બુર્જ ખલીફા પર છવાયું ‘ભેડિયા’નું ટ્રેલર, દુબઈમાં જોવા મળી વરૂણ ધવનની ઝલક

બોલિવૂડ એક્ટર વરુણ ધવન અને કૃતિ સેનન આ દિવસોમાં તેમની આગામી ફિલ્મ ‘ભેડિયા’ને લઈને સતત ચર્ચામાં છે. જ્યારથી ફિલ્મનું ટ્રેલર રિલીઝ થયું છે ત્યારથી તે સોશિયલ મીડિયા પર સતત ટ્રેન્ડ કરી રહ્યું છે. કૃતિ અને વરુણ પણ જગ્યાએ જગ્યાએ જઈને પોતાની ફિલ્મનું પ્રમોશન કરી રહ્યા છે. આવતા અઠવાડિયે આ ફિલ્મ બોક્સ ઓફિસ પર દસ્તક આપવા જઈ રહી છે. પરંતુ ફિલ્મની રિલીઝ પહેલા વરુણ ધવનનો એક વીડિયો સોશિયલ મીડિયા પર વાયરલ થઈ રહ્યો છે.

અભિનેતા અને કૃતિ બુર્જ ખલીફા પાસે જોવા મળ્યા

વરુણ ધવને પોતાના ઈન્સ્ટાગ્રામ એકાઉન્ટ પર પોતાનો એક વીડિયો શેર કર્યો છે. આ વીડિયોમાં તેની કો-સ્ટાર કૃતિ સેનન પણ તેની સાથે જોવા મળી રહી છે. આ બંને હાલમાં દુબઈમાં છે અને આ વીડિયો પણ ત્યાંનો છે. વરુણ અને કૃતિ માત્ર દેશમાં જ નહીં પણ વિદેશમાં પણ પોતાની ફિલ્મના પ્રમોશન માટે કોઈ કસર નથી છોડી રહ્યા અને આ વાયરલ વીડિયો તેનો પુરાવો છે. વરુણે આ વીડિયો પોતાના ફોનથી બનાવ્યો છે. જેમાં અભિનેતા અને કૃતિ બુર્જ ખલીફાથી થોડે દૂર ઉભા જોવા મળે છે.

ભેડિયાનું ટ્રેલર બુર્જ ખલીફા પર

વરુણની આગામી ફિલ્મ ભેડિયાનું ટ્રેલર બુર્જ ખલીફા પર ચાલી રહ્યું છે. જેને જોઈને તમે બંને સ્ટાર્સનું એક્સાઈમેન્ટ લેવલ સ્પષ્ટપણે જોઈ શકો છો. વરુણ તેની એક્સાઈમેન્ટથી તેનો ફોન મૂકી દે છે પરંતુ બાદમાં આખો બુર્જ ખલીફા બતાવવામાં આવ્યો છે, જ્યાં લોકો ભેડિયાના ટ્રેલરને ખૂબ જ ધ્યાનથી જોઈ રહ્યા છે. બુર્જ ખલીફા પર ભેડિયાનું ટ્રેલર કૃતિ અને વરુણ માટે ખૂબ જ મહત્વપૂર્ણ છે અને તેની ખુશી તેમના ચહેરા પર સ્પષ્ટપણે જોઈ શકાય છે.

દિલવાલે પછી ફરી એકવાર વરુણ ધવન અને કૃતિ સેનન આ ફિલ્મમાં સાથે જોવા મળવાના છે. બંને સ્ટાર્સ પણ પોતાની ફિલ્મને લોકો સુધી પહોંચાડવા માટે સખત મહેનત કરી રહ્યા છે. ચાહકોથી લઈને નિર્માતાઓ સુધી ભેડિયા પાસેથી ઘણી અપેક્ષાઓ છે. ફિલ્મના ટ્રેલરને પણ અત્યાર સુધી ખૂબ જ સારો પ્રતિસાદ મળ્યો છે. આવી સ્થિતિમાં, માનવામાં આવે છે કે, આ ફિલ્મ દરેકની અપેક્ષાઓ પર ખરી ઉતરશે.