વેલ્યુએશન એપ કાર્યરત કરી AMC બન્યુ હાઈ ટેક, ટેકસ ખાતામાં ટ્રાન્સપરન્સી તેમજ વેલ્યુએશનની કામગીરી બની ઝડપી
Ahmedabad News : સદર પેમેન્ટ ના ઓપ્શન માં નવી ટેકનોલોજી અપનાવી UPI થી QR code ના માધ્યમથી પેમેન્ટ થઇ શકે તેવી વ્યવસ્થા ટૂંક સમયમાં ચાલુ કરવામાં આવનાર છે. જે અંતર્ગત કરદાતા પોતાના ટેનામેન્ટ નંબર અને પેમે ન્ટ ઓપ્શન UPI તરીકે સીલેક્ટ કરવાથી અલગથી Dynamic QR Code જનરેટ થશે.
Ahmedabad : અમદાવાદ મહાનગર પાલિકામાં પ્રોપર્ટી ટેક્સ ખાતાના વેલ્યુએશન વિભાગ દ્વારા GPMC એક્ટની કલમ અન્વયે ચતુવર્ષીય આકારણી કરવામાં આવે છે. સદર વેલ્યુએશન દરમ્યાન સબંધિત ઝોનની તમામ મિલકતોનું ડોર ટુ ડોર સર્વે કરવામાં આવે છે, તેમજ મિલકતના ક્ષેત્રફળ, ઊપયોગનો પ્રકાર, મિલક્તનો ભોગવટો વગેરેમાં જો ફેરફાર જણાય તો સ્થળ પરિસ્થિતિના અનુસંધાને જરૂરી વધારો કરવામાં આવે છે.
હાલની વેલ્યુએશનની પધ્ધતિ
- સૌ પ્રથમ તમામ મિલકતોના વેલ્યુએશન રફ રજીસ્ટર છપાવવામાં આવે છે.
- વેલ્યુએશન ખાતાના ઇન્સ્પેક્ટર જે-તે મિલકતમાં રૂબરૂ જઈ માપણી કરે છે તેમજ અન્ય પરિબળોની ચકાસણી કરે છે.
- સદર ક્ષેત્રફળ તથા પરિબળ અંગે તેઓ રફ રજીસ્ટરમાં મેન્યુઅલી નોંધ કરે છે.
- સદર રફ રજીસ્ટરોની કોમ્પ્યુટરમાં ડેટા એન્ટ્રી ઓપરેટરો દ્વારા ડેટા એન્ટ્રી કરવામાં આવે છે.
- ડેટા એન્ટ્રી થયા બાદ સુધારા અંગે ચેક લીસ્ટ તૈયાર કરી ચેકિંગ કરવામાં આવે છે.
- આ કામગીરી પૂર્ણ થયા બાદ બીલીંગની કામગીરી કરવામાં આવે છે.
આ સંપૂર્ણ પ્રક્રિયામાં ઘણો જ સમય વ્યતીત થાય છે. વધુમાં એન્ટ્રી વાઇઝ રફ રજીસ્ટર છપાવવાના હોઈ સ્ટેશનરીનો ખર્ચ પણ ખૂબ થાય છે. આ ઉપરાંત રફે રજીસ્ટરમાં મેન્યુઅલી એન્ટ્રી કરવાના સમયે તેમજ જ્યારે રફ રજીસ્ટરની ડેટા એન્ટ્રી થાય ત્યારે ‘ Human Error’ ની શક્યતા રહે છે.
હવે વેલ્યુએશનની કામગીરી પણ ઓનલાઈન માધ્યમથી થઈ કે તે હેતુથી ઇ-ગવર્નન્સ ખાતા મારફતે એક મોબાઈલ એપ બનાવવાની યોજના અમલમાં મૂકવા નક્કી કરેલ છે. સદર મોબાઇલ એપ જે-તે વોર્ડ ઈન્સ્પેક્ટરના મોબાઇલમાં ખુલશે. જેમાં નીચે મુજબના Features નક્કી કરેલ છે.
- વેલ્યુએશન એપમાં વોર્ડ ઈન્સ્પેકટર પોતાના વોર્ડની મિલકતોની તમામ હયાત વિગત જેવી કે, મકાન માલિકનું નામ, કબજેદારનું નામ, સરનામુ, ક્ષેત્રફળ, બાંધકામનું વર્ષ, ઊપયોગનો પ્રકાર તેમજ ભોગવટો વગેરે જોઈ શકશે.
- જે પરિબળમાં સુધારો થતો હોય ફક્ત તે જ પરિબળ Edit કરી શકે તેવી Facility હશે.
- સ્થળનો ફોટોગ્રાફ પણ અપલોડ થશે. જેના કારણે ખરેખર પરિસ્થિતિ છે તે સ્પષ્ટ થશે.
