રોહિત શેટ્ટીએ અજય અને રણવીર સાથે ફિલ્મની કરી શરૂઆત, અક્ષયે સિંઘમ અગેઈન વિશે કહી આ વાત

બોલિવૂડ ફિલ્મમેકર રોહિત શેટ્ટીએ ફરી એકવાર કમર કસી લીધી છે. સિંઘમ, સિમ્બા અને સૂર્યવંશી પછી હવે રોહિત વધુ એક કોપ ફિલ્મ લઈને આવી રહ્યો છે. આ ફિલ્મ બીજું કોઈ નહીં પણ સિંઘમ અગેઈન બનવા જઈ રહી છે. અજય દેવગન, અક્ષય કુમાર અને રણવીર સિંહની ધમાકેદાર જોડી આ ફિલ્મમાં ફરી એકવાર સાથે જોવા મળવાની છે. ત્રણેય સ્ટાર્સને યુનિફોર્મ પહેરીને તેમના દુશ્મનોને ખતમ કરતા જોવાનું ચાહકોને પહેલાથી જ ગમ્યું હતું.

આ પણ વાંચો : Car Stunt Video : આ રીતે થાય છે કાર ઉડાવવાનો સ્ટંટ, પોસ્ટ શેર કરીને રોહિત શેટ્ટી કહ્યું – ઈફેક્ટ…..

સિંઘમ પરિવારને મોટો બનાવ્યો છે : અક્ષય

ફિલ્મની સ્ટાર કાસ્ટની સાથે દિગ્દર્શક રોહિત શેટ્ટીએ ગઈકાલે સાંજે સિંઘમ અગેઈનની ઓફિશિયલ જાહેરાત કરતી વખતે કેટલીક તસવીરો શેર કરી હતી. રોહિતે એક્શનથી ભરપૂર ફિલ્મની તૈયારીઓ શરૂ કરી દીધી છે. અજય દેવગણે ફિલ્મના સેટ પરથી કેટલીક તસવીરો શેર કરી છે. જેમાં અજય નિર્દેશક રોહિત અને રણવીર સાથે પૂજા કરતો જોવા મળે છે. એક તસવીરમાં આ ત્રણેય હાથ જોડીને જોવા મળે છે.

આ તસવીરોની સાથે અજયે કેપ્શનમાં લખ્યું છે કે, 12 વર્ષ પહેલા અમે ભારતીય સિનેમાને તેની સૌથી મોટી સિનેમેટિક કોપ યુનિવર્સ આપી હતી. વર્ષોથી અમને મળેલા પ્રેમથી અમારી તાકાત વધુ મજબૂત બની છે અને સિંઘમ પરિવારને મોટો બનાવ્યો છે. આજે અમે સિંઘમ અગેન સાથે અમારી ફ્રેન્ચાઇઝીને આગળ વધારવા માટે સાથે આવ્યા છીએ!

રણવીર સિંહે ફોટો કર્યો શેર

આ તસવીરોમાં ચાહકો અક્ષય કુમારને ખૂબ મિસ કરે છે. પરંતુ ચાહકો માટે આ તસવીરો શેર કરતી વખતે અક્કીએ લખ્યું કે હું અત્યારે દેશમાં નથી, હું અંગત રીતે ફ્રેમમાંથી ગાયબ છું પરંતુ ભાવનામાં સંપૂર્ણપણે ત્યાં છું. સિંઘમના સેટ પર ફરીથી તમારી સાથે જોડાવા માટે રાહ નથી જોઈ શકતો! મારી શુભેચ્છાઓ મોકલી રહ્યો છું. જય મહાકાલ. રણવીર સિંહે ‘શુભારંભ’ લખીને તસવીરો પણ શેર કરી છે.

ત્રણેય એક્ટરો સાથે જોવા મળશે

તમને જણાવી દઈએ કે જ્યારે રોહિત શેટ્ટીએ અક્ષય કુમાર સાથે સૂર્યવંશી બનાવી હતી ત્યારે તેમાં સિમ્બા એટલે કે રણવીર સિંહ અને સિંઘમ એટલે કે અજય દેવગનનો ખાસ કેમિયો હતો. આ ફિલ્મના અંતે ફિલ્મના આગામી ભાગ વિશે પણ એક સંકેત આપવામાં આવ્યો હતો. હવે તેના પ્રોમિસ મુજબ રોહિત ફરી એકવાર આ ત્રણેયને સાથે લાવી રહ્યો છે. અજય, અક્ષય અને રણવીરને સ્ક્રીન પર એકસાથે જોવું ચાહકો માટે કોઈ ટ્રીટથી ઓછું નહીં હોય.