Breaking News : ટાઈગર શ્રોફ પર ફાયરિંગનો પહેલો વીડિયો આવ્યો સામે, ગોળીબારથી સમગ્ર વિસ્તાર હચમચી ગયો-Video

બોલિવૂડ અભિનેતા ટાઈગર શ્રોફને નિશાન બનાવીને કરવામાં આવેલા કથિત ગોળીબારની ઘટનાનો પહેલો વીડિયો સામે આવ્યો છે. મુંબઈના જુહુ વિસ્તારમાં લેવામાં આવેલા આ ફૂટેજમાં ગોળીબારનો અવાજ અને તેના કારણે સર્જાયેલી અફરાતફરી જોઈ શકાય છે. પ્રાથમિક અહેવાલો અનુસાર, મોટરસાઈકલ પર આવેલા અજાણ્યા હુમલાખોરોએ ટાઈગર શ્રોફની ગાડી પર 5 રાઉન્ડ ગોળીબાર કર્યો હતો. વીડિયોમાં ટોપી પહેરેલા બે શંકાસ્પદ વ્યક્તિઓ ટાઈગર શ્રોફની દિશામાં ગોળીબાર કરતા દેખાય છે. એક સામેની બાજુથી અને બીજો ભીડની વચ્ચેથી. બંને શંકાસ્પદ વ્યક્તિઓ ત્યાંથી ભાગી ગયા હતા, જેમાંથી એક મોટરસાઈકલ પર ફરાર થયો હતો. હવે તે સમગ્ર ઘટનાનો વીડિયો સામે આવ્યો છે.

ટાઈગર શ્રોફ પર હુમલાનો પહેલો વીડિયો આવ્યો સામે

હાલ અભિનેતા સુરક્ષિત છે અને તેમને કોઈ ઈજા થઈ નથી, પરંતુ અહેવાલો મુજબ તેમના ડ્રાઈવર અને એક ઓટો-રિક્ષા ચાલકને ઈજાઓ પહોંચી છે. આ વીડિયો સામે આવ્યા બાદ, હુમલાખોરોની ઓળખ કરવા અને ઘટનાક્રમને સમજવા માટે પોલીસ તપાસમાં સીસીટીવી ફૂટેજ મહત્વની ભૂમિકા ભજવશે તેવી અપેક્ષા છે. જોકે, હુમલાખોરો કોણ હતા અને આ હુમલા પાછળનો હેતુ શું હતો, તેની સત્તાવાર પુષ્ટિ તપાસ પૂર્ણ થયા બાદ જ થઈ શકશે. સોશિયલ મીડિયા પર વાયરલ થઈ રહેલી એક પોસ્ટ મુજબ, લોરેન્સ બિશ્નોઈ ગેંગે આ હુમલાની જવાબદારી સ્વીકારી છે.

Amazing presence of mind by tiger shroff , after shooting incident he Did not get out of the car , shifted the driver seat inside only .He knew that’s the safest place . https://t.co/J5ClqDpFE6

— Gurpreet Garry Walia (@garrywalia_) October 18, 2026

ડ્રાઈવરને વાગી ગોળી

ગોળીબાર દરમિયાન, ટાઈગરના ડ્રાઈવરને ગોળી વાગી હતી, જેના પગલે ટાઈગરે તેને ડ્રાઈવિંગ સીટ પરથી ઉતારી ટાઈગરે પોતે ગાડીનું સ્ટિયરિંગ સંભાળી લીધું. વીડિયોમાં એક વ્યક્તિ ડ્રાઈવરને ડ્રાઈવિંગ સીટ પરથી બીજી સીટ પર બેસાડે છે.

Actor #TigerShroff hurriedly moves to the driver’s seat moments after his car was attacked and his driver injured . https://t.co/98JQX8G9SF

— Sucherita Kukreti (@sucherita_k) October 18, 2026

હુમલા બાદ અભિનેતાએ પોતે કાર ચલાવી

વાયરલ થયેલા એક વીડિયોમાં જોઈ શકાય છે કે ડ્રાઈવર ઘાયલ થયા બાદ ટાઈગર પોતે કાર ચલાવી રહ્યો છે. ઘટના બાદ તરત જ ટાઈગરે ખૂબ જ સમજદારી અને સંયમ દાખવ્યો; તે કારમાંથી બહાર નીકળવાને બદલે, અંદરથી જ ડ્રાઈવરની સીટ પર આવી ગયો. તેને સમજાયું કે કારની બહાર રહેવું જોખમી હોઈ શકે છે, તેથી તેણે કારની અંદર રહેવું જ સૌથી સુરક્ષિત વિકલ્પ માન્યો.

#BREAKING: Fresh video of attack on Bollywood Actor Tiger Shroff in Mumbai surfaces. Three Gunmen of Lawrence Bishnoi Gang are visible in the video firing at his car and then rushing away on a bike. Mumbai Police form several teams to trace the shooters. https://t.co/m2fmDq64p2

— Aditya Raj Kaul (@AdityaRajKaul) October 18, 2026

ઘટનાસ્થળે અફરાતફરી

સામે આવેલા વીડિયોમાં ગોળીબાર દરમિયાન સર્જાયેલું તણાવપૂર્ણ વાતાવરણ જોવા મળે છે. ફૂટેજમાં ગોળીબારના અવાજો સંભળાય છે. અચાનક થયેલા ગોળીબારને કારણે લોકો ગભરાઈ ગયા હતા, જેનાથી ત્યાં અફરાતફરી મચી ગઈ હતી. વીડિયોના એક ભાગમાં કોઈ વ્યક્તિ “ટાઈગર ભાઈ” બોલતું પણ સંભળાય છે. આ ફૂટેજ તપાસ માટે મહત્વપૂર્ણ માનવામાં આવે છે, કારણ કે તે હુમલાખોરોની હિલચાલ અને ઘટના સમયે ત્યાં હાજર લોકોની પ્રતિક્રિયાઓને સમજવામાં મદદરૂપ થઈ શકે છે.

Breaking News: પલ્સરથી આવ્યા અને ટ્રેનમાં થયા ફરાર..ટાઈગર શ્રોફ પર હુમલો કરનાર આરોપિયોની તસવીર આવી સામે, આ સ્ટોરી વાંચવા અહીં ક્લિક કરો