Throwback: સુશાંત સિંહ રાજપૂતે માતા માટે કર્યું હતું ખાસ પરફોર્મેન્સ, દરેકની આંખોમાંથી છલકાયા હતા આંસુ

બોલિવૂડ (Bollywood) અભિનેતા સુશાંત સિંહ રાજપૂતે (Sushant Singh Rajput) ટીવીમાં પોતાની ઓળખ બનાવ્યા બાદ મોટા પડદા પર પગ મૂકવાનો નિર્ણય લીધો હતો. સુશાંતે ડેલી સોપ સાથે ઘણા રિયાલિટી શોમાં કામ કર્યું હતું. સુશાંતની શૈલી દરેકથી અનોખી હતી જેના કારણે તેમના ચાહકો હજી સુધી ભૂલી શક્યા નથી. સુશાંત ગયા વર્ષે 14 જૂને આ દુનિયા છોડીને ચાલ્યા ગયા હતા. સુશાંતના વિદાયના દુઃખમાંથી તેમના ચાહકો અને પરિવાર હજી બહાર આવ્યા નથી.

સુશાંતના ચાહકો તેમના જુના વીડિયો અને તસ્વીરો સોશિયલ મીડિયા પર શેર કરતા રહે છે. તે વાયરલ થઈ જાય છે. સુશાંતનો એક જૂનો વીડિયો વાયરલ થઈ રહ્યો છે જેમાં તેમણે તેમની માતા માટે ડાન્સ કર્યો હતો. આ વીડિયો રિયાલિટી શો ઝલક દિખલા જા (Jhalak Dikhhla Jaa) નો છે.

માતાને ડેડિકેટ કર્યો હતો ડાન્સ

સુશાંત સિંહ રાજપૂતે ડાન્સ રિયાલિટી શો ઝલક દિખલા જામાં પોતાના ડાન્સ દ્વારા માતા અને બાળકના અનોખા સંબંધને દર્શાવ્યો હતો. સુશાંતે ખૂબ જ નાની ઉંમરે તેમની માતાને ગુમાવી દીધી હતી. જ્યારે તેમની માતાનું નિધન થયું ત્યારે તે ફક્ત 16 વર્ષના હતા. તેમણે કહ્યું કે તે તેમની માતાની ખૂબ નજીક હતા. તેમની નાની નાની વસ્તુઓથી તે ખુશ થઈ જતી હતી. સુશાંત વીડિયોમાં કહે છે કે તમે મારા વિશે જે વિચાર્યું હતું, જે સપના જોયા હતા તે બધુ થઈ રહ્યું છે પરંતુ તે જોવા માટે તમે મારી સાથે નથી.

Video Courtesy by Sony TV

સુશાંતે લૂકા છુપ્પી બહુત હુઇ ગીત પર ડાન્સ કર્યો હતો. સુશાંતનો ડાન્સ જોઈને ત્યાં બેઠેલા તમામ લોકોની આંખોમાં આંસુ આવી ગયા હતા. સુશાંતનું પર્ફોર્મન્સ સમાપ્ત થયા પછી, અંકિતા લોખંડે તેમની પાસે દોડી આવે છે અને તેને ચૂપ કરાવે છે. જે બાદ બધા જજો સુશાંતના ડાન્સની ખૂબ પ્રશંસા કરે છે.

માધુરી દીક્ષિતે તેમના બાળકોને કર્યા હતા યાદ

સુશાંતના ડાન્સની પ્રશંસા કરતા, માધુરીએ તેમના પુત્ર સાથે સંબંધિત એક કિસ્સો વર્ણવ્યો હતો. તેમણે કહ્યું કે મને યાદ છે જ્યારે હું અહીં આવી હતી ત્યારે મારા બાળકો મને મળવા અહીં આવ્યા હતા. તે ત્રણ અઠવાડિયા સુધી મારી સાથે રહ્યા. તેમણે ત્રણ અઠવાડિયા સુધી અહીં બેસીને શો જોયો. મોટા દીકરાએ એક દિવસ મને કહ્યું – માં, જ્યારે અમે ડેનવર હતા, ત્યારે મને આ વાતનો ખ્યાલ નહોતો થયો, પરંતુ હવે હું તમને અત્યારે મળ્યો છું, તો મને ખ્યાલ થયો કે મેં તમને કેટલા મિસ કર્યા છે.

તમને જણાવી દઈએ કે ગયા વર્ષે 14 જૂને સુશાંત તેમના મુંબઇ સ્થિત ઘરે મૃત હાલતમાં મળી આવ્યા હતા. તેમના કેસની તપાસ હજી ચાલુ છે.