Video Leaked From Tiger 3 Set: સુપરસ્ટાર સલમાન ખાનની (Salman Khan) ફિલ્મ 'ટાઈગર 3' સતત ચર્ચામાં છે. આ ફિલ્મની ફેન્સ ખૂબ રાહ જોઈ રહ્યા છે. સલમાન ખાન પણ ફિલ્મનું શૂટિંગ પૂર્ણ કરવામાં બિઝી છે.
Salman Khan - Shah Rukh Khan
Image Credit source: Social Media
Follow us on
Tiger 3: સુપરસ્ટાર સલમાન ખાનની ફિલ્મ ‘ટાઈગર 3’ને (Tiger 3) લઈને ફેન્સમાં સતત ચર્ચા ચાલી રહી છે . આ ફિલ્મમાં આ વખતે શાહરૂખ ખાનનો કેમિયો પણ જોવા મળશે. જેના કારણે ફેન્સ ફિલ્મ સાથે જોડાયેલી દરેક જાણકરી પર નજર રાખી રહ્યા છે. આ દરમિયાન ‘ટાઈગર 3’ના સેટ પરથી એક વીડિયો લીક થયો છે. જેમાં શાહરૂખ ખાન (Shah Rukh Khan) અને સલમાન ખાન (Salman Khan) બંને જોવા મળે છે. આ વીડિયો સોશિયલ મીડિયા પર વાયરલ થઈ રહ્યો છે.
સોશિયલ મીડિયા પર એક વીડિયો વાયરલ થઈ રહ્યો છે. આ વાયરલ વીડિયોમાં સલમાન ખાન અને શાહરૂખ ખાન સ્પષ્ટપણે જોઈ શકાય છે. પહેલા સલમાન ખાન ટાઈગર 3 ના સેટ તરફ જતો જોવા મળે છે. જ્યારે શાહરૂખ તેની પાછળ ચાલતો જોવા મળે છે. મે મહિનામાં સલમાન અને શાહરૂખ માટે મુંબઈના મડ આઈલેન્ડ ખાતે એક એક્સટેન્સિવ એક્શન સિક્વન્સ માટે સેટ તૈયાર કર્યો હતો. મેકર્સે ફિલ્મ પર ઘણા પૈસા લગાવ્યા છે.
વીડિયોમાં સલમાન બ્રાઉન ટી-શર્ટ પહેરીને સેટની અંદર જાય છે, જ્યારે ફિલ્મનો સેટ બ્લૂ કલરના મોટા મોટા બેકગ્રાઉન્ડથી ઢંકાયેલો છે. આ વીડિયોને શેર કરતા ફેન પેજ પર લખ્યું છે કે મેગાસ્ટાર સલમાન ખાન અને શાહરૂખ ખાન થોડા અઠવાડિયા પહેલા #Tiger3 ના સેટ પર. પરંતુ શાહરૂખના કહેવા પ્રમાણે, “સલમાન ખાન લીડ કરશે અને અમે તેને ફોલો કરવાનો પ્રયાસ કરીશું.
ટાઈગર 3 એ YRF સ્પાય યુનિવર્સનો પાંચમો અને ટાઈગર સિરીઝનો ત્રીજો ભાગ હશે. સુપર-સક્સેસફુલ યુનિવનર્સની શરૂઆત એક થા ટાઈગર (2012) થી થઈ હતી અને ત્યારબાદ ટાઈગર ઝિંદા હૈ (2017), વોર (2019), અને પઠાણ (2023) આવી હતી. ટાઈગર 3 માં સલમાનની સાથે કેટરિના કૈફ અને ઈમરાન હાશમી પણ છે. ટાઈગર 3 પછી, શાહરૂખ અને સલમાન ટાઈગર વર્સિસ પઠાણ સાથે મોટા પડદા પર પાછા ફરે તેવી શક્યતા છે. પરંતુ તેના વિશે હજુ સુધી કોઈ ચોક્કસ જાણકારી મળી નથી.
