Sunny Deol Dance In Karana Deol Sangeet : કરણ દેઓલ અને દ્રિષા આચાર્ય 18 જૂને લગ્નના બંધનમાં બંધાવા જઈ રહ્યા છે. દેઓલ પરિવારમાં પ્રી-વેડિંગ ફંક્શન ચાલી રહ્યા છે, જ્યાં આખો પરિવાર ખૂબ એન્જોય કરી રહ્યો છે. શુક્રવારે કરણ દેઓલની સંગીત સેરેમની યોજાઈ હતી, જેમાં તેના પિતા સની દેઓલ તેની ફિલ્મ ‘ગદર’ના લૂકમાં પહોંચ્યા હતા. તારા સિંહ સની દેઓલની એન્ટ્રી થતા જ બધાનું ધ્યાન તેના લુક પર ગયું. સની દેઓલે ફિલ્મ ગદરના ગીત ‘મેં નિકલા ગડ્ડી લેકે’ પર જોરદાર ડાન્સ કર્યો હતો.
આ પણ વાંચો ; Sunny Deol ચાહકોને આપવા જઈ રહ્યા છે મોટી ભેટ, ફિલ્મી ફ્રાઈડે પર કરશે જબરદસ્ત ધમાકો
સની દેઓલે ગ્રે કુર્તા અને બ્રાઉન ટ્રાઉઝર પહેર્યું હતું. તેણે બ્રાઉન ચેક કોટ અને તેની સાથે બ્રાઉન પાઘડી પહેરી હતી. સનીએ તેના તારા સિંહ લુક માટે બ્લેક શૂઝ પહેર્યા હતા. સની દેઓલે ફંક્શનમાં એન્ટ્રી કરતા જ બધાનું ધ્યાન તેના લુક પર હતું.
એટલું જ નહીં, સની દેઓલે ફિલ્મ ‘ગદર’ના ગીત ‘મેં નિકલા ગડ્ડી લેકે’ પર જબરદસ્ત ડાન્સ કર્યો હતો. સની દેઓલના ડાન્સ પરફોર્મન્સનો આ વીડિયો સોશિયલ મીડિયા પર વાયરલ થયો છે. 66 વર્ષની ઉંમરે સની પાજીએ બતાવેલી એનર્જી ખરેખર અદભૂત છે. તેના શાનદાર ડાન્સ માટે ફેન્સ સની દેવલના વખાણ કરી રહ્યા છે.
તમને જણાવી દઈએ કે, સની દેઓલની ફિલ્મ ગદર 2 આ વર્ષે રિલીઝ થઈ રહી છે. આવી સ્થિતિમાં અભિનેતા ફિલ્મ પ્રમોશન માટે કોઈ તક છોડવા માંગતો નથી. મીડિયાની નજર સની દેઓલના પુત્ર કરણ દેઓલના લગ્ન પર છે. આવતીકાલે એટલે કે 18 જૂને કરણ અને દિશા લગ્નના બંધનમાં બંધાશે. જે બાદ બોલિવૂડ સ્ટાર્સ માટે ભવ્ય રિસેપ્શન યોજાશે.