- પ્રોપર્ટીના GPS location મોબાઈલ એપ પરથી એક્સેસ કરી શકાશે અને સદર મિલક્તની
- Location ની માહિતી ઉપલબ્ધ થશે.
- જે ક્ષેત્રફળ અથવા પરિબળમાં ફેરફાર થાય તે એક ક્લીકથી Edit થશે અને તેના ફોટો ગ્રાફ અપલોડ કરી શકાશે. જેના કારણે સંપૂર્ણ ટ્રાન્સપરન્સી આવશે.
- વેલ્યુએશનની કામગીરી દરમિયાન GPS location ઉપલબ્ધ હશે, જેથી ઇન્સ્પેક્ટર ફક્ત તેજ લોકેશન પરથી ટેનામેન્ટ નંબરની એન્ટ્રી કરી શકશે, તેમજ તે સિવાય અન્ય લોકેશન પરથી એન્ટ્રી કરી શકશે નહિ.
- આ ઉપરાંત વોર્ડ ઈન્સપેક્ટર ક્યા લોકેશન પર કઈ તારીખે ગયેલ છે તેની વિગત ઉપરી અધિકારી પાસે રહેશે અને તેઓ Real Time માં ચકાસણી કરી શકશે.
- આમ, આખા વર્ષ દરમ્યાન થતી કામગીરી હવે ફક્ત 75 થી 90 દિવસમાં પૂર્ણ થશે. તેના કારણે અમદાવાદ મ્યુનિસિપલ કોર્પોરેશનના કર્મચારીના મેન-અવર્સમાં ઘટાડો થશે. આ અંગે તમામ સ્ટાફને સૌ પ્રથમ ટ્રેનીંગ આપવામાં આવશે અને ત્યારપછી આ પ્રક્રિયા નો અમલ થશે.
આમ, ઈ-ગવર્ન ન્સ ખાતા દ્વારા સદર મોબાઈલ એપ ટૂંક સમયમાં Develop કરવામાં આવશે અને તેની સંપૂર્ણ ચકાસણી થયા બાદ હવે પછીના વેલ્યુએશન વર્ષમાં મોબાઈલ એપ મારફતે વેલ્યુએશન કરવામાંઆવશે.
જેના કારણે અમદાવાદ મ્યુનિસિપલ કોર્પોરેશનના સ્ટેશનરીના ખર્ચમાં બચત થશે અને સંપૂર્ણ ટ્રાન્સ્પરન્સી આવશે અને વેલ્યુએશન વર્ષમાં ‘ Human Error’ તથા ‘ Human Intervention’ ની સંભાવના રહેશે નહિં, વેલ્યુએશન વર્ષ દરમ્યાન આકારણીની કામગીરી ઝડપથી પૂર્ણ થવાથી જે તે ઝોનના બીલ ઝડપથી આપી શકાશે. જેના કારણે અમદાવાદ મ્યુનિસિપલ કોર્પોરેશનની આવકમાં વધારો થશે.
હાલમાં Digital India Initiative અંતર્ગત પ્રોપર્ટી ટેક્ષ ખાતામાં મહત્તમ કામગીરી ઓનલાઈન ડીજીટલ માધ્યમથી થાય તેવી વ્યવસ્થા ગોઠવવામાં આવેલ છે. જે અંતર્ગત હાલમાં કરદાતા પોતાના બીલમાં દર્શાવેલ QR Code સ્કેન કરી તુરતજ ઓનલાઈન માધ્યમથી બીલનું પેમેન્ટ કરી શકે છે. અમદાવાદ મ્યુનિસિપલ કોર્પોરેશન દ્વારા સિવિક સેન્ટર ઉપર અપાતી જુદી જુદી સેવાઓ અંગે ના નાણાં હાલમાં કેશ ચેક, તથા તત થી પેમેન્ટ સ્વીકારવામાં આવે છે.
સદર પેમેન્ટ ના ઓપ્શન માં નવી ટેકનોલોજી અપનાવી UPI થી QR code ના માધ્યમથી પેમેન્ટ થઇ શકે તેવી વ્યવસ્થા ટૂંક સમયમાં ચાલુ કરવામાં આવનાર છે. જે અંતર્ગત કરદાતા પોતાના ટેનામેન્ટ નંબર અને પેમે ન્ટ ઓપ્શન UPI તરીકે સીલેક્ટ કરવાથી અલગથી Dynamic QR Code જનરેટ થશે. ઉપરોક્ત વ્યવસ્થા ગોઠવાયા બાદ નાગરિક GPay, Phonepe, paytm વગેરે application થી AMCની સેવાઓને લગતા payment કરી શકશે.
