Priyanka Chopra And Nick Jonas: પ્રિયંકા ચોપરા અને નિક જોનસ બોલિવુડ અને હોલીવુડના સૌથી ચર્ચિત કપલમાંથી એક છે. બંને ફિલ્મ ઈન્ડસ્ટ્રીના સૌથી મોસ્ટલવ્ડ કપલ છે. વર્ષ 2018માં લગ્ન કર્યા પછી બંને ઘણીવાર સુંદર ફોટો અને વેકેશનને લઈને ફેન્સની વચ્ચે ચર્ચામાં રહે છે. આ સાથે જ ફેન્સને બંનેની કેમેસ્ટ્રી પણ પસંદ છે.
પ્રિયંકા ચોપરા તેના પતિ માટે સૌથી મોટી ચીયરલીડર છે. પ્રિયંકા ચોપરા નિકના કોન્સર્ટમાં સામેલ થઈને ઓડિયન્સ સાથે તેને ચીયર કરતી જોવા મળી છે. હાલમાં તે ફરી એકવાર જોનાસ બ્રધર્સના લાઈવ પરફોર્મન્સને એન્જોય કરતી જોવા મળી હતી, જેની એક નાની ઝલક તેણે ઈન્સ્ટાગ્રામ સ્ટોરી દ્વારા ફેન્સ સાથે શેયર કરી હતી.
કોન્સર્ટ પછી પ્રિયંકા ચોપરા અને નિક જોનસ એકસાથે જોવા મળ્યા હતા, જેનો એક વીડિયો સોશિયલ મીડિયા પર વાયરલ થઈ રહ્યો છે. સામે આવેલા આ વીડિયોમાં બંને એકબીજાના હાથ પકડીને ચાલતા જોવા મળે છે. બંનેને એકસાથે જોઈને ત્યાં હાજર ફેન્સ ક્રેઝી થઈ ગયા અને જોરથી બૂમો પાડવા લાગ્યા હતા. ફેન્સ પોતાના મોબાઈલ ફોનમાં કપલની તસવીર કેપ્ચર કરતા જોવા મળે છે.
જો લુકની વાત કરીએ તો નિક જોનસ ફુલ રેડ લુકમાં જોવા મળી રહ્યો છે. નિકે રેડ પેન્ટ સાથે મેચિંગ કલરનું બ્લેઝર પહેર્યું છે. જ્યારે પ્રિયંકા બ્લેક પેન્ટ સાથે બ્લેક બ્લેઝર અને કલર્ડ શર્ટ પહેરેલી જોવા મળી રહી છે. બંને પોતપોતાના લુકમાં જોરદાર લાગી રહ્યા છે.
આ પણ વાંચો : RRR : રાજામૌલીએ ઓસ્કારમાં હાજરી આપવા માટે ચૂકવી મોટી કિંમત, ખરીદી આટલા રૂપિયાની ટિકિટ
પ્રિયંકા ચોપરાના વર્કફ્રન્ટની વાત કરીએ તો હાલમાં જ તેની અપકમિંગ હોલીવુડ ફિલ્મ લવ અગેનનું ટ્રેલર સામે આવ્યું છે. આ ફિલ્મમાં તે એક્ટર સેમ હ્યુઘનની અપોઝિટ જોવા મળશે. આ સિવાય તે તેની અપકમિંગ વેબ સીરિઝ સિટાડેલને લઈને પણ ચર્ચામાં છે. આ એક સાય-ફાઈ સિરીઝ છે, જે 28 એપ્રિલે રિલીઝ થવાની છે.