The Kapil Sharma Show: સારા અલી ખાને જાહેરમાં તેની માતા અમૃતા સિંહને આપ્યો ઠપકો, વિકી કૌશલે કર્યો ખુલાસો

The Kapil Sharma Show : બોલિવૂડ અભિનેત્રી સારા અલી ખાન અને વિકી કૌશલ હાલમાં તેમની ફિલ્મ જરા હટકે ઝરા બચકે માટે ખૂબ જ ચર્ચામાં છે. ફિલ્મને બોક્સ ઓફિસ પર સારી ઓપનિંગ મળી હતી. આ ફિલ્મ લોકોની અપેક્ષા કરતાં વધુ કમાણી કરી રહી છે. જો કે વીકેન્ડના આંકડા નક્કી કરશે કે ફિલ્મ હિટ રહેશે કે ફ્લોપ. પરંતુ તે પહેલા વિકી અને સારા અલગ અલગ પ્લેટફોર્મ પર પોતાની ફિલ્મનું પ્રમોશન કરી રહ્યા છે.

આ પણ વાંચો : Tere Vaaste Song : વિકી કૌશલ અને સારા અલી ખાનની ફિલ્મ ઝરા હટકે ઝરા બચકેનું લેટેસ્ટ Song, જુઓ VIDEO

ફિલ્મના પ્રમોશન માટે આવશે કપિલ શર્માના સેટ પર

વિકી અને સારા પોતાની ફિલ્મના પ્રમોશન માટે કપિલ શર્માના શોમાં પહોંચવાના છે. આ દરમિયાન કપિલ બંનેનું ખૂબ મનોરંજન કરતો જોવા મળશે અને બંને સ્ટાર્સ શોના સેટ પર પોતાના અનુભવો પણ શેર કરશે. આ દરમિયાન વિકી કૌશલ સારા અલી ખાનની એક આદતનો ખુલાસો કરશે. વાસ્તવમાં, મેકર્સ દ્વારા શેર કરવામાં આવેલા પ્રોમોમાં જોઈ શકાય છે કે વિકી કૌશલ સારાની પોલ ખોલતો જોવા મળશે.

જુઓ પોસ્ટ

વિક્કી કૌશલના જણાવ્યા અનુસાર, સારા અલી ખાન ઘણીવાર સેટ પર તેની માતા અમૃતા સિંહને ઠપકો આપતી હતી. વિકીએ એક કિસ્સો શેર કર્યો જેમાં સારાએ તેની માતાને રૂપિયા 1600નો ટુવાલ ખરીદવા માટે ઠપકો આપ્યો હતો. જો કે સારાએ પણ પોતાનો ખુલાસો કર્યો અને કહ્યું કે આટલો મોંઘો ટુવાલ કોણ ખરીદે છે. જ્યારે વેનિટીમાં સારા ટુવાલ હોય છે. સારાનું માનવું છે કે શા માટે નકામી વસ્તુઓ પર વધુ પૈસા ખર્ચો છો.

આવી છે ફિલ્મ

સારાએ પોતે ઘણી વખત ખુલાસો કર્યો છે કે, તે મોંઘી વસ્તુઓને લઈને ખૂબ જ ચુઝી છે. જો કે, જો ફિલ્મ વિશે વાત કરીએ તો, સારા અલી ખાન જરા હટકે જરા બચકેમાં યુપી સ્થિત પુત્રવધૂ તરીકે જોવા મળે છે. જેનો જન્મ એક મધ્યમ વર્ગીય પરિવારમાં થયો છે અને તેનો પતિ પણ તેને મધ્યમ વર્ગનું જીવન જીવે છે. જેના કારણે સારા તેના પતિને નકલી છૂટાછેડા લેવાનું નાટક કરવા કહે છે. જો કે દરેકને તેના પર શંકા રહે છે.