છોલે-કુલચે પછી જ્યુસ વેચતા જોવા મળ્યા Sunil Grover, સોશિયલ મીડિયા પર વાયરલ થયો વીડિયો

સુનિલ ગ્રોવર હવે જનતાને હસાવવા માટે રસ્તા પર ઉતરી આવ્યા છે. કેટલીક વાર તેઓ ધાબા પર દાળ બનાવતા જોવા મળે છે, તો ક્યારેક તેઓ રસ્તા પર છોલે-કુલચે વેચતા જોવા મળે છે. હવે સુનીલ ગ્રોવરએ નવું કામ શરૂ કરી દીધું છે, આ વખતે તે તમને જ્યુસ વેચતા જોવા મળશે.

સુનીલ ગ્રોવર શાનદાર કોમેડી માટે જાણીતા છે. ભલે તે કોઈ શોનો ભાગ ન હોય, પણ તે લોકોનું મનોરંજન કરવામાં કોઈ કસર છોડતા નથી. તે સોશિયલ મીડિયા પર કેટલીક ફની પોસ્ટ્સ શેર કરીને ચાહકોનું મનોરંજન કરતા રહે છે. હવે સુનીલ ગ્રોવર લેટેસ્ટ વીડિયો શેર કર્યો છે, જેમાં તે જ્યુસ વેચતા જોવા મળી રહ્યા છે. તેમનો વીડિયો શેર કરતાં સુનિલે લખ્યું છે – ‘અપની ડાર્લિંગ કો યે જ્યુસ પિલાઓ’. વીડિયોમાં સુનિલે જ્યુસનો ભાવ પણ કહ્યો, જે 20 રૂપિયા હતો.

અગાઉ વેચાયા હતા છોલે-કુલચે

સુનીલ ગ્રોવરે આ પહેલા વેલેન્ટાઇન ડે પર એક વીડિયો શેર કર્યો હતો, જેમાં તે છોલે-કુલચે બનાવે છે. સુનીલ ગ્રોવરે વીડિયો શેર કર્યો અને લખ્યું: ‘વેલેન્ટાઇન ડે પર તમારા પ્રેમીને છોલે-કુલચે ખવડાવો.’ સુનીલ ગ્રોવરનો આ વીડિયો ખૂબ વાયરલ થયો હતો.