આયુષ્યમાન ખુરાનાની ‘Udta Teer’ ની રિલીઝ ડેટ લંબાઈ, હવે આ તારીખે સિનેમાઘરોમાં આવશે ‘ફિલ્મ’
આયુષ્યમાન ખુરાના અને સારા અલી ખાનની મોસ્ટ અવેટેડ ફિલ્મ 'ઉડતા તીર' (Udta Teer) પોતાની અનોખી સ્ટોરીલાઇનને કારણે હાલ ખૂબ ચર્ચામાં છે. પાકિસ્તાની જાસૂસની યાદશક્તિ ગુમાવવાની આ રોમાંચક વાર્તા જોવા માટે ફેન્સ આતુરતાથી રાહ જોઈ રહ્યા છે. જો કે, હવે સિનેપ્રેમીઓએ થોડી વધુ રાહ જોવી પડશે. વાત એમ છે કે, મેકર્સે ફિલ્મની રિલીઝ ડેટ આગળ વધારીને નવી તારીખ જાહેર કરી દીધી છે.
બોલિવૂડ એક્ટર આયુષ્યમાન ખુરાના અને સારા અલી ખાનની ફિલ્મ ‘ઉડતા તીર’ (Udta Teer) પોતાની અનોખી વાર્તાને કારણે ચર્ચામાં છે. ફિલ્મનું ટ્રેલર રિલીઝ થતા જ દર્શકોમાં ઉત્સુકતા વધી ગઈ હતી.
આમાં આયુષ્યમાન એક એવા પાકિસ્તાની જાસૂસના રોલમાં જોવા મળશે, જે ભારતમાં પોતાની યાદશક્તિ ગુમાવી બેસે છે અને પોતાને હિન્દુસ્તાની સમજવા લાગે છે. આ મુવી જોવા માટે લોકો આતુર છે. જો કે, ફિલ્મની રિલીઝની રાહ જોઈ રહેલા દર્શકોએ હવે થોડી વધુ રાહ જોવી પડશે, કારણ કે મેકર્સે તેની રિલીઝ ડેટ આગળ વધારી દીધી છે.
‘ઉડતા તીર’ની રિલીઝ અંગે અપડેટ આવ્યું
આયુષ્યમાન ખુરાના અને સારા અલી ખાનની ફિલ્મ ‘ઉડતા તીર’ પહેલા 9 ઓક્ટોબરે સિનેમાઘરોમાં રિલીઝ થવાની હતી. જો કે, હવે તેની રિલીઝ મુલતવી રાખવામાં આવી છે.
મેકર્સે નવી રિલીઝ ડેટની જાહેરાત કરવાની સાથે ફિલ્મનું નવું પોસ્ટર પણ જાહેર કર્યું છે. આયુષ્યમાન ખુરાના અને સારા અલી ખાનની આ ફિલ્મ હવે 23 ઓક્ટોબર 2026ના રોજ સિનેમાઘરોમાં રિલીઝ થશે.
AYUSHMANN KHURRANA – SARA ALI KHAN: ‘UDTA TEER’ SHIFTS TO A NEW DATE… #UdtaTeer has moved to a new release date… Originally scheduled to arrive in cinemas on 9 Oct 2026, the film will now release on 23 Oct 2026.
The response to the #UdtaTeerTrailer has been extremely positive, while the promotions have also been on the right track.
The makers want to give the film the cleanest possible showcasing and a clear theatrical runway, rather than compromise on screens in an increasingly crowded marketplace… Hence, the shift to the new date.
A smart, sensible move!
— taran adarsh (@taran_adarsh) October 2, 2026
ફિલ્મ ટ્રેડ એનાલિસ્ટ તરણ આદર્શે પણ રિલીઝ ડેટ બદલવાના નિર્ણયની પ્રશંસા કરી છે. તેમણે X (ટ્વિટર) પર લખ્યું, “‘ઉડતા તીર’ના ટ્રેલરને ઘણો સારો રિસ્પોન્સ મળ્યો છે અને ફિલ્મનું પ્રમોશન પણ સાચી દિશામાં જઈ રહ્યું છે.
મેકર્સ ફિલ્મને વધુ સારી રીતે રિલીઝ કરવા માગે છે અને વધુ સ્ક્રીન્સ સાથે તેને સિનેમાઘરોમાં પર્યાપ્ત સમય આપવા માગે છે. એવામાં રિલીઝ ડેટ બદલવાનો નિર્ણય સમજદારીભર્યો છે.”
અભિનેતા મુકુલ દેવ છેલ્લી વાર પડદા પર દેખાશે
ફિલ્મ ‘ઉડતા તીર’માં આયુષ્યમાન ખુરાના અને સારા અલી ખાન ઉપરાંત રાહુલ બોસ, સુપ્રિયા પિલગાંવકર, બ્રિજેન્દ્ર કાલરા, રામ કપૂર, સુહૈલ નૈય્યર અને ગુલશન ગ્રોવર પણ મહત્વની ભૂમિકામાં જોવા મળશે.
ખાસ વાત એ છે કે, દિવંગત અભિનેતા મુકુલ દેવ આ ફિલ્મમાં છેલ્લી વાર પડદા પર જોવા મળશે. આયુષ્યમાન ખુરાના અને સારા અલી ખાનની સાથે આ બીજી ફિલ્મ છે. આ પહેલાં બંને ‘પતિ પત્ની ઓર વો 2’માં સાથે કામ કરી ચૂક્યા છે.
રગ્બી ફૂટબોલ યુનિયન ઓફ ઈન્ડિયાના વર્તમાન પ્રમુખ રાહુલ બોઝનો પરિવાર જુઓ
