valentine day પર સલમાન ખાનની ચાહકોને ભેટ, આજે રિલિઝ થશે નવું રોમેન્ટિક ગીત
બોલિવૂડ સુપરસ્ટાર સલમાન ખાન તેની આગામી ફિલ્મ કિસી કા ભાઈ કિસી કી જાનને લઈને ચર્ચામાં છે. ફિલ્મનું નવું ગીત રિલીઝ થવા જઈ રહ્યું છે, જેનું ટીઝર સામે આવ્યું છે. આ સલમાન ખાનનું રોમેન્ટિક ગીત હશે.
બોલિવૂડ સુપરસ્ટાર સલમાન ખાનના ચાહકો માટે વર્ષ 2023 ઘણી ખુશીઓ લઈને આવ્યું છે. પહેલા તે શાહરૂખ ખાનની બ્લોકબસ્ટર ફિલ્મ પઠાણમાં જોવા મળ્યો હતો અને તેણે પોતાના જબરદસ્ત દેખાવથી બધાનું દિલ જીતી લીધું હતું. આ પછી હવે તે કિસી કા ભાઈ કિસી કી જાન ફિલ્મ માટે પણ ચર્ચામાં છે. લગભગ એક અઠવાડિયા પહેલા તેની ફિલ્મ કિસી કા ભાઈ કિસી કી જાનનું ટીઝર રિલીઝ થયું હતું, જેને ચાહકોએ ખૂબ પસંદ કર્યું હતું. હવે તેના નવા ગીતનું ટીઝર રિલીઝ થઈ ગયું છે અને એ પણ જાણવા મળ્યું છે કે ભાઈજાનનું આ ગીત આખરે ક્યારે આવી રહ્યું છે.
સલમાન ખાને હાલમાં જ ઈન્સ્ટાગ્રામ એકાઉન્ટ પર એક વીડિયો શેર કર્યો છે. આ વીડિયોમાં તેણે જણાવ્યું છે કે, આજે તેની ફિલ્મ કિસી કા ભાઈ કિસી કી જાનનું લોકપ્રિય ગીત રિલીઝ થવા જઈ રહ્યું છે. આ ગીતના ટીઝરમાં સલમાન ખાન લાંબા વાળમાં ચશ્મા પહેરેલો જોવા મળે છે. ગીતના ટીઝર પરથી અંદાજ લગાવી શકાય છે કે આ એક રોમેન્ટિક ગીત છે
12 ફેબ્રુઆરીએ રિલીઝ થશે
ગીતનું ટીઝર શેર કરતી વખતે સલમાને કહ્યું- 12 ફેબ્રુઆરીએ ગીત સાંભળો. ચાહકો પણ આ સમાચારથી ઘણા ખુશ છે અને સલમાન ખાનનું આ ગીત સાંભળીને ઉત્સાહિત છે. સૌથી મોટી વાત એ છે કે, સલમાન ખાન આ ગીત વેલેન્ટાઈન વીકના અવસર પર રિલીઝ કરી રહ્યો છે જે રોમેન્ટિક છે. આ ખાસ અવસર પર નવું રોમેન્ટિક ગીત સાંભળવાથી વધુ સારી અનુભૂતિ શું હોઈ શકે.
આ ફિલ્મ ઈદના અવસર પર રિલીઝ થશે
ફિલ્મની વાત કરીએ તો સલમાન ખાનની આ ફિલ્મ 21 એપ્રિલ 2023ના રોજ રીલિઝ થશે. દર વખતની જેમ સલમાન ખાન ઈદ પર ચાહકોને ભેટ આપવા માટે તૈયાર છે. પહેલા આ ફિલ્મનું નામ કભી ઈદ કભી દિવાળી હતું ત્યાર બાદ તેમાં ફેરફાર કરવામાં આવ્યો હતો. આ ફિલ્મમાં સલમાન ખાનની સામે પૂજા હેગડે જોવા મળશે. આ સિવાય દગ્ગુબાતી વેંકટેશ, શહનાઝ ગિલ અને સિદ્ધાર્થ નિગમ આ ફિલ્મમાં જોવા મળશે.
