Nushrratt Bharuccha Health Update : નુસરત ભરુચાને ઈન્ડોનેશિયામાં અકસ્માત થતા કરોડરજ્જુમાં થયું ફ્રેક્ચર, સારવાર માટે બાલીથી મુંબઈ લવાશે
અભિનેત્રી નુસરત ભરુચાની ટીમ દ્વારા એક નિવેદન બહાર પાડવામાં આવ્યું છે. તેમાં જણાવવામાં આવ્યું છે કે નુસરત હાલમાં બાલીની હોસ્પિટલમાં દાખલ છે અને તબીબી દેખરેખ હેઠળ છે. અકસ્માતમાં તેને ઈજાઓ થઈ છે અને તેની કરોડરજ્જુની સર્જરી કરવામાં આવશે.
બાલીમાં કામ અને વેકેશન માટે ગયેલી નુસરત ભરૂચાનો ઈન્ડોનેશિયમાં ગંભીર અકસ્માત થયો છે. આ અકસ્માતમાં નુસરત ભરૂચાને કરોડરજ્જુમાં ફ્રેક્ચર થયું છે. તેને તાત્કાલિક હોસ્પિટલમાં દાખલ કરવામાં આવી છે અને તેની સર્જરી મુંબઈમાં કરવામાં આવશે.
બોલિવૂડની ‘ડ્રીમ ગર્લ’ નુસરત ભરૂચા વિશે ચોંકાવનારા સમાચાર સામે આવ્યા છે. અભિનેત્રી ફિલ્મના કામ અને વેકેશન માટે બાલી ગઈ હતી. ત્યાં એક ગંભીર અકસ્માત થતા તેને કરોડરજ્જુમાં ઈજા થઈ હતી. હાલમાં તે હોસ્પિટલમાં દાખલ છે.
કેવી છે નુસરતની હાલત ?
અભિનેત્રીની ટીમ દ્વારા એક નિવેદન બહાર પાડવામાં આવ્યું છે. તેમાં જણાવવામાં આવ્યું છે કે નુસરત હાલમાં બાલીની હોસ્પિટલમાં દાખલ છે અને તબીબી દેખરેખ હેઠળ છે. અકસ્માતમાં તેને ઈજાઓ થઈ છે અને તેની કરોડરજ્જુની સર્જરી કરવામાં આવશે.
ટીમે જણાવ્યું હતું કે, “અમારી પ્રાથમિકતા અત્યારે તેનું સ્વાસ્થ્ય છે અને તેને જરૂરી તબીબી સારવાર મળે તે સુનિશ્ચિત કરવું છે. અમે હાલમાં નુસરતને બાલીથી મુંબઈ ખાતે એર એમ્બ્યુલન્સ દ્વારા પાછા લાવવાની વ્યવસ્થા કરી રહ્યા છીએ, જ્યાં તેની સર્જરી થશે. ઈજા અને સર્જરીની ગંભીરતાને જોતા, નુસરતને આરામ કરવા અને સાજા થવા માટે સમયની જરૂર પડશે. આગામી થોડા અઠવાડિયામાં તેની કામની પ્રતિબદ્ધતાઓ (વર્ક કમિટમેન્ટ્સ) પર અસર થવાની શક્યતા છે. એવું માનવામાં આવે છે કે સમયસર કામ પૂરું ન કરી શકવાને કારણે તેને લાખોનું આર્થિક નુકસાન થઈ શકે છે.”
અભિનેત્રીના પ્રતિનિધિએ એમ પણ ઉમેર્યું હતું કે, “અમે દરેકને વિનંતી કરીએ છીએ કે આ સમયે તેની ગોપનીયતાનું સન્માન કરે અને તેને તેની સારવાર અને સ્વસ્થ થવા પર ધ્યાન કેન્દ્રિત કરવા માટે જરૂરી સમય અને અવકાશ આપે. અમે દરેકની ચિંતા અને શુભેચ્છાઓ માટે આભારી છીએ, અને યોગ્ય સમયે વધુ માહિતી આપીશું.” હાલમાં, તેના વિશે વધુ કોઈ માહિતી આપવામાં આવી નથી. ચાહકો અભિનેત્રીના ઝડપથી સાજા થવા માટે પ્રાર્થના કરી રહ્યા છે.
નુસરત ભરૂચાની કારકિર્દી પર નજર કરીએ તો, તેણે ‘પ્યાર કા પંચનામા’ અને ‘પ્યાર કા પંચનામા 2’ દ્વારા પોતાની એક અલગ ઓળખ બનાવી છે. ત્યારબાદ, તેઓ સોનુ કે ટીટુ કી સ્વીટી અને *ડ્રીમ ગર્લ* જેવી ફિલ્મોમાં જોવા મળી હતી. નુસરતે ‘છોરી’, ‘જનહિત મેં જારી’, ‘રામ સેતુ’, ‘અકેલી’ અને ‘છોરી 2’ જેવી ફિલ્મોમાં પણ કામ કર્યું છે. તેમણે વિવિધ પ્રકારના પાત્રો ભજવીને પોતાની અભિનય ક્ષમતા સાબિત કરી છે. પ્રેક્ષકોએ આ ફિલ્મોમાં તેમના અભિનયને ખૂબ જ પસંદ કર્યો. તેઓ નજીકના ભવિષ્યમાં અનેક મોટા પ્રોજેક્ટ્સનો ભાગ બનવા જઈ રહ્યાં છે.
