AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

સની દેઓલની ફિલ્મમાં જામશે 90’s નો માહોલ, 21 વર્ષ પછી એકસાથે આવ્યા ‘ઉદિત નારાયણ’ અને ‘કુમાર સાનુ’

સની દેઓલની આગામી ફિલ્મ ‘સૂર્યા: અંત સે આરંભ તક’ ને લઈને ફેન્સમાં ભારે ઉત્સાહ છે, ત્યારે હવે સંગીતપ્રેમીઓ માટે એક મોટા સમાચાર સામે આવ્યા છે. બોલિવૂડના બે દિગ્ગજ સિંગર્સ ઉદિત નારાયણ અને કુમાર સાનુ એક દાયકા પછી એકસાથે સની દેઓલની ફિલ્મ માટે સ્પેશિયલ ફ્રેન્ડશિપ એન્થમ લઈને આવી રહ્યા છે.

સની દેઓલની ફિલ્મમાં જામશે 90's નો માહોલ, 21 વર્ષ પછી એકસાથે આવ્યા 'ઉદિત નારાયણ' અને 'કુમાર સાનુ'
| Updated on: Oct 25, 2026 | 9:45 PM
Share

સની દેઓલ આજકાલ તેમની આગામી ફિલ્મ ‘સૂર્યા: અંત સે આરંભ તક’ ને લઈને ચર્ચામાં છે. મેડિકલ ક્ષેત્રે કથિત ભ્રષ્ટાચારના મુદ્દા પર બનેલી આ ફિલ્મને લઈને વિવાદ પણ ચાલી રહ્યો છે.

આ દરમિયાન જાણવા મળ્યું છે કે, સની દેઓલની આ ફિલ્મમાં 21 વર્ષ પછી દિગ્ગજ સિંગર ઉદિત નારાયણ અને કુમાર સાનુનો અવાજ સાથે સાંભળવા મળશે. ઉદિત નારાયણ અને કુમાર સાનુએ આ ફિલ્મમાં સાથે મળીને એક ગીત ગાયું છે, જેના બોલ ‘સુનિયો જરા’ છે.

ઉદિત નારાયણ અને કુમાર સાનુએ છેલ્લીવાર સાથે મળીને વર્ષ 2005માં આવેલી ફિલ્મ ‘નો એન્ટ્રી’માં ‘કહાં હો તુમ’ ગીત ગાયું હતું. ત્યાર પછી આ બે દિગ્ગજોએ ક્યારેય સાથે મળીને કોઈ ગીત નથી ગાયું.

વેરાયટી ઇન્ડિયાના મતે, આ ગીતમાં ઉદિત નારાયણ અને કુમાર સાનુની સાથે-સાથે અનુપમ અમોદનો અવાજ પણ સાંભળવા મળશે. આ ગીત એક ફ્રેન્ડશિપ એન્થમ હશે. તેને રાહી (પ્રીતમના જૅમ 8) એ કમ્પોઝ કર્યું છે અને તેના બોલ પ્રિયા સરૈયાએ લખ્યા છે. આ ગીત Zee મ્યુઝિક કંપની તરફથી રિલીઝ કરવામાં આવશે. જણાવી દઈએ કે, આ ‘સૂર્યા’ નું પહેલું ગીત હોવાનું છે.

24 વર્ષ પછી ગાયું કોઈ ગીત

ઉદિત નારાયણ અને કુમાર સાનુએ સાથે મળીને 21 વર્ષ પછી કોઈ ગીતને પોતાનો અવાજ આપ્યો છે. જો કે, સની દેઓલ માટે આ બંને સિંગર્સની જોડીએ લગભગ 24 વર્ષ પછી કોઈ ગીત ગાયું છે. વર્ષ 2002માં આવેલી સની દેઓલની ફિલ્મ ‘કર્જ: ધ બર્ડન ઓફ ટ્રુથ’માં બંને સિંગર્સે સાથે ગાયું હતું.

આ ફિલ્મમાં સુનીલ શેટ્ટી અને શિલ્પા શેટ્ટી પણ મહત્વના રોલમાં નજરે આવ્યા હતા. ‘સુનિયો જરા’ ગીત સની દેઓલ, રવિ કિશન અને તેમના મિત્રો પર ફિલ્માવવામાં આવ્યું છે.

