Yash KGF 3: કેજીએફના પહેલા અને બીજા ભાગમાં સાઉથના સુપરસ્ટાર યશને પાન ઈન્ડિયા સ્ટાર બનાવ્યો. આ ફિલ્મ પછી તે દરેક જગ્યાએ રોકી ભાઈ તરીકે ઓળખાવા લાગ્યો. ફિલ્મમાં તેની સ્ટાઈલ, તેના અંદાજ, તેની એક્શન દરેકને પસંદ આવી હતી. કેજીએફ (KGF) ફ્રેન્ચાઈઝીના પહેલા અને બીજા બંને ભાગ ખૂબ જ સફળ રહ્યા હતા. હવે બધા ફેન્સ લાંબા સમયથી KGF 3ની રાહ જોઈ રહ્યા છે.
કેજીએફના બંને પાર્ટે બોક્સ ઓફિસ પર તેમજ લોકોના દિલ અને દિમાગમાં ધૂમ મચાવી હતી. બંને પાર્ટની સફળતા બાદ હવે આ ફિલ્મનો ત્રીજો ભાગ ક્યારે બહાર આવશે તે બધા જાણવા માંગે છે. KGF 3 વિશે અપડેટ આવ્યું છે.
કેજીએફના બંને પાર્ટને પોપ્યુલર ડિરેક્ટર પ્રશાંત નીલ દ્વારા ડાયરેક્ટ કરવામાં આવ્યા છે. મીડિયા રિપોર્ટ મુજબ પ્રશાંત હાલમાં કેજીએફ ફ્રેન્ચાઈઝીમાંથી લાંબા બ્રેક પર છે. સમાચારમાં કહેવામાં આવ્યું હતું કે યશ સાથે કેજીએફ 3ના શૂટિંગ પહેલા તે સાઉથ સુપરસ્ટાર જુનિયર એનટીએર સાથે એક ફિલ્મમાં કામ કરશે.
એવું કહેવામાં આવી રહ્યું છે કે એનટીઆર અને પ્રશાંત નીલની આ ફિલ્મ વર્ષ 2024ના અંત સુધીમાં ફ્લોર પર જશે. મીડિયા રિપોર્ટ મુજબ એવું પણ કહેવામાં આવ્યું છે કે પ્રશાંત અને યશને કેજીએફ 3ને લઈને ઉતાવળ નથી. બંનેએ પરસ્પર સંમતિથી નિર્ણય લીધો છે કે જ્યારે તેમની પાસે આવી સ્ક્રિપ્ટ હશે જે અગાઉના બે પાર્ટ સાથે મેચ થતી હોય તો બંને ત્રીજા ભાગ પર કામ કરવાનું શરૂ કરશે. એવું કહેવામાં આવી રહ્યું છે કે પ્રશાંત જુનિયર એનટીઆર સાથે શૂટિંગ કર્યા પછી જ કેજીએફ 3 પર કામ કરવાનું શરૂ કરશે.
આ પણ વાંચો : Mira Rajput Video: શાહિદ કપૂરની પત્નીએ પાપારાઝીને કરી વિનંતી, કહ્યું- મને ઘરે જવા દો, જુઓ Video
કેજીએફ 2ને ભારતમાં તેમજ અન્ય દેશોમાં પસંદ કરવામાં આવી હતી. આ ફિલ્મે બોક્સ ઓફિસ પર કમાણીનો રેકોર્ડ બનાવ્યો હતો. આ ફિલ્મે દુનિયાભરમાંથી 1200 કરોડથી વધુની કમાણી કરી હતી.