે પોલીસને બાતમીદારો દ્વારા માહિતી મળી  હતી કે આ ગાડીમાં દારૂ આવી રહ્યો છે અને આરોપીને ઝડપી લીધો હતો. પોલીસને તપાસ કરતા ખબર પડી હતી કે આ ગાડીના મૂળ માલિકને જાણ જ નહોતી કે તેની  કાર ગેરકાયદે કામ માટે ઉપયોગમાં લેવાઈ છે!

કાયદાકીય માહિતીથી જાણકાર થયા બાદ બુટલેગરો દારુની હેરાફેરી માટે પોતાની ગાડીનો ઉપયોગ નથી કરતા કારણ કે, બુટલેગરની ગાડી કબ્જે લેવાયા બાદ તેને કોર્ટ ઝડપથી છોડતી નથી અને બુટલેગરોને આર્થિક માર પડે છે. માટે ભાડાની ગાડી કે અન્ય કોઈનું વાહન મેળવી દારુની હેરાફેરી કરતા હોવાનું પોલીસ માની રહી છે.