KGF 2 ફેમ યશે પાન મસાલાની જાહેરાત કરવાનો ઇનકાર કર્યો, જાણો રોકિંગ સ્ટારે કેટલા કરોડની ડીલ ઠુકરાવી
તમને જણાવી દઈએ કે, પાન મસાલા બ્રાન્ડનું એન્ડોર્સમેન્ટ ઘણા સમયથી ચર્ચામાં છે. આ મુદ્દો ત્યારે ઉભો થયો જ્યારે તાજેતરમાં બોલિવૂડ અભિનેતા અક્ષય કુમાર શાહરૂખ ખાન અને અજય દેવગન સાથે વિમલ પાન મસાલાની ઈલાઈચીની જાહેરાતમાં જોવા મળ્યો હતો.
KGF 2 : અભિનેતા યશે કન્નડ ફિલ્મો ‘KGF’ અને ‘KGF ચેપ્ટર 2’ (KGF Chapter 2) માં પોતાના આકર્ષક દેખાવથી ઘણા લોકોના દિલ જીતી લીધા છે. પોતાની ફિલ્મોથી ઘણી પ્રશંસા મેળવી રહેલા અભિનેતા યશે (Superstar Yash) હવે એક એવું કારનામું કર્યું છે, જેના માટે તેના ખૂબ વખાણ થઈ રહ્યા છે. યશે પાન મસાલા અને ઈલાઈચી બ્રાન્ડની જાહેરાત કરવાની સ્પષ્ટ ના પાડી દીધી છે. એવું કહેવામાં આવી રહ્યું છે કે, આ ડીલ કરોડો રૂપિયાની હતી, પરંતુ તેમ છતાં અભિનેતાએ પાન અને ઈલાઈચી બ્રાન્ડની જાહેરાત કરવાનો ઈન્કાર કરી દીધો હતો. યશનું કામ સંભાળતી મેનેજમેન્ટ એજન્સીએ આ સમાચારને સમર્થન આપ્યું છે.
જાણો શા માટે યશે પાન મસાલાની કરોડોની ડીલ નકારી કાઢી
TOI ના એક અહેવાલ મુજબ, એજન્સીના ટેલેન્ટ અને ન્યુ વેન્ચર હેડ અર્જુન બેનર્જીએ એક નિવેદનમાં જણાવ્યું હતું કે મને યાદ છે કે જ્યારે અમે માર્ચ 2020 માં યશ અને તેના લાંબા સમયથી મિત્ર અને સાથીદાર પ્રશાંત સાથે ટીમના ભાગ રૂપે જોડાયા હતા, અર્જુન બેનર્જીએ કહ્યું કે યશ સારી રીતે જાણે છે કે તેણે કોની સાથે સંબંધ બાંધવો છે. તે ખૂબ કાળજી રાખે છે. અર્જુન બેનર્જીએ વધુમાં જણાવ્યું હતું કે અમે એક ટીમ તરીકે માત્ર લાંબા ગાળાની ભાગીદારી જોઈ રહ્યા છીએ, પછી તે વ્યૂહાત્મક રોકાણ, સમર્થન અથવા ઈક્વિટી સોદાના સ્વરૂપમાં હોય. તાજેતરમાં અમે પાન મસાલા બ્રાન્ડની ડબલ ડિજિટની મલ્ટિ-કરોડ ઓફરને નકારી કાઢી છે.
અમે કોની સાથે સંગત કરીએ છીએ તેના પર અમે ખૂબ જ સચેત છીએ. તેના (યશ) સમગ્ર ભારતમાં ફોલોઈંગને જોતા, અમે આ તકનો ઉપયોગ યોગ્ય પ્રકારનો સંદેશ ફેલાવવા માટે કરવા માંગીએ છીએ. અમે અમારો સમય અને પરસેવો એવી બ્રાન્ડ્સ સાથે વિતાવવા માંગીએ છીએ કે જેની પાસે અંતરાત્મા હોય, જેમની માનસિકતા હોય અને જેઓ લાંબી રમતના ખેલાડીઓ હોય.
તમને જણાવી દઈએ કે પાન મસાલા બ્રાન્ડનું એન્ડોર્સમેન્ટ ઘણા સમયથી ચર્ચામાં છે. આ મુદ્દો ત્યારે ઉભો થયો જ્યારે તાજેતરમાં બોલિવૂડ અભિનેતા અક્ષય કુમાર શાહરૂખ ખાન અને અજય દેવગન સાથે વિમલ પાન મસાલાની ઈલાઈચી વાલે જાહેરાતમાં જોવા મળ્યો હતો. આ એડ સામે આવ્યા બાદ અક્ષય કુમાર ઘણો ટ્રોલ થયો હતો,
યશ દ્વારા આવી જાહેરાતનો ઇનકાર કર્યા પછી હવે ટોલીવુડ અને બોલિવૂડ ફરી એકવાર સામસામે આવવા જઈ રહ્યા છે, કારણ કે ફિલ્મોના વિષયવસ્તુને લઈને સાઉથ સિનેમા અને હિન્દી સિનેમા વચ્ચે ઘણી સરખામણી થઈ રહી છે.
