ખુલ્લા વાળ, નો મેકપ લુક.. પિન્ક ડ્રેસમાં સુરભિ જ્યોતિએ ફલોન્ટ કર્યો બેબી બંપ, જુઓ Photos
ટીવી ઇન્ડસ્ટ્રીની લોકપ્રિય અભિનેત્રી સુરભી જ્યોતિ આ દિવસોમાં પોતાની પ્રેગ્નન્સી જર્નીને માણી રહી છે. અભિનેત્રી સોશિયલ મીડિયા પર સતત સક્રિય રહે છે અને પોતાના ચાહકો સાથે ખાસ પળો શેર કરતી રહે છે. હાલમાં તેણે પોતાના બેબી બમ્પ સાથેની કેટલીક સુંદર તસવીરો શેર કરી છે, જેને ચાહકો તરફથી ખૂબ પ્રેમ મળી રહ્યો છે.
સુરભીએ પોતાના ઇન્સ્ટાગ્રામ એકાઉન્ટ પર શેર કરેલી તસવીરોમાં તેનો પ્રેગ્નન્સી ગ્લો સ્પષ્ટ જોવા મળે છે. ખાસ વાત એ છે કે તેણે કોઈ ભારે મેકઅપ કે ગ્લેમરસ લુક અપનાવ્યો નથી. તેના સાદગીભર્યા અંદાજે ચાહકોનું દિલ જીતી લીધું છે.
તસવીરોમાં સુરભી ગુલાબી રંગના કોટન લોંગ ગાઉનમાં જોવા મળે છે. ખુલ્લા વાળ અને નો-મેકઅપ લુકમાં તે ખૂબ જ સુંદર લાગી રહી છે. તેની નેચરલ બ્યુટી અને પ્રેગ્નન્સી ગ્લોએ ફોટોઝને વધુ આકર્ષક બનાવ્યા છે.
એક તસવીરમાં સુરભી પોતાના બેબી બમ્પ પર હાથ રાખીને ચાનો કપ પકડીને પોઝ આપતી જોવા મળે છે. ફોટોઝ શેર કરતાં તેણે મજેદાર કેપ્શન પણ લખ્યું છે. અભિનેત્રીએ લખ્યું, "તમારા બેબી બમ્પ સાથે કપ પકડીને ફોટો લેવો તો જાણે જરૂરી જ હોય છે."
મીડિયા રિપોર્ટ્સ અનુસાર, સુરભી હાલ પ્રેગ્નન્સીના નવમા મહિનામાં છે અને જૂન મહિનામાં ગમે ત્યારે બાળકને જન્મ આપી શકે છે. થોડા સમય પહેલા એવી અફવાઓ પણ સામે આવી હતી કે અભિનેત્રી જોડિયા બાળકોની અપેક્ષા રાખી રહી છે. જોકે, સુરભીએ પોતે આ અહેવાલોને નકારી કાઢ્યા હતા.
વ્યક્તિગત જીવનની વાત કરીએ તો સુરભી જ્યોતિએ 27 ઓક્ટોબર, 2024ના રોજ પોતાના લાંબા સમયના બોયફ્રેન્ડ અને અભિનેતા સુમિત સુરી સાથે લગ્ન કર્યા હતા. હવે લગ્નના લગભગ બે વર્ષ બાદ આ દંપતી પોતાના પ્રથમ બાળકના આગમનની આતુરતાથી રાહ જોઈ રહ્યું છે.
