બોલિવુડનો સુપરસ્ટાર બન્યો ‘ખેડૂત’! કઈ ખુશીમાં ખરીદ્યું પોતાનું ખેતર? વીડિયોમાં આપ્યો ખુલાસો ?

અભિનેતા વરુણ ધવને તેના જીવનમાં એક નવો માઇલસ્ટોન હાંસલ કર્યો છે. તેણે સોશિયલ મીડિયા પર પોતાની ખુશી વ્યક્ત કરી છે. તેણે ખેતર ખરીદ્યું હોવાની જાહેરાત કરી છે. તેણે ચાહકોને ખેતરનો નજારો બતાવ્યો છે. તે તેમાં ખૂબ જ ખુશ દેખાઈ રહ્યો છે. વીડિયોના કેપ્શનમાં તેણે લખ્યું, “મેં ખેતર ખરીદ્યું છે.”

વરુણના ખેતરની ઝલક

વીડિયોમાં વરુણ ધવન કહે છે, “હું તમારી સાથે એક ન્યૂઝ શેર કરવા માગું છું. આ મારી જિંદગીની સૌથી મોટી ઉપલબ્ધિ છે. મેં એક ખેતર લીધું છે. આ ખેતર મેં ખરીદી લીધું છે અને શા માટે લીધું તે પૂછતા નહીં. બસ અહીં ઊભા રહીને ચા-બિસ્કિટનો આનંદ માણવો અને હવામાનની મજા લેવી. ખૂબ મજેદાર છે.”

વીડિયોમાં વરુણ હાથમાં ચાનો કપ લઈને જોવા મળે છે. તેમણે બ્રાઉન રંગનું શર્ટ અને પેન્ટ પહેર્યું છે તથા બૂટ્સ પહેર્યા છે. વરુણના આ વીડિયો પર ફેન્સ સતત કોમેન્ટ કરીને તેમને અભિનંદન આપી રહ્યા છે.

વરુણ ધવનની જર્ની

વરુણ ધવને 2010માં અસિસ્ટન્ટ ડિરેક્ટર તરીકે કરિયરની શરૂઆત કરી હતી. તે માય નેમ ઇઝ ખાન ફિલ્મમાં અસિસ્ટન્ટ ડિરેક્ટર હતો. 2012 માં, તે સ્ટુડન્ટ ઓફ ધ યર થી પોતાની કારકિર્દીની શરૂઆત કરી હતી. આ ફિલ્મમાં આલિયા ભટ્ટ અને સિદ્ધાર્થ મલ્હોત્રા પણ હતા. આ ફિલ્મ કરણ જોહર દ્વારા દિગ્દર્શિત કરવામાં આવી હતી અને તેને ખૂબ જ પસંદ કરવામાં આવી હતી. વરુણ ધવનના અભિનયની ચાહકો દ્વારા પ્રશંસા કરવામાં આવી છે.

ત્યારથી વરુણ મૈં તેરા હીરો, બદલાપુર, હમ્પ્ટી શર્મા કી દુલ્હનિયા, એબીસીડી 2, દિલવાલે, જુડવા 2, બદ્રીનાથ કી દુલ્હનિયા, સુઈ ધાગા,” નવાબઝાદે, કલંક, સ્ટ્રીટ ડાન્સર્સ 3D, કૂલી નંબર 1, એન્ટિમ, જુગ જુગ જિયો, ભેડિયા, બાવલ, બેબી જોન અને બોર્ડર 2 જેવી ફિલ્મોમાં જોવા મળ્યો છે

વરુણ ધવનની પર્સનલ લાઇફ

પર્સનલ લાઇફની વાત કરીએ તો વરુણ ધવને નતાશા દલાલ સાથે લગ્ન કર્યા છે. બંને એક દીકરીના માતા-પિતા છે. તેની દીકરીનું નામ લારા ધવન છે. વરુણે હજુ સુધી દીકરીનો ફોટો સોશિયલ મીડિયા પર શેર કર્યો નથી.

View this post on Instagram

A post shared by VarunDhawan (@varundvn)

આ પણ વાંચો, Trending Video : બ્રેડ ખાવાથી ખરેખર કેન્સર થાય છે? વાયરલ દાવામાં કેટલું સત્ય છે ! જાણો