રિલીઝ પહેલા Jawanના સેટ પરથી શાહરૂખ ખાનનો ફોટો થયો લીક, અભિનેતા બીચ પર શૂટિંગ કરતો જોવા મળ્યો

Jawan Photo Leak: પઠાણ ફિલ્મની શાનદાર સફળતા બાદ શાહરુખ ખાન હાલમાં તેની આગામી ફિલ્મ જવાનની ફિલ્મમાં વ્યસ્ત છે. આ ફિલ્મનું નિર્દેશન સાઉથના ફેમસ ડાયરેક્ટર એટલી કરી રહ્યા છે. જાણવામાં આવી રહ્યું છે કે, ફિલ્મનું એક ગીત હાલમાં મુંબઈમાં શૂટ કરવામાં આવ્યું હતુ. જ્યાંથી શાહરુખ ખાનનો લુક વાયરલ થઈ રહ્યો છે.

રિપોર્ટસ મુજબ  શાહરુખ ખાન  અને નયનતારાએ 10 એપ્રિલના રોજ મુંબઈમાં બાંદ્રા બર્લીની આસપાસ એક ગીતનું શૂટિંગ કર્યું છે. આ દરમિયાન ચાહકે તેનો ફોટો ક્લિક કર્યો હતો હવે આ ફોટો સોશિયલ મીડિયા પર વાયરલ થઈ રહ્યો છે. એક ફોટોમાં શાહરુખ ખાન સફેદ રંગના શર્ટમાં જોવા મળી રહ્યો છે. જેમાં ફરાહખાન પણ જોવા મળી રહી છે.

ફરાહ ખાને પણે તેનો એક ફોટો ઈન્સ્ટાગ્રામ પર શેર કર્યો છે. ખાસ વાત તો એ છે કે, આ ફોટો જવાનના સિનેમેટોગ્રાફર જીકે વિષ્ણુએ શેર કર્યો છે. ફરાહ ખાન બાંદ્રા બર્લી સી લિંકની પાસે પોઝ આપતી જોવા મળી રહી છે.

સમુદ્ર કિનારે જોવા મળ્યો એટલી

જવાનના નિર્દેશક એટલીનો ફોટો પણ બાંદ્રા બર્લી સી લિંકની પાસેનો હોય તેમ લાગી રહ્યું છે. ફોટોમાં એટલી એક ચાહકની સાથે જોવા મળી રહ્યો છે. તેમજ એક પણ ફોટોમાં ફિલ્મની લીડ અભિનેત્રી નયનતારા જોવા મળી રહી નથી.

જવાન ફિલ્મ આ વર્ષે જૂન મહિનામાં રિલીઝ થશે. કેટલાક રિપોર્ટસમાં દાવો કરવામાં આવ્યો છે કે, શાહરુખ ખાનની આ ફિલ્મની રિલીઝ ડેટ પોસ્ટપોન થઈ ગઈ છે પરંતુ આને લઈ હજુ સુધી કોઈ ઓફિશયલ માહિતી સામે આવી નથી. તમને જણાવી દઈએ કે, શાહરુખ ખાનની આ ફિલ્મ એક્શનથી ભરપુર છે. જેનું ટીઝર અને પોસ્ટર પહેલા જ રિલીઝ થઈ ચૂક્યું છે. જે ચાહકોને પણ ખુબ પસંદ આવી રહ્યું છે. હાલમાં જ ફિલ્મમાંથી શાહરુખ ખાનનો એક એક્શન સીન પણ લીક થયો હતો.

મનોરંજન જગતના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

ગુજરાતી સિનેમા, ટેલિવિઝન, બોલિવૂડ, મૂવી રિવ્યુ, વેબ સિરીઝ સાથે જોડાયેલા તમામ સમાચાર જાણવા માટે જોડાયેલા રહો…