Dance Viral Video : નકુલ મહેતાની હિંમતથી નેટીઝન્સ થયા પ્રભાવિત, સ્કર્ટ પહેરીને તોડ્યા તમામ બંધનો, કર્યો જોરદાર ડાન્સ

Nakuul Mehta In Skirts : શું તમે ક્યારેય રણવીર સિંહ સિવાય બોલિવૂડ અને ટીવી કલાકારોને કોઈ સ્ક્રિપ્ટ વગર પોતાની જાતે સ્કર્ટ પહેરતા જોયા છે ? ના ના ! પરંતુ ટીવી ઈન્ડસ્ટ્રીનો એક જાણીતો ચહેરો છે, જેણે જાતે જ સ્કર્ટ પહેરીને ડાન્સ કર્યો અને તેના ફેન્સને ચોંકાવી દીધા. હા, અમે વાત કરી રહ્યા છીએ નકુલ મહેતાની. સોની ટીવીની સીરીયલ બડે અચ્છે લગતે હૈની સીઝન 3 નો ભાગ રહેલો નકુલ ટીવીના સૌથી લોકપ્રિય કલાકારોમાંનો એક છે.

આ પણ વાંચો : Niti Taylor Injured : સીરિયલ ‘બડે અચ્છે લગતે હૈં 2’ના સેટ પર ઈજાગ્રસ્ત થઈ એકટ્રેસ, ફેન્સને બતાવી પોતાની સ્થિતિ

આ ગીત પર કર્યો શાનદાર ડાન્સ

નકુલ મહેતાએ ઈન્સ્ટાગ્રામ પર એક પોસ્ટમાં તેનો ડાન્સ વીડિયો શેર કર્યો છે, જેમાં અભિનેતા ડાન્સર ઝૈનીલ મહેતા સાથે ગુલાબી સ્કર્ટમાં ડાન્સ કરતો જોવા મળે છે. ઝૈનીલ મહેતા અને નકુલ મહેતા બંનેએ સ્કર્ટ પહેરીને જબરદસ્ત ડાન્સ કર્યો છે. બંને રણબીર કપૂરની ફિલ્મ રોકસ્ટારના હવા હવા ગીત પર જોરદાર ડાન્સ કરી રહ્યાં છે.

ઝૈનીલનો ડાન્સ જોયો અને વીડિયો બનાવવાનું કર્યું નક્કી

આ વીડિયોને ઈન્સ્ટાગ્રામ પર શેર કરતી વખતે એક્ટરે એક ખાસ કેપ્શન લખ્યું છે. તેણે લખ્યું કે ‘મેં @jainil_dreamtodanceને BRUT વીડિયોમાં થોડાં મહિનાઓ પહેલાં ન્યૂયોર્કની શેરીઓમાં ઢોલી તારોને સુંદર રીતે ગાતા જોયો હતો અને હું તરત જ તેની કળા તરફ આકર્ષાયો હતો.’ ફિલ્મો જોઈને ચાહકો તેની શૈલીને ખૂબ પસંદ કરે છે. તે જ સમયે, વીડિયોના કેપ્શનમાં, નકુલે તેના શો ‘બડે અચ્છે લગતે હૈં 3’ વિશે પણ જણાવ્યું છે.

જુઓ વીડિયો

સોશિયલ મીડિયા પર થઈ રહ્યા છે વખાણ

નકુલના આ ડાન્સના વખાણ થવાનું કારણ નકુલનો સ્ટીરિયો ટાઇપનો ડાન્સ છે. હીરો ક્યારેય છોકરીના કપડાં પહેરી શકતો નથી, મર્દ કો દર્દ નહીં હોતા, સંવાદોને બાજુ પર રાખીને નકુલની આત્મવિશ્વાસ સાથે ડાન્સ કરવાની હિંમત જોઈને તેના ચાહકો સ્તબ્ધ છે.

ફિલ્મથી કરિયરની કરી શરૂઆત

તમને જણાવી દઈએ કે, નકુલે પોતાના કરિયરની શરૂઆત ફિલ્મોથી કરી હતી પરંતુ આજે તે ટીવી જગતનો જાણીતો ચહેરો બની ગયો છે. નકુલ 2008માં ઈન્ડસ્ટ્રીમાં આવ્યો હતો પરંતુ તેને ‘પ્યાર કા દર્દ હૈ મીઠા-મીઠા પ્યારા-પ્યારા’થી ઓળખ મળી હતી. અભિનય ઉપરાંત, નકુલ તેની સેન્સ ઓફ હ્યુમરથી પણ લોકોને પ્રભાવિત કરે છે.