બહુપ્રતિક્ષિત ફિલ્મ RRRની રિલીઝ ડેટ સામે આવતા જ સિનેમા પ્રેમીઓ સોશિયલ મીડિયા પર ખુશી વ્યક્ત કરી રહ્યા છે, રિલીઝ ડેટ પર નજર રાખી રહેલ ચાહકો માટે આવ્યા છે આ ફિલ્મની રિલીઝ તારીખના સારા સમાચાર. જેની જાહેરાત બોલીવુડ અભિનેત્રી આલિયા ભટ્ટે પોતે કરી છે, જે ફિલ્મમાં મહત્વની ભૂમિકા ભજવી રહી છે.
આલિયા ભટ્ટે ફિલ્મ RRRનું પોસ્ટર પોતાના ઓફિશિયલ ઈન્સ્ટા હેન્ડલ સાથે શેર કરતા લખ્યું ‘7 જાન્યુઆરી 2022 ના રોજ સિનેમાઘરોમાં મળીશું. તૈયાર રહો ભારતની સૌથી મોટી એક્શન ડ્રામા ફિલ્મનો અનુભવ કરવા માટે. ફિલ્મના પોસ્ટરમાં બોલિવૂડ સુપરસ્ટાર અજય દેવગણ (Ajay Devgn), સાઉથ સુપરસ્ટાર્સ જુનિયર એનટીઆર (N. T. Rama Rao Jr.) અને રામચરણ (Ram Charan) સિવાય બોલિવૂડની બ્યુટી આલિયા ભટ્ટ (Alia Bhatt) જોવા મળી રહી છે. ફિલ્મની રિલીઝ ડેટ સામે આવતા જ સિનેમા પ્રેમીઓ સોશિયલ મીડિયા પર ખુશી વ્યક્ત કરી રહ્યા છે.
તમને જણાવી દઈએ કે થોડા સમય પહેલા RRRની રિલીઝ ડેટ જાહેર કરવામાં આવી હતી. તે પછી કહેવામાં આવ્યું હતું કે આ ફિલ્મ 13 ઓક્ટોબર, 2021ના રોજ થિયેટરોમાં રિલીઝ થશે. પરંતુ RRRના સોશિયલ મીડિયા પેજ પરથી જાણ કરવામાં આવી હતી કે ફિલ્મ કોવિડને કારણે ઓક્ટોબરમાં રિલીઝ થશે નહીં.
પરંતુ હવે થિયેટરો બધે જ ખુલવા લાગ્યા છે. તેથી નિર્માતાઓએ તેને વિલંબ કર્યા વગર રિલીઝ કરવાનો નિર્ણય કર્યો છે. જોકે ચાહકો આ વર્ષે આ ફિલ્મ રિલીઝ થવાની અપેક્ષા રાખી રહ્યા હતા. પરંતુ 2022ની ઘોષણાએ ચોક્કસપણે ચાહકોને થોડા નિરાશ કર્યાં છે.
ઉલ્લેખનીય છે કે RRRના ડિરેક્ટર RR રાજામૌલી છે. જેમણે અગાઉ બાહુબલી દ્વારા સમગ્ર વિશ્વમાં પોતાના દમદાર નિર્દેશનની શક્તિ બતાવી ચુક્યા છે. તમને જણાવી દઈએ કે ફિલ્મનું બજેટ આશરે 450 કરોડ રૂપિયા કહેવામાં આવી રહ્યું છે, જ્યારે પેન સ્ટુડિયોએ સમગ્ર ઉત્તર ભારતના થિયેટર અધિકારો હસ્તગત કર્યા છે.આ ફિલ્મ વિશ્વભરમાં રિલીઝ થશે.
આ ફિલ્મમાં બે મહાન ભારતીય સ્વતંત્રતા સેનાનીઓ – અલ્લુરી સીતારામ રાજુ અને કોમારામ ભીમની વાર્તા પડદા પર દર્શાવવામાં આવશે. આ ફિલ્મમાં વિદ્રોહ અને સંઘર્ષના યુગની વિરુદ્ધ જઈને હીરોને એક અલગ સ્વરૂપે બતાવવામાં આવશે. ત્યાં જ આલિયા ભટ્ટ પણ એક શક્તિશાળી પાત્રમાં આ વાર્તાનો ભાગ બની રહી છે.
આ પણ વાંચો :- Naga Chaitanya Net Worth: કરોડોની સંપત્તિના માલિક છે નાગા ચૈતન્ય, લગ્ઝરી બાઈકનો છે શોખ
આ પણ વાંચો :- Big News: સામંથા અક્કીનેની અને નાગા ચૈતન્યે છુટાછેડા લેવાનો કર્યો નિર્ણય, સોશિયલ મીડિયા પર શેર કરી પોસ્ટ
Published On - 11:34 pm, Sat, 2 October 21