રિપોર્ટમાં સૂત્રોના હવાલેથી જણાવવામાં આવ્યું છે કે, આ ગીત મિત્રતા અને સાથને સેલિબ્રેટ કરે છે. તેને ફિલ્મમાં એક જર્ની સોંગ તરીકે જોડવામાં આવ્યું છે. આને એક ઇમોશનલ ગીત જણાવવામાં આવ્યું છે. આ ગીતનું ટીઝર આવતીકાલે એટલે કે 26 ઓક્ટોબરે આવશે, જ્યારે આ ગીત 27 ઓક્ટોબરે રિલીઝ થઈ શકે છે.

ક્યારે આવી રહી છે ‘સૂર્યા: અંત સે આરંભ તક’?

સની દેઓલની ‘સૂર્યા: અંત સે આરંભ તક’ 20 નવેમ્બરે સિનેમાઘરોમાં રિલીઝ થશે. ફિલ્મમાં સની દેઓલ ઉપરાંત રવિ કિશન, પ્રજ્ઞા જાયસવાલ, મનીષ વાધવા, ટીનૂ આનંદ, જીશુ સેનગુપ્તા અને તનુશ્રી ચક્રવર્તી જેવા ઘણા કલાકારો જોવા મળવાના છે. આ ફિલ્મનું નિર્દેશન એમ પદ્માકુમારે કર્યું છે. આ ફિલ્મને દીપક મુકુટ, હેમંત મુકુટ અને લોકેશ મુકુટે (MM Moviez હેઠળ) પ્રોડ્યુસ કરી છે.

પિક્ચર અભી બાકી હૈ! શાહરૂખ ખાનની ‘King’ નું કાઉન્ટડાઉન શરૂ, મોટી ફિલ્મો સાથે બોક્સ ઓફિસ પર થશે ‘ટક્કર’

Follow Us
જામનગર: દબાણ હટાવ્યાના ગણતરીના સમયમાં જ ફરી અડિંગો, તંત્ર સામે સવાલ
જામનગર: દબાણ હટાવ્યાના ગણતરીના સમયમાં જ ફરી અડિંગો, તંત્ર સામે સવાલ
ઈસ્કોન-સાણંદ બ્રિજ પર ખામીઓની ભરમાર, વાહનચાલકો પરેશાન
ઈસ્કોન-સાણંદ બ્રિજ પર ખામીઓની ભરમાર, વાહનચાલકો પરેશાન
ભાવનગર:ખાદ્ય પદાર્થોના નમૂના સબ સ્ટાન્ડર્ડ આવતા 3 પેઢીને ₹14 લાખનો દંડ
ભાવનગર:ખાદ્ય પદાર્થોના નમૂના સબ સ્ટાન્ડર્ડ આવતા 3 પેઢીને ₹14 લાખનો દંડ
નાકથી વાંસળી વગાડતા આ કાકાનો વીડિયો સોશિયલ મીડિયા પર વાયરલ
નાકથી વાંસળી વગાડતા આ કાકાનો વીડિયો સોશિયલ મીડિયા પર વાયરલ
આણંદમાં સૌપ્રથમ વખત યોજાશે બ્રાહ્મણ મહાસંમેલન, 10હજાર ભૂદેવો થશે એકત્ર
આણંદમાં સૌપ્રથમ વખત યોજાશે બ્રાહ્મણ મહાસંમેલન, 10હજાર ભૂદેવો થશે એકત્ર
અમદાવાદમાં દિવાળી ટાણે લીધેલા ફૂડ સેમ્પલના રિપોર્ટ જાહેર
અમદાવાદમાં દિવાળી ટાણે લીધેલા ફૂડ સેમ્પલના રિપોર્ટ જાહેર
SSG હોસ્પિટલમાં દર્દીઓ ભગવાન ભરોસે?
SSG હોસ્પિટલમાં દર્દીઓ ભગવાન ભરોસે?
રાજકોટમાં ખાનગી ડેરીઓએ વધાર્યા દૂધના ભાવ, પ્રતિ લિટરે રૂ 2થી 4નો વધારો
રાજકોટમાં ખાનગી ડેરીઓએ વધાર્યા દૂધના ભાવ, પ્રતિ લિટરે રૂ 2થી 4નો વધારો
જૂનાગઢમાં SOGની મોટી કાર્યવાહી! કારમાંથી 29.634 કિલો ગાંજો ઝડપ્યો
જૂનાગઢમાં SOGની મોટી કાર્યવાહી! કારમાંથી 29.634 કિલો ગાંજો ઝડપ્યો
ભેંસો માટે બનાવ્યો સ્વિમિંગ પૂલ, જુઓ વીડિયો
ભેંસો માટે બનાવ્યો સ્વિમિંગ પૂલ, જુઓ વીડિયો
g clip-path="url(#clip0_868_265)">