Pushpa : The Rise ના હિન્દી ડિજિટલ પ્રીમિયર માટે જોવી પડશે રાહ, જાણો ક્યારે આવશે સ્ટ્રીમિંગ ડેટ
અલ્લુ અર્જુનની ફિલ્મ પુષ્પા 2 ભાગમાં બની છે. પુષ્પા ધ રાઇઝ અને પુષ્પા ધ રૂલ. ફિલ્મનો પહેલો ભાગ ગયા મહિને રિલીઝ થયો હતો, જેણે આ વર્ષના પહેલા મહિનામાં પણ ધમાલ મચાવી દીધી છે.
અલ્લુ અર્જુનની (Allu Arjun) ફિલ્મ પુષ્પા ધ રાઇઝે (Pushpa : The Rise ) ધમાલ મચાવી છે. આ ફિલ્મ બોક્સ ઓફિસ પર ઘણી કમાણી કરી રહી છે. કરોડોની કમાણી કર્યા બાદ હવે આ ફિલ્મ ડિજિટલમાં ધમાકો કરવા માટે તૈયાર છે. ટ્રેડ એનાલિસ્ટ તરણ આદર્શના રિપોર્ટ અનુસાર, પુષ્પાનું હિન્દી ડિજિટલ પ્રીમિયર થશે. જોકે તેની તારીખ નક્કી કરવામાં આવી નથી.
તરણે ટ્વિટ કર્યું, ‘પુષ્પાનું હિન્દી ડિજિટલ પ્રીમિયર. હજુ તારીખ નક્કી નથી. એવા અહેવાલો હતા કે પુષ્પાનું હિન્દી વર્ઝન આવતા અઠવાડિયે ડિજિટલ પ્લેટફોર્મ પર પ્રીમિયર થશે. પરંતુ હજુ તારીખ નક્કી નથી. થિયેટરની આવક ઘટવાનું શરૂ થશે ત્યારે તારીખ નક્કી કરવામાં આવશે.
રિપોર્ટ્સ અનુસાર, ફિલ્મના સ્ટ્રીમિંગ રાઇટ્સ મોટી રકમમાં આપવામાં આવ્યા છે. આ ફિલ્મે બૉક્સ ઑફિસનો એક અદભૂત રેકોર્ડ તો બનાવ્યો જ છે, સાથે જ બાકીની પ્રાદેશિક ફિલ્મો માટે પણ મોટો કમાણી કરી છે. વાસ્તવમાં, પુષ્પાના હિન્દી વર્ઝને બોલીવુડની ઘણી ફિલ્મો કરતાં વધુ કમાણી કરી છે.
‘PUSHPA’ HINDI DIGITAL PREMIERE: NO DATE FIXED YET… There’s talk that #Pushpa #Hindi version will premiere on a digital platform next week… FALSE… No date has been decided yet… A date will be decided once the theatrical revenue starts slowing. #PushpaHindi pic.twitter.com/pEQAibG2jC
— taran adarsh (@taran_adarsh) January 6, 2022
થિયેટરોમાં કમાણી કર્યા પછી, પુષ્પા હવે ઓટીટી પર તેની અજાયબી બતાવવા માટે તૈયાર છે. પુષ્પાના સ્ટ્રીમિંગ રાઇટ્સ એમેઝોન પ્રાઇમને આપવામાં આવ્યા છે. તમે Amazon પર આ ફિલ્મ જોઈ શકો છો. એમેઝોને પણ ગઈકાલે એટલે કે 5 જાન્યુઆરીએ આની જાહેરાત કરી હતી.
રિપોર્ટ અનુસાર, પુષ્પાના સ્ટ્રીમિંગ રાઈટ્સ એમેઝોન પ્રાઇમને 27-30 કરોડમાં વેચવામાં આવ્યા છે. રિપોર્ટ્સ અનુસાર, ફિલ્મની સેટેલાઇટ વેલ્યુ OTT ડીલ કરતા વધુ છે. હાલમાં, પુષ્પા એમેઝોન પર તેલુગુ, તમિલ, મલયાલમ અને કન્નડ ભાષાઓમાં જોવા મળશે. જેમણે આ ફિલ્મ થિયેટરોમાં જોઈ નથી તેઓ હવે આ ફિલ્મ OTTમાં જોઈ શકશે.
એવું કહેવામાં આવી રહ્યું છે કે પુષ્પાની સફળતા બાદ હવે શક્ય છે કે સાઉથની ફિલ્મો સ્ટ્રીમિંગ માટે રકમ વધારી શકે છે. વેબસાઈટના રિપોર્ટ અનુસાર, પુષ્પાની રિલીઝ બાદથી સાઉથના સ્ટુડિયો હવે ડીલ દરમિયાન મોટી રકમની માંગ કરી રહ્યા છે.
પુષ્પાની વાત કરીએ તો આ ફિલ્મ 17 ડિસેમ્બરે સિનેમાઘરોમાં રિલીઝ થઈ હતી. આ ફિલ્મ ચંદનની દાણચોરી પર આધારિત છે. હવે ફિલ્મનો માત્ર પહેલો ભાગ જ રિલીઝ થયો છે. બીજો ભાગ પુષ્પા ધ રૂલ આ વર્ષે સિનેમાઘરોમાં રિલીઝ થશે.
આ પણ વાંચો –
Big News : નાના પાટેકરની મિમિક્રી કરનાર કોમેડિયન તીર્થાનંદ રાવે આત્મહત્યાનો કર્યો પ્રયાસ
આ પણ વાંચો –
લોકશાહી પર હુમલો : PM નરેન્દ્ર મોદીની સુરક્ષામાં થયેલી ચૂકને લઈને કંગના રનૌત આકરા પાણીએ
Published On - 5:53 pm, Thu, 6 January 22