VIDEO: કોરોનાથી રાજ્યમાં પોઝિટિવ કેસની સંખ્યા વધીને 53 થઈ, જાણો શહેર પ્રમાણે કોરોનાની સ્થિતિ

ગુજરાતમાં કોરોનાના કેસમાં સતત વધારો થઈ રહ્યો છે. પોઝિટિવ કેસનો આંકડો ગઈકાલે 44 હતો તે હવે વધીને 53 થયો છે. શહેર પ્રમાણે કોરોના પોઝિટિવ દર્દીઓની સ્થિતિ જોઇએ તો અમદાવાદમાં 15, સુરતમાં 7, રાજકોટમાં 8, વડોદરામાં 9, ગાંધીનગરમાં 7 અને ભાવનગર તથા કચ્છમાં એક-એક પોઝિટિવ દર્દીઓ છે.

આ પણ વાંચો: દેશમાં કોરોના વાઈરસથી મોતનો આંકડો 20 થયો, પોઝિટિવ કેસની સંખ્યા 830થી વધુ નોંધાઈ

કુલ 53માંથી 36 દર્દીઓ આંતરરાષ્ટ્રીય મુસાફરી કરીને આવેલા છે. જ્યારે અન્ય 18 દર્દીઓમાંના 16 દર્દીઓ એવા છે જે આ આંતરરાષ્ટ્રીય મુસાફરોના સીધા સંપર્કમાં આવ્યા હતા. એટલે કે બે દર્દીઓ જ એવા છે જેમણે સ્થાનિક સ્તરે કોરોના થયો છે. જોકે આ દર્દીઓએ પણ રાજ્ય બહાર મુસાફરી કરી હતી. આરોગ્ય વિભાગના અગ્રસચિવ જયંતિ રવિએ કહ્યું કે- રાજ્ય સરકાર ચુસ્તપણે ક્વૉરેન્ટાઈનનું કડક પાલન થાય તેવા પ્રયત્નો કરે છે. ગુજરાતમાં 20,103 લોકોને 14 દિવસના ક્વૉરેન્ટાઈનમાં મુકવામાં આવ્યા છે. આ પૈકીના 575 લોકો સરકારી ક્વૉરેન્ટાઈનમાં અને 19,377 લોકો હૉમ ક્વૉરેન્ટાઈનમાં છે. અમુક લોકો હૉમ ક્વૉરેન્ટાઈનનો ભંગ કરે છે એવા 236 વ્યક્તિઓ સામે પોલીસ ફરિયાદ પણ નોંધાવવામાં આવી છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો