વીર સાવરકર બનવા માટે રણદીપ હુડ્ડાએ કરી ઘણી મહેનત, ઘટાડ્યું 18 કિલો વજન

બોલિવૂડ એક્ટર રણદીપ હુડ્ડા (Randeep Hooda) હાલમાં પોતાના નવા પ્રોજેક્ટને લઈને ચર્ચામાં છે. ટૂંક સમયમાં ફેન્સને રણદીપ હુડ્ડા એક નવા પાત્રમાં જોવા મળશે. તમને જણાવી દઈએ કે રણદીપ હુડ્ડા એક ફિટ એક્ટર છે અને ફિટનેસના કારણે તે ફેન્સમાં પણ ખૂબ જ લોકપ્રિય છે. રણદીપ હુડ્ડા પોતાના દરેક લુક પર ખૂબ જ પરફેક્શન સાથે કામ કરે છે. એક્ટરે તેની અપકમિંગ ફિલ્મ માટે પણ કંઈક આવું જ કર્યું છે. રણદીપ હુડ્ડા તેના અપકમિંગ પ્રોજેક્ટમાં વીર સાવરકરની (Veer Savarkar) ભૂમિકા ભજવી રહ્યો છે. જેના માટે તેને પોતાનું વજન પણ ઘણું ઓછું કર્યું છે.

રણદીપ હુડ્ડાએ ઘટાડ્યું 18 કિલો વજન

અપકમિંગ ફિલ્મ સ્વતંત્ર વીર સાવરકર માટે એક્ટર રણદીપ હુડ્ડાએ પોતાનું બોડી ટ્રાન્સફોર્મેશન કર્યું છે. એક્ટરે મે મહિનામાં તેની ફિલ્મ વિશે જાહેરાત કરી હતી. આ ફિલ્મ વીર સાવરકરના જીવન પર આધારિત હશે અને રણદીપ હુડ્ડા તેમનું પાત્ર ભજવતો જોવા મળશે. એક મીડિયા ઈન્ટરવ્યુમાં કરણદીપ હુડ્ડાએ કહ્યું હતું કે આ રોલ માટે તેને અત્યાર સુધી 18 કિલો વજન ઘટાડ્યું છે.

1 સપ્ટેમ્બરના રોજ એક્ટર રણદીપ હુડ્ડાએ તેના ઇન્સ્ટાગ્રામ હેન્ડલ પર તેના ટ્રાન્સફોર્મેશન લુકની સેલ્ફી શેર કરી હતી. ફોટોમાં રણદીપ હુડ્ડા લિફ્ટમાં ઉભો જોવા મળ્યો હતો. આ સાથે તેને કેપ્શન લખ્યું- ‘આપણે બધાને કોઈને કોઈ સમયે લિફ્ટની જરૂર હોય છે.’ ફોટોમાં સ્પષ્ટ જોઈ શકાય છે કે રણદીપે ઘણું વજન ઘટાડ્યું છે.

આવી રીતે ઓછું કર્યું વજન

રણદીપ હુડ્ડાએ કહ્યું હતું કે તે સ્પોર્ટ્સ પર્સન છે. સ્પોર્ટ્સના કારણે જ તે આ રીતે વેઈટ ગેઈન અને વેઈટ લોસ કરી શકે છે. તેનો આ ફોટો સોશિયલ મીડિયા પર વાયરલ થઈ રહ્યો છે. ફેન્સ પણ તેની પોસ્ટ પર રિએક્શન આપી રહ્યા છે. તેની પોસ્ટ પર કોમેન્ટ કરતાં એક યુઝરે લખ્યું- ‘ગજબ છે ભાઈ.’ તમને જણાવી દઈએ કે આ પહેલા પણ રણદીપ હુડ્ડાએ ફિલ્મ ‘સરબજીત’ માટે માત્ર 28 દિવસમાં 18 કિલો વજન ઘટાડ્યું હતું , જે તે સમયે ખૂબ જ ચર્ચામાં રહ્યો હતો. આ ફિલ્મ વર્ષ 2016માં આવી હતી. ફિલ્મમાં એક્ટિંગની સાથે લોકોએ રણદીપના ડેડિકેશનની પણ પ્રશંસા કરી હતી.