Prabhas Birthday: પ્રભાસે બાહુબલી નહીં પરંતુ આ હિન્દી ફિલ્મથી કર્યુ હતુ ડેબ્યૂ, જાણો તેને લઇને કેટલીક રોચક વાતો
પ્રભાસે વર્ષ 2002 માં તેલુગુ ફિલ્મ 'ઈશ્વર' થી પોતાની કારકિર્દીની શરૂઆત કરી હતી. આ પછી તેણે યોગી, વર્ષમ, રિબેલ, બાહુબલીઃ ધ બિગનિંગ અને બાહુબલી ધ કન્ક્લુઝન સહિત ઘણી ફિલ્મોમાં કામ કર્યું છે.
સાઉથનો સુપરસ્ટાર (South Superstar) પ્રભાસ (Prabhas) આજે પોતાનો 42મો જન્મદિવસ સેલિબ્રેટ કરી રહ્યો છે. તેનો જન્મ 23 ઓક્ટોબર 1973 ના રોજ ચેન્નઈમાં થયો હતો. પ્રભાસ પહેલા માત્ર સાઉથમાં જ પ્રખ્યાત હતો. પરંતુ બાહુબલીની (Bahubali) સફળતા બાદ બધા તેને જાણવા લાગ્યા છે. ભલે તે સ્ક્રીન પર એક્શન, રોમાન્સ કરતો જોવા મળે છે. પરંતુ પ્રભાસ વાસ્તવિક જીવનમાં ખૂબ જ શરમાળ છે. તેના જન્મદિવસ પર, તેને સંબંધિત મહત્વની બાબતો જાણો.
પ્રભાસે વર્ષ 2002 માં તેલુગુ ફિલ્મ ‘ઈશ્વર’ થી પોતાની કારકિર્દીની શરૂઆત કરી હતી. આ પછી તેણે યોગી, વર્ષમ, રિબેલ, બાહુબલીઃ ધ બિગનિંગ અને બાહુબલી ધ કન્ક્લુઝન સહિત ઘણી ફિલ્મોમાં કામ કર્યું છે. પ્રભાસની ખાસિયત એ છે કે તે એક સમયે એક જ ફિલ્મ કરે છે.
બાહુબલીને પૂર્ણ કરવામાં 5 વર્ષ લાગ્યા. આ સમય દરમિયાન તેણે કોઈ ફિલ્મમાં કામ કર્યું ન હતું. આ ફિલ્મના નિર્દેશક રાજામૌલી ઇચ્છતા હતા કે ફિલ્મમાં પ્રભાસનું વજન વધે. પરંતુ તેઓ જાડા દેખાતા નથી. એક રિપોર્ટ અનુસાર, તેને બાહુબલી માટે 25 કરોડ રૂપિયાની ફી મળી હતી. સાઉથના ચાહકો તેને ડાર્લિંગ તરીકે બોલાવે છે કારણ કે તેની રોમેન્ટિક કોમેડી ફિલ્મ ‘ડાર્લિંગ’ 2010માં આવી હતી. 2012માં તેણે ફિલ્મ ‘રિબેલ’માં કામ કર્યું હતું, ત્યાર બાદ તેને રિબેલ સ્ટારના નામથી બોલાવવા લાગ્યા હતા.
પ્રભાસ બાહુબલી પહેલા અજય દેવગનની ફિલ્મ ‘એક્શન જેક્સન’માં જોવા મળ્યો હતો. આ ફિલ્મમાં તેણે નાનકડો કેમિયો ડાન્સ કર્યો હતો જેમાં સોનાક્ષી સિન્હા પણ તેની સાથે હતી. તે સમય દરમિયાન પ્રભાસ હિન્દી ફિલ્મો માટે જાણીતો ચહેરો નહોતો. આ દિવસોમાં પ્રભાસ તેની ફિલ્મ ‘રાધે શ્યામ’ને લઈને ચર્ચામાં છે. આ ફિલ્મમાં તેની સાથે પૂજા હેગડે લીડ રોલમાં છે. પ્રભાસના જન્મદિવસના એક દિવસ પહેલા મેકર્સે ફિલ્મનું ટીઝર રિલીઝ કર્યું છે.
સાઉથ સુપરસ્ટાર સોશિયલ મીડિયા પર બહુ એક્ટિવ નથી, પરંતુ તે પોતાના નવા પ્રોજેક્ટના અપડેટ્સ શેર કરતો રહે છે. તેની ફેન ફોલોઇંગ કોઇથી ઓછી નથી. પ્રભાસ સાઉથનો પહેલો સુપરસ્ટાર છે જેની પ્રતિમા બેંગકોકના મેડમ તુસાદ મ્યુઝિયમમાં બનાવવામાં આવી છે. તે ક્યારેય અભિનેતા બનવા માંગતો ન હતો. અભિનેતા હોટલ બિઝનેસમાં કામ કરવા માંગતો હતો.
આ પણ વાંચો –
ચીનની દરેક નાપાક હરકતનો જડબાતોબ જવાબ આપવા ભારતે પ્લાન કર્યો મજબૂત, એક્શનમાં જોવા મળ્યા સૈનિકો
આ પણ વાંચો –
Surat: સંચાલકો અને એસોસિએશનના વિપરીત દાવા વચ્ચે, દિવાળીમાં સૌરાષ્ટ્ર તરફ જવા માટે મુસાફરોએ ચુકવવી પડશે તગડી રકમ
આ પણ વાંચો –