Viral Video : આથિયા શેટ્ટી અને કેએલ રાહુલના લગ્નની તૈયારીઓ શરૂ, જુઓ વાયરલ વીડિયો
Athiya Shetty And KL Rahul Marriage:બોલિવૂડ એક્ટર સુનીલ શેટ્ટીની દીકરી આથિયા શેટ્ટી અને ભારતીય ક્રિકેટર કેએલ રાહુલના લગ્નની તૈયારીઓ શરૂ થઈ ગઈ છે. કેએલ રાહુલના ઘરેથી એક વીડિયો પણ સામે આવ્યો છે.
બોલિવૂડમાં એકથી વધુ હિટ ફિલ્મો દ્વારા પોતાના અભિનયની કૌશલ્ય સાબિત કરનાર સુનીલ શેટ્ટી હાલના દિવસોમાં તેની પુત્રી આથિયા શેટ્ટીના લગ્નના સમાચારને કારણે ચર્ચામાં છે. છેલ્લા કેટલાક દિવસોથી આથિયા અને કેએલ રાહુલના લગ્નની જોરશોરથી ચર્ચા થઈ રહી છે. રિપોર્ટ્સ અનુસાર, બંને 23 જાન્યુઆરીએ લગ્નના બંધનમાં બંધાવા જઈ રહ્યા છે.લગ્નના સમાચાર વચ્ચે હવે એક વીડિયો સામે આવ્યો છે, જેને જોઈને લાગે છે કે હવે બંનેના લગ્નની તૈયારીઓ શરૂ થઈ ગઈ છે.
આ વીડિયો કેએલ રાહુલના ઘરની બહારનો છે, જેને પાપારાઝી વિજેન્દર ચાવલાએ તેના ઈન્સ્ટાગ્રામ પર પોસ્ટ કર્યો હતો.
ક્રિકેટરના ઘરે લગ્નનો માહોલ
આ વીડિયોમાં કેએલ રાહુલનું ઘર સજાવેલું જોવા મળે છે. વીડિયોમાં જોઈ શકાય છે કે ઘરની બહાર ફુગ્ગા લટકતા જોવા મળે છે, સાથે જ લાઈટોના તાર પણ લગાવવામાં આવ્યા છે. આ વીડિયો જોઈને સ્પષ્ટ થાય છે કે કેએલ રાહુલના ઘરે લગ્નની તૈયારીઓ શરૂ થઈ ગઈ છે.
કેએલ રાહુલનું ઘર રોશનીથી ઝગમગી ઉઠ્યું
આ વીડિયો સિવાય કેએલ રાહુલના ઘરની બહારના કેટલાક ફોટો જોવા મળી રહ્યા છે, જેને ઈન્સ્ટન્ટ બોલિવૂડ દ્વારા શેર કરવામાં આવ્યા છે. આ ફોટોમાં રાતના અંધકારમાં ક્રિકેટરનું ઘર રોશનીથી ઝગમગતું જોવા મળે છે. ગુબ્બારા અને રોશનીથી શણગારેલું ઘર ખૂબ જ સુંદર લાગે છે. જોકે, આ વીડિયો અને ફોટો સામે આવ્યા બાદ આથિયા શેટ્ટી અને કેએલ રાહુલના લગ્નની ચર્ચા વધુ તેજ બની છે.
અથિયા શેટ્ટીના લગ્નનું ફંક્શન ખંડાલા ફાર્મ હાઉસમાં યોજાશે
આથિયા શેટ્ટી અને કેએલ રાહુલ લાંબા સમયથી એકબીજાને ડેટ કરી રહ્યાં છે. જોકે હવે થોડા દિવસોમાં બંને એકબીજા સાથે લગ્નના બંધનમાં બંધાવા જઈ રહ્યા છે. રિપોર્ટ્સમાં કહેવામાં આવી રહ્યું છે કે, 21 જાન્યુઆરીથી લગ્નના ફંક્શન શરૂ થશે અને પછી 23 જાન્યુઆરીએ બંને એકબીજા સાથે લગ્ન કરશે. રિપોર્ટ્સમાં એવું પણ કહેવામાં આવી રહ્યું છે કે આથિયા શેટ્ટીના લગ્નનું ફંક્શન સુનીલ શેટ્ટીના ખંડાલા ફાર્મ હાઉસમાં યોજાશે. તેમનું ફાર્મ હાઉસ એકદમ લક્ઝુરિયસ છે જે 6200 સ્ક્વેર ફૂટમાં ફેલાયેલું છે.