શુક્રવારે સાંજે વીજે અને અભિનેત્રી અનુષા દાંડેકરે (Anusha Dandekar) સોશિયલ મીડિયા પર એક ફોટો શેર કર્યો હતો. તસવીરમાં તે એક નાની બાળકી સાથે જોવા મળી હતી. આ પછી અનુમાન લગાવવામાં આવ્યું હતું કે તે અપરિણીત માતા બની ગઈ છે. અનુષા દાંડેકરની પોસ્ટ પર સુષ્મિતા સેન (Sushmita Sen) સહિત ઘણા મોટા સ્ટાર્સે પણ તેને માતા બનવા બદલ અભિનંદન પાઠવ્યા હતા. અનુષા દાંડેકર 40 વર્ષની ઉંમરે માતા બનવાના સમાચાર સોશિયલ મીડિયા પર આગની જેમ ફેલાઈ ગયા હતા. ઈન્સ્ટાગ્રામ સ્ટોરી દ્વારા અનુષાએ જણાવ્યું કે તેને નાની પરીનું નામ સહારા રાખ્યું છે. બાળકીની માતા તેની બેસ્ટ મિત્ર છે.
પુત્રી સાથેનો ફોટો શેર કરતાં અનુષાએ લખ્યું, “આખરે મારી પાસે મારી નાની પુત્રી છે, જેને હું મારી પોતાની કહી શકું છું. હું તમને બધાને મારા જીવનના પ્રેમ, મારા દેવદૂત ‘સહારા’ સાથે પરિચય કરાવું છું. હું તારું ધ્યાન રાખીશ, તને થોડી બગાડીશ અને હંમેશા તમામ મુશ્કેલીઓથી તારું રક્ષણ કરીશ. મારી બાળકી, હું તને ખૂબ પ્રેમ કરું છું.. તારી માતા.”
ચાહકોથી લઈને સેલેબ્સ અનુષાને અભિનંદન આપી રહ્યા છે. અનુષાની પોસ્ટ પર જ્યાં એક પ્રશંસકે લખ્યું, ‘આ સાંભળીને ખૂબ જ આનંદ થયો.’ અન્ય એક ચાહકે લખ્યું, ‘ખૂબ જ ક્યૂટ. તમારી નાની રાજકુમારીને પ્રેમ અને આશીર્વાદ.’
અનુષા દાંડેકર એક લોકપ્રિય અભિનેત્રી છે, જે કરણ કુન્દ્રા સાથે પણ લગભગ 6 વર્ષથી રિલેશનશિપમાં છે. અનુષા અને કરણની જોડી ચાહકોને ખૂબ પસંદ હતી. પરંતુ આ સંબંધ આગળ વધી શક્યો નહીં. અનુષાએ કરણ પર છેતરપિંડીનો આરોપ લગાવીને તેનાથી અલગ થઈ ગઈ. કરણથી અલગ થયા બાદ અનુષા બ્રિટિશ-ઈન્ડિયન એક્ટર જેસન શાહને ડેટ કરી રહી છે. બીજી તરફ કરણ કુન્દ્રા તેજસ્વી પ્રકાશ સાથે રિલેશનશિપમાં છે.