બિગ બોસ 20માં રહેલા સ્પર્ધકોને આ સપ્તાહમાં તેમના પરિવારજનો દ્વારા મોકલવામાં આવેલ સંદેશને લઈને ચર્ચામાં છે. આજે 4 નવેમ્બરે પ્રસારીત થનારા બિગ બોસ 20ના એપિસોડમાં માહી વીજ ઉપર લવ ગીલની માતા ભડકે છે. આના માટે જવાબદાર છે. લવ ગીલ માટે ઉચ્ચારાયેલા અશ્લીલ શબ્દો.

બિગ બોસ (સીઝન 20)માં દિવાળીના પર્વને ધ્યાને લઈને એક મજેદાર ટાસ્ક યોજાઈ રહ્યો છે. બિગ બોસના ઘરમાં રહેલા સ્પર્ધકોને બે મહિના પછી તેમના પરિવારજનોના અવાજ સાંભળવાની તક મળી. આ ક્ષણે સૌ કોઈ ભાવવિભોર થઈ ગયા. જોકે, આ બધાની વચ્ચે માહી વિજને લઈને એક મોટો વળાંક આવ્યો, જ્યારે લવ ગિલની માતાએ અભિનેત્રીની પોલ ખોલી નાખી.

લવની માતાનો આક્રોશ

બિગ બોસ શોમાં લવની માતાની એક ઓડિયો ક્લિપ સંભળાવવામાં આવી. તેમણે પંજાબી ભાષામાં પોતાની પુત્રી પર પ્રેમ વરસાવવાની સાથે સાથે માહીને પણ ખરી-ખોટી સંભળાવી દીધી. ગુસ્સામાં આવીને લવની માતાએ પંજાબી ભાષામાં કહ્યું કે, “માહી મારી ઉંમરની છે, આવી વાતો બોલતા પહેલા તેણે વિચારવું જોઈતું હતું.” લવે તેની માતાના શબ્દોનો હિન્દીમાં અનુવાદ કરીને માહીને સમજાવ્યું, “મારી માતાએ કહ્યું કે જો ત્યાં ‘સ્કાઉટ’ ન હોત, તો તેણે મને નિર્વસ્ત્ર કરી નાખી હોત.” આ આરોપ સાંભળીને સ્તબ્ધ થયેલી અભિનેત્રી માહી વીજ રડી પડી. માહીએ સ્પષ્ટતા કરી કે તેણે આવું કશું કહ્યું જ નથી અને તેણે ક્યારેય “નિર્વસ્ત્ર” (naked) શબ્દનો ઉપયોગ પણ કર્યો નથી.

શું માહી વિજ શો છોડી દેશે?

ઉદિતિ સાથે વાત કરતી વખતે, માહીએ સંકેત આપ્યો કે, શોના નિર્માતાઓ ખાસ કરીને તેને જ નિશાન બનાવી રહ્યા છે. તેણે કહ્યું કે જો આવું જ ચાલતું રહ્યું, તો તે શોમાં નહીં રહે. તેણે એમ પણ ઉમેર્યું કે તેને પૈસાની પણ પરવા નથી. વોશરૂમમાં જઈને માહી રડી પડી અને સવાલ કર્યો, “બધા એકબીજા વિશે વાત કરે છે, તો પછી દરેક બાબત માટે મને જ કેમ નિશાન બનાવવામાં આવે છે ? ઘરે મારો પરિવાર પણ મને જોઈ રહ્યો છે. હું અહીં મારી છબી બગાડવા નથી આવી. હું હવે આ શોમાં વધુ રહી શકું તેમ નથી.”

બીજી તરફ, ઈન્ટરનેટ પર યુઝર્સે માહીના જૂઠાણાંનો પર્દાફાશ કર્યો છે. લવ અને કાશવી સાથે જોડાયેલા એપિસોડ પછી, માહીએ એક એવી ટિપ્પણી કરી હતી, જેનાથી તેની પોતાની વાતોમાં રહેલો વિરોધાભાસ સામે આવી ગયો. આ નિવેદન લવને ઉદ્દેશીને કરવામાં આવ્યું હતું. લોકોએ માહીને તેના આવા બેવડા વલણ (double standards) માટે ટ્રોલ કરી છે. સોશિયલ મીડિયા યુઝર્સે ધ્યાન દોર્યું છે કે વ્યક્તિએ પોતાની વાત પર અડગ રહેવું જોઈએ. માહીની ગેમપ્લે પર પણ સવાલો ઉઠી રહ્યા છે.

હવે જોવાનું એ રહેશે કે ‘વીકેન્ડ કા વાર’ દરમિયાન સલમાન ખાન, માહી અને લવ વચ્ચે બનેલી આ ઘટના પર કેવી પ્રતિક્રિયા આપે છે. ગયા અઠવાડિયે, સલમાન ખાને માહીને ઠપકો આપ્યો હતો અને કહ્યું હતું કે તે અપેક્ષા મુજબનું પ્રદર્શન નથી કરી રહી અને માત્ર ગોસીપ કરવામાં જ વ્યસ્ત રહે છે.

Bigg Boss 20માં સ્કાઉટ ઓપી પર ભડક્યો સલમાન ખાન, કહ્યું, “તારાથી હલકો કોઈ માણસ નથી!”