Watch video: પંખુરી અવસ્થી અને ગૌતમ રોડનું નવું ગીત ‘છાનોમાનો’ થયું રિલીઝ

ગૌતમ (Gautam Rode) અને પંખુરી (Pankhuri Awasthy) ખૂબ સુંદર અને ખૂબ પ્રતિભાશાળી યુગલ છે. અને તે જ સમયે, રાસ-ગરબાના ઉત્કૃષ્ટ લોકનૃત્ય સાથે રાધા-કૃષ્ણની શાશ્વત પ્રેમ કથાનું વર્ણન કરતું એક મનમોહક રોમેન્ટિક ગીત આપણા બધા માટે સોનામાં સુગંધ છે!

છાનોમાનો ગૌતમ અને પંખુરીના પાત્રો વચ્ચેના સદાબહાર પ્રેમને દર્શાવે છે અને સૌથી રસપ્રદ વાત એ છે કે બંનેએ પહેલીવાર ગુજરાતી સંગીતની રંગીન દુનિયામાં પ્રવેશ કર્યો છે!  મોટા ભાગના રાસ-ગરબા ટ્રેકનું વધારે પડતું શુટિંગ સરોવરનાં ખુબસુરત શહેર ઉદયપુરમાં કરવામાં આવ્યું છે, અને વિડીયો ભવ્ય સ્તરે અને અત્યંત પ્રતિભાશાળી ઉસ્માન મીરના મધુર અવાજમાં શૂટ કરવામાં આવ્યો છે. ઉસ્માન મીરે સંજય લીલા ભણસાલીની રામલીલામાંથી પોતાની સૌથી મોટી હિટ, નગાડે સંગ ઢોલ પર તેમની પરફેક્ટ ટાઈમિંગ અને ઉત્કૃષ્ટ અવાજથી સૌને નાચવા પર મજબુર કરી દીધા હતા અને ફરી એકવાર તેમણે આ સુંદર ગીતમાં પોતાને સાબિત કર્યા છે.

ગૌતમે કહ્યું, “પંખુરી અને મેં વિડીયો પૂરો થયા પછી જ્યારે તેને જોયો, તો અમે ખૂબ જ ઉત્સાહિત હતા .. પ્રઝન્ટેશન એકદમ શાનદાર હતી અને સૌથી મહત્વની બાબત એ છે કે રાસ-ગરબા સિક્વન્સને કારણે, ગીત એકદમ જીવંત લાગી રહ્યું હતું. એક અભિનેતા તરીકે અમે એકબીજાને ખૂબ સારી રીતે સમજીએ છીએ, તેથી પંખુરી સાથે શૂટ કરવું સરળ અને સહેલું બની જાય છે. વ્હાઇટ પીકોક ફિલ્મ્સ અને સેન્ડસ્ટોન પ્રોડક્શને દશેરા પર ચોક્કસપણે એક સરસ ગીત રજૂ કર્યું છે. મને આશા છે કે લોકો તેને પસંદ કરશે .

પંખુરીએ કહ્યું “છાનોમાનોનાં માધ્યમથી ગૌતમ અને હું ગુજરાતી સંગીતમાં પહેલી વાર પગ રાખી રહ્યા છીએ. રાસ ગરબાના પ્લેટફોર્મ પર આધુનિક જમાનાના રાધા-કૃષ્ણ તરીકે અમારા પાત્રો ભજવવાનું જેટલું મનોરંજક હતું તેટલું જ કંઈક નવું શીખવા મળ્યું. અમને આ ખુબ પસંદ આવ્યું અને હવે ગીત માટે પ્રેક્ષકોનાં પ્રતિસાદની રાહ જોઈ રહ્યા છીએ.

પરંપરાગત ગુજરાતી લોકનૃત્યમાંથી પ્રેરણા લઈને રાધા-કૃષ્ણના શાશ્વત પ્રેમનું નિરૂપણ કરતા ગીતના નિર્માતા હર્ષે કહ્યું, “ગૌતમ અને પંખુરી છાનોમોનોની ભૂમિકામાં સંપૂર્ણ રીતે ફિટ બેસે છે. તેમની કેમિસ્ટ્રી અને એકબીજાની સમજણે અમારા શૂટિંગને સરળ બનાવ્યું છે. છનોમોના તરીકે અમે પ્રેક્ષકોને રાસ-ગરબાના મંચ પર એક સુંદર પ્રેમકથા બતાવવા માંગતા હતા અને અમે તેને પણ દર્શાવવામાં સફળ રહ્યા છીએ!

દિલીપ રાવલ દ્વારા લખાયેલ અને શાનદાર અને સુપ્રસિદ્ધ ગાયક ઉસ્માન મીર (Osman Mir) દ્વારા ગવાયેલ, ‘છનોમોનો’ આલાપ દેસાઈ દ્વારા સંગીત આપવામાં આવ્યું છે. અને તેનું નિર્માણ વ્હાઇટ પીકોક ફિલ્મ્સ અને સેન્ડસ્ટોન પ્રોડક્શન્સ દ્વારા કરવામાં આવ્યું છે.

આ પણ વાંચો :- Balika Vadhu: ‘બાલિકા વધુ’ ફેમ અવિકા ગોર નાની ઉંમરે બની નિર્માતા, કહ્યું હવે હું વધુ વિનમ્ર બની ગઈ છું

આ પણ વાંચો :- Anushka Sharmaએ પુત્રી વામિકા સાથે શેર કર્યો ખાસ ફોટો, લખી હૃદય સ્પર્શી પોસ્ટ