Singer Taz Passes Away : પોપ સિંગર TAZનું 54 વર્ષની વયે નિધન, ‘Nachenge Saari Raat’ ગીતથી હિટ થયો હતો

Singer Tarsame Singh Saini aka Taz :બોલિવૂડના ફેમસ સિંગર તાઝ વિશે ખરાબ સમાચાર સામે આવ્યા છે. ગાયક તરસામે સિંહ સૈની(Tarsame Singh Saini)નું નિધન થયું હતું. આ સમાચાર સામે આવ્યા બાદથી ઈન્ડસ્ટ્રીના લોકોમાં શોકનું વાતાવરણ છે. સોશિયલ મીડિયા પર ચાહકો ગાયકના આત્માની શાંતિ માટે કામના કરી રહ્યા છે અને તેમને શ્રદ્ધાંજલિ આપી રહ્યા છે. તમને જણાવી દઈએ કે, તાઝ (Popular Singer Taz)એ ગાયક છે જેણે 90 અને 2000ના દાયકામાં ચાહકોને તેના ગીતો પર ડાન્સ કરવા માટે મજબૂર કર્યા હતા. તાઝનું સાચું નામ તરસામે સિંહ સૈની હતું. પોપ મ્યુઝિક સિંગર તાઝનું ગીત ‘નચંગે સારી રાત’ તે સમયે સુપરહિટ સાબિત થયું હતું.

પ્રશંસકો અને સેલેબ્સ ગાયકને શ્રદ્ધાંજલિ આપી રહ્યા છે

હવે સિંગર તાઝના મૃત્યુના સમાચાર સોશિયલ મીડિયા પર ઝડપથી ફેલાઈ રહ્યા છે. જે બાદ લોકો તેમને શ્રદ્ધાંજલિ આપી રહ્યા છે. ફિલ્મ પ્રોડ્યુસર ગુરિન્દર ચઢ્ઢાએ તેમની સાથે સિંગર તાઝની તસવીર શેયર કરીને તેમને યાદ કર્યા.

સિંગર તાજનું 29 એપ્રિલે નિધન થયું

તાઝની ઉંમર માત્ર 54 વર્ષની હતી (Tarsame Singh Saini Age) અહેવાલો અનુસાર ગાયકની તબિયત ખરાબ થઈ રહી હતી. તે કોમામાં પણ હતો. તાજેતરમાં કોમામાંથી બહાર આવ્યા હતા. મળતી માહિતી મુજબ સિંગર તાજનું 29 એપ્રિલે નિધન થયું હતું. એવું કહેવામાં આવી રહ્યું છે કે તેની સર્જરી બે વર્ષ પહેલા થવાની હતી, પરંતુ કોવિડ-19 મહામારીને કારણે તેને પણ રોકવી પડી હતી. આવી સ્થિતિમાં તેની સર્જરી થઈ શકી નહીં. તમને જણાવી દઈએ કે Tazએ તેના પોપ ગીતોથી ભારતમાં પોપ કલ્ચરને વધુ ખીલવામાં મદદ કરી.

ગીત હૃતિક રોશન માટે પણ ગાયું હતું

તાઝે વર્ષ 2003માં ફિલ્મ કોઈ મિલ ગયા માટે હૃતિક રોશન માટે એક ગીત કમ્પોઝ કર્યું હતું. ‘ઈટ્સ મેજિક’ના આ ગીત પર ચાહકોએ  ખૂબ જ ડાન્સ કર્યો હતો. આ ગીત લગ્ન, બાળકોના ફંક્શનમાં બધે જ જોરથી વગાડવામાં આવે છે, આજે પણ જ્યારે આ ગીત વગાડવામાં આવે છે, ત્યારે ગાયકના અવાજના જાદુથી દરેક લોકો સ્ટેપ્સ કરવા લાગે છે.

આ પણ વાંચો : Ahmedabad: પીપાવાવથી પકડાયેલા ડ્રગ્સ અંગે ડીજીપીએ આપી જાણકારી, પતંગના દોરા પર રંગ ચઢાવાય તે રીતે સુતળી પર હેરોઈનનો ઢોળ ચઢાવાયો હતો

આ પણ વાંચો : અદાલતોમાં સ્થાનિક ભાષાઓને પ્રોત્સાહન આપવું જરૂરી, સામાન્ય માણસ માટે કાયદાની ગૂંચવણો છે ગંભીર બાબત – પીએમ મોદી