કરીના કપૂર પટૌડી પેલેસમાં સૈફ સાથે રમી રહી હતી મેજિક કાર્ડ, પછી થયું કંઈક એવું કે થઈ ગઈ હેરાન, જુઓ Video

Kareena Kapoor Video: ‘જાને જાન’ એક્ટ્રેસ કરીના કપૂર ખાને (Kareena Kapoor) 21 સપ્ટેમ્બર 2023ના રોજ પટૌડી પેલેસમાં તેના નવાબ પતિ સૈફ અલી ખાન (Saif Ali Khan) સાથે તેનો 43મો જન્મદિવસ ઉજવ્યો હતો. પટૌડી પેલેસમાં કરીના માટે બર્થડે પાર્ટીનું પણ આયોજન કરવામાં આવ્યું હતું, જેનો વીડિયો સોશિયલ મીડિયા પર વાયરલ થઈ રહ્યો છે.

મેજિક કાર્ડ રમતી જોવા મળી હતી કરીના કપૂર

પટૌડી પેલેસમાંથી સૈફ અલી ખાન અને કરીના કપૂરનો એક વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં કરીના અને સૈફને કરણ ખન્ના સાથે મેજિક કાર્ડ વડે રમતા જોઈ શકાય છે. જેનો વીડિયો વાયરલ થઈ રહ્યો છે. આ વીડિયોમાં કરીના અને સૈફ તેમની હથેળી નીચે કેટલાક પત્તા સાથે પકડેલા જોવા મળે છે.

શરૂઆતમાં તેમનો નાનો દીકરો જેહ પણ તેમની સાથે ગેમ રમવાનો પ્રયત્ન કરે છે, પરંતુ પછી ત્યાંથી જતો રહે છે. આ પછી કરણ તેની હથેળીમાં રાખેલા કાર્ડ્સ ગાયબ કરીને તેને હેરાન કરી દે છે. જલદી કરીના તેની હથેળી તરફ જુએ છે, ત્યાં કોઈ કાર્ડ નથી. તે આ જોઈને હેરાન થઈ જાય છે.

(VC: instantbollywood instagram) 

યલો સૂટમાં સુંદર લાગતી હતી કરીના

કરીના કપૂરે પાર્ટીમાં યલો કલરનો સલવાર સૂટ પહેર્યો હતો, જેમાં તે ખૂબ જ સુંદર લાગી રહી હતી. એક્ટ્રેસે પોતાના લુકને સિમ્પલ રાખીને કાજલ સાથે જાદુ ચલાવ્યો. તેનો પતિ સૈફ બ્લેક કુર્તા અને સફેદ પાયજામામાં જોવા મળ્યો હતો. પાર્ટીમાં તેની બહેન કરિશ્મા કપૂર પણ હાજર હતી. વીડિયો જોઈને લાગે છે કે કરીનાએ તેના જન્મદિવસની સાંજે ખૂબ જ ખાસ રીતે સેલિબ્રેટ કરી હતી.

આ પણ વાંચો: રાઘવ ચઢ્ઢા-પરિણીતી ચોપરાના લગ્નમાં આદિત્ય ઠાકરેથી લઈને હરભજન સિંહ સુધી કોણે કોણે આપી હાજરી, જુઓ Photos

આ ફિલ્મમાં જોવા મળશે કરીના

મોટા પડદા પર પોતાનો જાદુ ફેલાવ્યા બાદ કરીના કપૂર ખાને હવે ઓટીટીમાં પણ ડેબ્યૂ કર્યું છે. હાલમાં જ તેની ફિલ્મ ‘જાને જાન’ ઓટીટી પ્લેટફોર્મ નેટફ્લિક્સ પર રિલીઝ થઈ છે. આ ફિલ્મમાં તે જયદીપ અહલાવત અને વિજય વર્મા સાથે જોવા મળી હતી. ફિલ્મમાં ત્રણેયના પાત્રોની ખૂબ પ્રશંસા કરવામાં આવી હતી. ટૂંક સમયમાં એક્ટ્રેસ ‘ધ ક્રૂ’માં જોવા મળશે.

એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો