Breaking News : અભિનેતાએ 60 વર્ષની ઉંમરે યુરોપથી આફ્રિકા સુધી સ્વીમિંગ કર્યું, ચાહકો ચોંકી ગયા, જુઓ Video
ફિટનેસ આઈકન મિલિંદ સોમને સ્ટ્રેટ ઓફ ઝિબ્રાલ્ટરના ઓપન વોટરમાં સ્વીમિંગ કરી ઈતિહાસ રચ્યો છે. તેમણે યુરોપથી આફ્રિકા સુધી સ્વીમિંગ કર્યું છે. જેનો વીડિયો સોશિયલ મીડિયા પર વાયરલ થઈ રહ્યો છે.
મિલિંદ સોમને 60 વર્ષની ઉંમરમાં એ કામ કર્યું છે, કદાચ કોઈ વિચારી પણ શકે નહી. તેમણે યુરોપથી આફ્રિકા સુધીનું ખતરનાક સ્વિમિંગ કર્યું છે. તમને જણાવી દઈએ કે, આ દુનિયાનો સૌથી મુશ્કેલ જળમાર્ગમાંથી એક ઝિબ્રાલ્ટર પાર કર્યો છે. તેમણે અંદાજે 15 કિલોમીટર સ્વીમિંગ કર્યું છે. ફિલ્મોમાં અને મ્યુઝિકમાં છવાયા બાદ સુપરમોડલ અને અભિનેતા મિલિંદ સોમને 60 વર્ષની ઉંમરમાં ઈતિહાસ રચ્યો છે. પોતાની ફિટનેસ માટે જાણીતો મિલિંદ સોમને દુનિયાની સામે ભારતનું નામ રોશન કર્યું છે. અભિનેતાએ યુરોપથી આફ્રિકા સુધી સ્વિમિંગ કરી ઝઇબ્રાલ્ટર ખુલ્લા પાણીમાં પાર કર્યું છે. તમને જણાવી દઈએ કે, આ વિસ્તાર યુરોપથી આફ્રિકાને અલગ કરનાર સમુદ્ધનો ભાગ છે.
ઝિબ્રાલ્ટરને પાર કરનાર દુનિયાનો સૌથી અઘરો રસ્તો
સોમને આ સ્વિમિંગનો વીડિયો સોશિયલ મીડિયા પર શેર કર્યો છે. લોકો તેને શુભકામના પણ પાઠવી રહ્યા છે. તેમણે વીડિયો શેર કરતા કહ્યું કે, તેમણે 1 મેના રોજ સ્પેનના ટૈરિફાથી મોરક્કો સુધી અંદાજે 15 કિલોમીટરનું અંતર કાપ્યું છે. તમને જણાવી દઈએ કે, ઝિબ્રાલ્ટરને પાર કરનાર દુનિયાનો સૌથી અઘરો રસ્તો પોતાની વોટર જર્નીમાંથી એક માનવામાં આવે છે.
મુંબઈથી ગોવા સુધી 600 કિલોમીટર લાંબી સાઈકલ ચલાવી
આટલું જ નહી તેમણે મુંબઈથી ગોવા સુધી 600 કિલોમીટર લાંબી સાઈકલ ચલાવી હતી. આ પુરુ કરવામાં તેને 5 દિવસ લાગ્યા હતા. મિલિંદ ખુલ્લા પગે દોડવા માટે ખુબ ફેમસ છે. તેમણે ફ્લોરિડામાં અલ્ટ્રા-મેરાથોન 517 કિલોમીટર પણ પૂર્ણ કરી છે. 60 વર્ષની ઉંમરે ખુલ્લા પાણીમાં સ્વિમિંગ પૂર્ણ કરીને, તેમણે સાબિત કર્યું કે ઉંમર ફિટનેસ માટે કોઈ અવરોધ નથી.
મિલિંદ સોમન જીમમાં નથી જતો તેમ છતાં ફિટ રહે છે. તેને દરરોજ ખુલ્લા પગે દોડવું ગમે છે. તેને ઠંડા પાણીએ નાહવું ગમે છે. તે ઘરે વર્કઆઉટ અને દોડવાનું પસંદ કરે છે. તે પ્રોટીનયુક્ત અને હળવું ભોજન ખાય છે. તેને ઉચ્ચ ફાઇબર અને પ્રોટીનયુક્ત આહાર માટે ચણા ખાય છે. તે મોંઘા શેક અને સ્મૂધીને બદલે નાસ્તામાં પલાળેલા ચણા અને બદામ પસંદ કરે છે.
