Mirzapur Season 3 : પહેલી સિઝન હિટ થતાં બીજા ભાગનું બજેટ વધ્યું, જાણો સિઝન 3 ક્યારે રિલીઝ થશે?
Mirzapur Season 3 Release Date: લોકપ્રિય સિરીઝ મિર્ઝાપુરની ત્રીજી સીઝનની દરેક વ્યક્તિ રાહ જોઈ રહ્યા છે. આજે અમે તમને બજેટથી લઈને આ સિઝનની રિલીઝ ડેટ સુધીની તમામ માહિતી આપવા જઈ રહ્યા છીએ.
OTTની દુનિયામાં એવી ઘણી સિરીઝો છે, જેણે લોકોના દિલમાં એક અલગ જ સ્થાન બનાવ્યું છે. લોકોમાં તેનો ઘણો ક્રેઝ છે. એમેઝોન પ્રાઇમ વીડિયોના મિર્ઝાપુરનું નામ આવી જ એક સિરીઝમાં આવે છે. અત્યાર સુધી તેની બે સિઝન આવી ચૂકી છે. પ્રથમ સિઝન 2018માં અને બીજી 2020માં આવી હતી.મિર્ઝાપુરની પહેલી અને બીજી બંને સિઝન ખૂબ પસંદ કરવામાં આવી હતી.
આ સિરીઝમાં પંકજ ત્રિપાઠી, દિવ્યેન્દુ શર્મા, અલી ફઝલ, શ્વેતા ત્રિપાઠી, વિજય વર્મા જેવા સ્ટાર્સ જોવા મળ્યા હતા. આ તમામે પોતાના શાનદાર અભિનયને કારણે લોકોના દિલમાં છવાઈ ગયા હતા. હવે લોકો તેની ત્રીજી સીઝનની આતુરતાથી રાહ જોઈ રહ્યા છે. તો જો તમે પણ મિર્ઝાપુર સિઝન 3 માટે ઉત્સાહિત છો, તો ચાલો તમને બજેટથી લઈને આ સિઝનની રિલીઝ ડેટ સુધીની માહિતી આપીએ.
મિર્ઝાપુર સિઝન 3નું બજેટ
રિપોર્ટ્સ અનુસાર, જ્યારે મિર્ઝાપુરની પહેલી સિઝન વર્ષ 2018માં રિલીઝ થઈ હતી, ત્યારે તેને બનાવવામાં લગભગ 12 કરોડ રૂપિયાનો ખર્ચ થયો હતો. તો વર્ષ 2020માં રિલીઝ થયેલી બીજી સિઝનની તુલનામાં બજેટમાં 5 ગણો વધારો કરવામાં આવ્યો હતો. એટલે કે સીઝન 2નું બજેટ 60 કરોડની આસપાસ હતું. બીજી તરફ મિર્ઝાપુર સિઝન 3ના બજેટની વાત કરીએ તો રિપોર્ટ્સમાં કહેવામાં આવી રહ્યું છે કે બીજી સિઝનની સરખામણીએ ત્રીજી સિઝનનું બજેટ 30 ટકા વધ્યું છે. તે પ્રમાણે ત્રીજી સિઝનનું બજેટ 78 કરોડ રૂપિયાની આસપાસ છે.
ત્રીજી સિઝન ક્યારે રિલીઝ થશે?
બીજી સિઝનનો અંત એવી ક્ષણ પર થયો છે, જેણે ઘણા સસ્પેન્સને ક્રિએટ કર્યા છે. ત્રીજી સીઝનમાં, તે સસ્પેન્સ પરથી પડદો ઉઠશે, જેના કારણે ચાહકો મિર્ઝાપુર સીઝન 3ની આતુરતાથી રાહ જોઈ રહ્યા છે. જો આપણે તેની રિલીઝ ડેટ વિશે વાત કરીએ તો, સત્તાવાર રીતે હજી સુધી કોઈ તારીખની પુષ્ટિ કરવામાં આવી નથી, પરંતુ મીડિયા અહેવાલોમાં માનવામાં આવે છે કે ચાહકોને વર્ષ 2023 માં જ ત્રીજી સીઝનની ભેટ મળી શકે છે. તમને જણાવી દઈએ કે, મિર્ઝાપુર સીઝન 3 નું શૂટિંગ ડિસેમ્બર 2022માં જ પૂર્ણ થઈ ગયું છે, જેની માહિતી ગુડ્ડુ ભૈયા ફેમ અલી ફઝલે ઈન્સ્ટાગ્રામ દ્વારા આપી હતી.
