Viral Video: પ્રિયંકા ચોપરા પબ્લિકમાં બધા સામે પડતા પડતા બચી, નિક જોનસે એક્ટ્રેસને પકડી, ક્યૂટ વીડિયો થયો વાયરલ

Priyanka Chopra And Nick Jonas Bonding: પ્રિયંકા ચોપરા (Priyanka Chopra) અને નિક જોનસની ક્યૂટ બોન્ડિંગ ફેન્સને ખૂબ ગમે છે. બંનેનો પબ્લિક અપીયરેન્સ પણ ઘણો વધારે છે. તેના વીડિયો અને ફોટો સોશિયલ મીડિયા પર વાયરલ થતા રહે છે. હાલમાં એક્ટ્રેસ મેટ ગાલા 2023માં તેની હાજરીને કારણે ચર્ચામાં રહી હતી. આ ઈવેન્ટમાં તેની સાથે પતિ નિક જોનસ પણ જોવા મળ્યો હતો. હંમેશાની જેમ બંને એકબીજાનો હાથ પકડીને આગળ વધી રહ્યા હતા. આ દરમિયાન પ્રિયંકાના પગ લપસી ગયા હતા. ત્યાં હાજર નિક જોનસે તેને પકડી લીધી અને એક્ટ્રેસનો કોન્ફિડેન્સ ઓછો ન થવા દીધો.

મેટ ગાલા પૂર્ણ થઈ ગઈ છે. આ મોટા ફેશન ઈવેન્ટમાં દુનિયાભરના સ્ટાર્સ જોવા મળ્યા હતા જેમણે પોતાના ફેશનેબલ અને ગ્લેમરસ આઉટફિટ્સથી ફેન્સનું દિલ જીતી લીધું હતું. આ ઈવેન્ટમાં ઈન્ટરનેશનલ સ્ટાર બની ગયેલી પ્રિયંકા ચોપરાનું નામ પણ સામેલ હતું. એક્ટ્રેસ રેડ કાર્પેટ પર રેડ આઉટફિટમાં જોવા મળી હતી. તેની સ્ટાઈલ એકદમ અલગ જ લાગતી હતી. હાઈ હીલ્સમાં ચાલતી પ્રિયંકાએ પેપ્સ અને મીડિયાને સંબોધિત કરી અને ઈવેન્ટ દરમિયાન પતિ નિક જોનસ સાથે હાથ પકડીને ચાલતી જોવા મળી હતી.

નિકના કારણે બચી ગઈ પ્રિયંકા

પરંતુ આ દરમિયાન એક્ટ્રેસે તેનું બેલેન્સ ગુમાવ્યું અને તે પડી જવાની હતી ત્યારે તેની સાથે ચાલી રહેલા નિક જોનસે તેને પકડી લીધી. નિકે પહેલેથી જ એક્ટ્રેસનો હાથ પકડી લીધો હતો અને તેની સાથે ચાલતો જોવા મળ્યો હતો. પ્રિયંકા પણ તેના પતિ નિકના કારણે બચી ગઈ અને પહેલાની જેમ નોર્મલ થઈને ચાલવા લાગી. નિક જોનસ અને પ્રિયંકાના આ ક્યૂટ વીડિયોને જોઈને ફેન્સ પણ વખાણ કરવાનું રોકી શક્યા નથી.

એક વ્યક્તિએ લખ્યું છે કે ‘કોઈનો હાથ પકડવો એ દુનિયાની સૌથી સુંદર ફીલિંગ્સમાંથી એક છે.’ અન્ય એક વ્યક્તિએ લખ્યું છે કે ‘પ્રિયંકા બચી ગઈ.’ આ સિવાય અન્ય એક યુઝરે લખ્યું છે કે ‘પરિસ્થિતિ ગમે તે હોય, નિક જોનસ હંમેશા પ્રિયંકાની સાથે જ હોય ​​છે. તે જોવામાં સુંદર છે.

આ પણ વાંચો : Bade Miyan Chote Miyan: ઈદ 2024 પર અક્ષય કુમાર-ટાઈગર શ્રોફ મચાવશે ધૂમ, જોરદાર એક્શન સાથે ફેન્સને મળશે ઈદી

રોમેન્ટિક ફિલ્મમાં જોવા મળશે પ્રિયંકા

વર્ક ફ્રન્ટની વાત કરીએ તો પ્રિયંકા ચોપરાની વેબ સિરિઝ સિટાડેલ નેટફ્લિક્સ પર રિલીઝ કરવામાં આવી છે. આ વેબ સિરીઝના બે એપિસોડ રિલીઝ થઈ ચૂક્યા છે અને હવે આગળની તૈયારીઓ ચાલી રહી છે. સિટાડેલ સિવાય એક્ટ્રેસની અપકમિંગ ફિલ્મ ‘લવ અગેન’ છે. આ રોમેન્ટિક ફિલ્મનું પ્રીમિયર પણ તાજેતરમાં જ થયું હતું. બોલિવુડની વાત કરીએ તો તે આલિયા ભટ્ટ અને કેટરીના કૈફ સાથે ફિલ્મ ‘જી લે ઝરા’માં જોવા મળશે.

મનોરંજન જગતના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

ગુજરાતી સિનેમા, ટેલિવિઝન, બોલિવૂડ, મૂવી રિવ્યુ, વેબ સિરીઝ સાથે જોડાયેલા તમામ સમાચાર જાણવા માટે જોડાયેલા રહો…