Jan Neta Release : તમિલનાડુના મુખ્યમંત્રી વિજયની ફિલ્મ ‘જન નેતા’નો ક્રેઝ વધ્યો, ચાહકોએ થિયેટરોમાં ડાન્સ અને લેસર શો સ્વાગત કર્યું
Jan Neta Release: અભિનેતા અને તમિલનાડુના મુખ્યમંત્રી વિજયની છેલ્લી ફિલ્મ જન નેતા અંતે રિલીઝ થઈ ચૂકી છે. ફિલ્મ રિલીઝ થતાં જ તમિલનાડુમાં જશ્નનો માહોલ છે. થિયેટર્સમાં એવી ભીડ છે કે, જેને જોઈ બધા હેરાન રહી ગયા છે.
સાઉથ સુપરસ્ટાર અને તમિલનાડુના મુખ્યમંત્રી વિજયની છેલ્લી ફિલ્મ જનનેતા સિનેમાઘરોમાં રિલીઝ થઈ ચૂકી છે. ફિલ્મની રિલીઝને ચાહકો લાંબા સમયથી રાહ જોતા હતા. હવે આ રાહ પૂર્ણ થઈ ચૂકી છે. ચાહકોએ તહેવારી જેમ સેલિબ્રેટ કરી છે. ફિલ્મની રિલીઝને લઈ આખા તમિલનાડુમાં શાનદાર ઉત્સાહ જોવા મળ્યો છે. કેટલાક સ્થળો પર થિયેટરની બહાર ડાન્સ, લેઝર શો, ડ્રોન શો અને ખાસ સાંસ્કૃતિક કાર્યક્રમ આયોજિત કરવામાં આવ્યા છે.
ચાહકોની સાથે -સાથે વિજયની પાર્ટી ટીવીકેના કાર્યકર્તાઓએ પણ આ સેલિબ્રેશન તહેવારની જેમ કર્યું છે. સોશિયલ મીડિયા પર તમામ વીડિયો સામે આવી રહ્યા છે. જેનાથી ચાહકોમાં ઉત્સાહ સ્પષ્ટ પણે જોવા મળી રહ્યો છે.
રિલીઝ થઈ વિજયની છેલ્લી ફિલ્મ જન નેતા
જનનેતા વિજયના એક્ટિંગ કરિયરની છેલ્લી ફિલ્મ છે. ત્યારબાદ તે સંપૂર્ણ પણે રાજકારણમાં ધ્યાન આપશે. ત્યારે ફિલ્મની રિલીઝનને લઈ તેના ચાહકો ખુબ ઈમોશનલ થયા હતા. ચેન્નાઈના Woodlands અને Casino જેવા સિનેમાઘરોમાં રિલીઝ પહેલા સાંસ્કૃતિક કાર્યક્રમનું આયોજન કરવામાં આવ્યું હતુ. જ્યારે સાંજના આકાશમાં લેઝર શો અને ડ્રોન શો દ્વારા વિજયનું સ્વાગત કરવામાં આવ્યું હતુ. ચાહકોએ ઢોલ-નગાડા અને ડાન્સની સાથે ફિલ્મનો જશ્ન મનાવ્યો હતો.
એચ વિનોથના નિર્દેશનમાં બનેલી જન નેતામાં વિજયની સાથે પુજા હેગડે, બોબી દેઓલ, મમિતા બૈજુ, ગૌતમ વાસુદેવ મેનન, પ્રકાશ રાજ અને નારાયણ જેવા કલાકારો મહ્તવની ભૂમિકામાં જોવા મળ્યા છે. આ ફિલ્મ વિજયના એક્ટિંગ કરિયરની છેલ્લી ફિલ્મ માનવામાં આવી છે. કારણ કે, ત્યારબાદ તે સંપૂર્ણ પણ રાજકારણમાં એક્ટિવ થશે. તમને જણાવી દઈએ કે, વિજયના ચાહકો ખુબ લાંબા સમયથી તેની આ ફિલ્મની રાહ જોતા હતા.
