ક્રિકેટર શ્રીસંત, ધ ગ્રેટ ખલી, પામેલા એન્ડરસન, રિમી સેને બિગ બોસમાં ભાગ લેવા વસૂલ્યા હતા આટલા રૂપિયા, જાણો કાઝી તૌકીરને કેટલા રૂપિયા અપાય છે
બિગ બોસ 20 તેના મજેદાર અને મનોરંજક એપિસોડ્સ દ્વારા દર્શકોના દિલ જીતી રહ્યું છે. વર્ષો દરમિયાન, શોમાં ભાગ લેનારા ઘણા સ્પર્ધકોએ અપાર લોકપ્રિયતા મેળવી છે. આ ઉપરાંત, અહેવાલો સૂચવે છે કે, કેટલાક સ્ટાર્સે શોમાં તેમના કાર્યકાળ માટે મોટી ફી મેળવી હતી. પમેલા એન્ડરસનની ટૂંકી ગેસ્ટ એન્ટ્રીથી લઈને અંકિતા લોખંડેની પ્રભાવશાળી સફર સુધી, વિવિધ ક્ષેત્રોની હસ્તીઓએ બિગ બોસના ઘરમાં હાજરી આપી છે. હાલમાં, ગાયક કાઝી તૌકીર, જે બિગ બોસ 20 ના સ્પર્ધક છે, તેઓ પણ તેમની ફીને લઈને ચર્ચામાં છે.
ગાયક કાઝી તૌકીર, જે હાલમાં બિગ બોસ 20 માં જોવા મળી રહ્યા છે, તેઓ સૌપ્રથમ 2005ના રિયાલિટી શો 'ફેમ ગુરુકુલ' દ્વારા લોકપ્રિય થયા હતા. તેઓ રૂપરેખા બેનર્જી સાથે તે શોના વિજેતા બન્યા હતા. અહેવાલો અનુસાર, બિગ બોસ 20 માં ભાગ લેવા માટે કાઝીને અઠવાડિયે લગભગ રૂપિયા 8 લાખ ચૂકવવામાં આવી રહ્યા છે. જોકે, શોના નિર્માતાઓએ સ્પર્ધકોની ફી અંગે કોઈ વિગતો સત્તાવાર રીતે જાહેર કરી નથી.
ટીવી અભિનેતા અલી ગોનીએ વાઈલ્ડ-કાર્ડ સ્પર્ધક તરીકે 'બિગ બોસ 14'માં પ્રવેશ કર્યો હતો. શોમાં જોડાયા પછી, તેઓ આ સીઝનના સૌથી વધુ ચર્ચિત ચહેરાઓમાંના એક બની ગયા હતા. અલી ગોની 'યે હૈ મોહબ્બતેં' જેવા ટીવી શો માટે જાણીતા છે. અહેવાલો અનુસાર, બિગ બોસ 14માં ભાગ લેવા માટે તેમને અઠવાડિયે લગભગ રુ. 16 લાખની ફી મળી હતી.
ભારતીય ક્રિકેટર શ્રીસંત બિગ બોસ 12ના સૌથી ચર્ચિત સ્પર્ધકોમાંના એક હતા. ક્રિકેટની દુનિયામાં પહેલેથી જ પોતાની ઓળખ બનાવી ચૂકેલા શ્રીસંતે શો દરમિયાન અન્ય સ્પર્ધકો સાથેની દલીલો અને વાતચીતને કારણે ઘણી ચર્ચા જગાવી હતી. અહેવાલો સૂચવે છે કે શોમાં તેમના કાર્યકાળ દરમિયાન તેમને અઠવાડિયે લગભગ રુપિયા 50 લાખ ચૂકવવામાં આવ્યા હતા.
દીપિકા કક્કરે બિગ બોસ 12માં ભાગ લીધો હતો અને અંતે વિજેતા બની હતી. ટીવી સિરિયલ 'સસુરાલ સિમર કા'ને કારણે ઘરે-ઘરે જાણીતું નામ બની ચૂકેલી દીપિકા શોમાં પ્રવેશતા પહેલાં જ લોકપ્રિય હતી. અહેવાલો અનુસાર, દીપિકાને બિગ બોસ 12 માટે અઠવાડિયે લગભગ રૂપિયા 15 લાખની ફી ચૂકવવામાં આવી હતી.
બોલિવૂડ અભિનેત્રી રિમી સેને 2015માં બિગ બોસ 9માં ભાગ લીધો હતો. મીડિયા અહેવાલો સૂચવે છે કે શોમાં જોડાવા માટે તેમને લગભગ રૂપિયા 2 કરોડની સાઇનિંગ રકમ મળી હતી. જોકે, આ આંકડાની સત્તાવાર પુષ્ટિ કરવામાં આવી નથી.
અંકિતા લોખંડેએ બિગ બોસ 17માં ભાગ લીધો હતો અને શો દરમિયાન ખૂબ ધ્યાન ખેંચ્યું હતું. અહેવાલો અનુસાર, તેમને અઠવાડિયે લગભગ રૂપિયા 11 થી 12 લાખની ફી ચૂકવવામાં આવી હતી. તેઓ સીઝનની ફિનાલે સુધી પહોંચ્યા હતા પરંતુ ટ્રોફી જીતવામાં સફળ રહ્યી ન હતી.
પ્રખ્યાત હોલીવુડ અભિનેત્રી પામેલા એન્ડરસનની ગણતરી પણ બિગ બોસના ઈતિહાસમાં સૌથી વધુ ફી મેળવનારા મહેમાનોમાં થાય છે. અહેવાલો અનુસાર, આ ટૂંકી હાજરી માટે તેમને લગભગ રૂપિયા 2.5 કરોડ ચૂકવવામાં આવ્યા હતા. જો આ અહેવાલો પર વિશ્વાસ કરવામાં આવે, તો પામેલા શોના ઈતિહાસમાં સૌથી વધુ ફી મેળવનારી આંતરરાષ્ટ્રીય હસ્તીઓમાં સામેલ છે.
રેસલર 'ધ ગ્રેટ ખલી' કે જેમનું અસલી નામ દલીપ સિંહ રાણા છે તેઓ 2010માં બિગ બોસ 4માં ભાગ લીધો હતો. અહેવાલો અનુસાર, શોમાં તેમના કાર્યકાળ દરમિયાન તેમને અઠવાડિયે લગભગ રુપિયા 50 લાખની ફી ચૂકવવામાં આવી હતી.
બિગ બોસના આ સ્પર્ધકોની ફી અંગેના આંકડા મીડિયા અહેવાલો પર આધારિત છે. 'બિગ બોસ'ના નિર્માતાઓએ સ્પર્ધકોને ચૂકવવામાં આવેલ ફિના આંકડાઓની સત્તાવાર પુષ્ટિ કરી નથી.
