Jawan માં ન જોવા મળ્યો ચહેરો તો નારાજ થયા Shah Rukh Khanના ફેન્સ, સુપરસ્ટારે આ રીતે લીધી મજા

Shah Rukh Khan Interect Fans Social Media : બોલિવૂડ સુપરસ્ટાર શાહરૂખ ખાનની ફિલ્મ જવાન વિશે લેટેસ્ટ વિગતો સામે આવી છે. ફિલ્મનું ટીઝર રિલીઝ થઈ ગયું છે જેમાં સુપરસ્ટારનો લુક જોવા મળી રહ્યો છે. આ સાથે એ પણ જણાવવામાં આવ્યું છે કે આ ફિલ્મ કયા દિવસે રિલીઝ થશે. ચાહકો ફિલ્મની આ વિગતોથી ઉત્સાહિત છે પરંતુ તેઓ એક વાતથી નારાજ પણ છે. આવી સ્થિતિમાં, જ્યાં સુધી ફિલ્મ રિલીઝ ન થાય ત્યાં સુધી શાહરૂખ ખાને ચાહકોને ખુશ કરવા માટે પોતાનો એક ફોટો શેર કર્યો છે. તે આ ફિલ્મ વિશે વધુ ખુલાસો કરવાના મૂડમાં નથી.

આ પણ વાંચો : ‘જવાન’ બાદ શાહરૂખ ખાનની ફિલ્મ ‘પઠાન’ પણ બોડી ડબલ સાથે કરવામાં આવશે શૂટ

માત્ર શાહરૂખનો પડછાયો જ દેખાયો

આ પહેલા આ ફિલ્મ 2 જૂને રિલીઝ થવાની હતી. આ પછી, ફિલ્મની રિલીઝ ડેટ 29 જૂન નક્કી કરવામાં આવી હતી. પરંતુ નવા ટીઝર મુજબ ફિલ્મની રિલીઝ ડેટ 4 મહિના માટે આગળ વધારી દેવામાં આવી છે. હવે આ ફિલ્મ 7 સપ્ટેમ્બરે શ્રી કૃષ્ણ જન્માષ્ટમીના દિવસે રિલીઝ થશે. આ ફિલ્મને લઈને ઘણા સમયથી ચર્ચા ચાલી રહી છે. આવી સ્થિતિમાં, જ્યારે ફિલ્મમાંથી શાહરૂખનો લુક શેર કરવામાં આવ્યો, ત્યારે ચાહકોને આશા હતી કે તેમાં શાહરૂખનો ચહેરો જોવા મળશે. પરંતુ આવું ન થયું. માત્ર શાહરૂખનો પડછાયો જ દેખાતો હતો.

ટીઝર અહીં જુઓ

હવે શાહરૂખ ખાને તે ચાહકોને જવાબ આપ્યો છે, જેઓ ટીઝર પછી ફરિયાદ કરી રહ્યા હતા કે તેમાં કિંગ ખાનનો ચહેરો દેખાડવામાં આવ્યો નથી. હવે શાહરૂખે પોતાનો એક મોનોક્રોમ ફોટો શેર કર્યો છે જેમાં તેના લાંબા વાળ દેખાઈ રહ્યા છે. શાહરૂખ ખાને ફિલ્મ જવાન સાથે સંબંધિત કોઈ અલગ સંકેત ચાહકોને આપ્યો ન હતો અને પોતાનો એક સામાન્ય ફોટો મોકલીને તેમની મજા પણ લીધી હતી.

શાહરૂખે ચાહકોને આ રીતે ફસાવ્યા

તેણે તેની સાથે કેપ્શનમાં લખ્યું- ઓકે, તમામ લોકોને મારો આભાર. કેટલાક લોકો કહી રહ્યા છે કે જવાન પોસ્ટરમાં મારો ચહેરો દેખાતો નથી. તેથી હું અહીં તમને મારો ચહેરો બતાવી રહ્યો છું. આપ સૌને ઘણો પ્રેમ અને આશા છે કે 7 સપ્ટેમ્બર, 2023 ના રોજ આપ સૌ સાથે મુલાકાત થશે. ઘણો પ્રેમ અને બાઈ. ફિલ્મની વાત કરીએ તો શાહરૂખ ઉપરાંત નયનતારા, વિજય સેતુપતિ અને સાન્યા મલ્હોત્રા પણ તેમાં જોવા મળશે. આ ફિલ્મનું નિર્દેશન એટલી દ્વારા કરવામાં આવ્યું છે.

મનોરંજન જગતના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

ગુજરાતી સિનેમા, ટેલિવિઝન, બોલિવૂડ, મૂવી રિવ્યુ, વેબ સિરીઝ સાથે જોડાયેલા તમામ સમાચાર જાણવા માટે જોડાયેલા રહો…