સિદ્ધપુર બસ સ્ટેન્ડ પાસે બેભાન થયેલા વ્યક્તિનું મોત, કલેક્ટરે આપ્યા તપાસના આદેશ

પાટણના સિદ્ધપુરમાં એક વ્યક્તિ અચાનક જ બેભાન થઈ ગયો અને નીચે ઢળી પડ્યો. જેને સારવાર માટે લઈ જતી વખતે જ રસ્તામાં મોત થયું છે. બિલીયા ગામનો વતની જયંતિ પટેલ નામનો વ્યક્તિ બસ સ્ટેન્ડ પાસે ઉભો હતો. તે દરમિયાન અચાનક જ તે ઢળી પડ્યો હતો અને બેભાન થઈ ગયો.

જેને જોઈ કેટલાક યુવકોએ પાસે રહેલી ખાલી હાથલારીમાં બેભાન વ્યક્તિને સુવાડી દીધો અને હાથલારી હોસ્પિટલ તરફ દોડાવી મૂકી. જો કે તેઓ હોસ્પિટલ પહોંચે તે પહેલાં જ આ વ્યક્તિનું મોત થયું હતું.

ત્યારે TV9ના અહેવાલ બાદ તંત્ર સફાળું જાગી ઉઠ્યુ છે. લોકડાઉન દરમિયાન આ પ્રકારે એક દર્દીને યોગ્ય સમયે કોઇ વાહન કે એમ્બ્યુલન્સ ન મળતા કલેક્ટરે તપાસના આદેશ આપ્યા છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો