અનંત અંબાણીના લગ્નમાં અરિજિત સિંહ સાથે હોલીવુડ સિંગર રિહાના કરશે પરફોર્મ, જાદુગર ડેવિડ બ્લેન પણ બતાવશે ઝલવો

મુકેશ અંબાણીના પુત્ર અનંત અંબાણી અને રાધિકા મર્ચન્ટ ગુજરાતના જામનગરમાં લગ્નના બંધનમાં બંધાવા જઈ રહ્યા છે. વેડિંગ ફંક્શન 1લી થી 3જી માર્ચ સુધી ચાલશે અને દુનિયાની નજર આ લગ્ન પર છે. અતિથિઓના લિસ્ટમાં વિશ્વના કેટલાક સૌથી પ્રભાવશાળી અને સફળ લોકોના નામ શામેલ છે.

આ ભવ્ય લગ્ન પહેલા રિહાના અને અરિજિત સિંહ જેવા સ્ટાર્સ પ્રી-વેડિંગ ફંક્શનમાં તેમના સિંગિંગનો જાદુ ચલાવશે. આ સિવાય આ ઈવેન્ટમાં દિલજીત દોસાંઝ અને અજય-અતુલ પણ પરફોર્મ કરવાના સમાચાર છે.

અરિજિત સિંહ અને રિહાના કરશે સિંગિંગ

જ્યાં અરિજિત સિંહનું નામ બોલિવૂડના સૌથી સફળ સિંગરોમાં ગણવામાં આવે છે, ત્યાં રિહાનાનું નામ પણ વિશ્વ પ્રસિદ્ધ છે. હવે જોવાનું એ રહે છે કે બંને સ્ટેજ પર ડ્યુએટ કરતા જોવા મળશે અને સુર સાથે સુર મેળાવશે.

જ્યારે અરિજિત તેના અવાજથી દરેકને મંત્રમુગ્ધ કરવામાં નિષ્ણાત છે, ત્યારે રિહાના પણ લોકોને તેના અવાજથી ડાન્સ કરવા માટે મજબૂર કરી દે છે. બંને ગાયકોની હાજરી ધ્યાન ખેંચે તેવી રહેશે.

જાદુગર ડેવિડ બધાનું ધ્યાન ખેંચશે

જ્યાં વિશ્વના કેટલાક પ્રખ્યાત અને સફળ ગાયકો સ્ટેજ પર તેમની ગાયકીનું કૌશલ્ય બતાવશે, તો બીજી તરફ જાદુગર ડેવિડ બ્લેન પણ પોતાની અદ્ભુત કરતબોથી બધાને આશ્ચર્યચકિત કરશે. અંબાણી પરિવારના કોઈપણ ફંક્શનમાં ચાહકો ચોક્કસપણે બોલિવૂડ સ્ટાર્સ પર નજર રાખે છે, તેથી આ લગ્નમાં પણ બોલિવૂડના ઘણા મોટા લોકોને આમંત્રણ આપવામાં આવ્યું છે.

આ બોલિવૂડ સ્ટાર્સ ગેસ્ટ લિસ્ટમાં છે

આ ફંક્શનમાં બોલિવૂડના મેગાસ્ટાર અમિતાભ બચ્ચન અને સુપરસ્ટાર શાહરૂખ ખાન ચોક્કસપણે હાજર રહેશે. આ સિવાય સુપરસ્ટાર રજનીકાંત, અક્ષય કુમાર, ટ્વિંકલ ખન્ના, સલમાન ખાન, સૈફ અલી ખાન અને ધક ધક ગર્લ માધુરી દીક્ષિત પણ આ લગ્નમાં જોવા મળશે. આટલું જ નહીં આ લગ્નમાં અભિષેક બચ્ચન, ઐશ્વર્યા રાય બચ્ચન, અજય દેવગન, કાજોલ, રણવીર સિંહ, દીપિકા પાદુકોણ, રણબીર કપૂર, આલિયા ભટ્ટ, વિકી કૌશલ અને કેટરિના કૈફ પણ જોવા મળવાના છે.