અક્ષય કુમારનું પત્તું કપાયું ? આ હિટ કોમેડી ફ્રેન્ચાઇઝીના આગામી ભાગમાં નહીં દેખાય ‘ખિલાડી’
બોલિવૂડની સૌથી લોકપ્રિય કોમેડી ફ્રેન્ચાઇઝીનો આગામી ભાગ ટૂંક સમયમાં આવવાનો છે. જો કે, આ વખતે ફેન્સને કોમેડી ફ્રેન્ચાઇઝીમાં એક મોટો બદલાવ જોવા મળી શકે છે. આ ફ્રેન્ચાઇઝીને લઈને એવી ચર્ચાઓ ચાલી રહી છે કે, તેના આગામી ભાગમાં અક્ષય કુમાર જોવા નહીં મળે, જેને ગત વખતે દર્શકોનું દિલ જીત્યું હતું.
બોલિવૂડ એક્ટર ‘Akshay Kumar’ ફિલ્મ ‘જોલી એલએલબી 3’ (Jolly LLB 3) માં મહત્વની ભૂમિકામાં જોવા મળ્યો હતો. રસપ્રદ વાત એ છે કે, આ જ મુવીમાં અરશદ વારસીની દમદાર વાપસી થઈ હતી.
બંનેની ઓનસ્ક્રીન જુગલબંધીને ફેન્સે પણ ખૂબ પસંદ કરી હતી. ‘જોલી એલએલબી 3’ ની સફળતા બાદ મેકર્સે તેના ચોથા પાર્ટને બનાવવાની તૈયારીઓ શરૂ કરી દીધી હતી. હવે મોટી માહિતી એ છે કે, ‘Jolly LLB 4’ માં અક્ષય કુમાર નહીં જોવા મળે અને અરશદ વારસી ચોથા પાર્ટમાં લીડ રોલ પ્લે કરશે.
‘Jolly LLB 4’ માં અક્ષય કુમારની વાપસી નહીં થાય
વેરાયટી ઈન્ડિયાના જણાવ્યા અનુસાર, ‘Jolly LLB’ ના ચોથા પાર્ટની તૈયારીઓ મેકર્સે શરૂ કરી દીધી છે. આ મુવીમાં હવે અક્ષય કુમારની વાપસી થઈ રહી નથી. જણાવી દઈએ કે, આ મુવીનું નિર્દેશન ઉમેશ શુક્લા કરશે.
મળતી માહિતી અનુસાર, મેકર્સ વર્ષ 2027 માં જાન્યુઆરી મહિનાથી ફિલ્મનું શૂટિંગ શરૂ કરી દેશે. ખાસ વાત એ છે કે, ‘જોલી એલએલબી 4’ માં અરશદ વારસીને મેકર્સે ફરી એકવાર કાસ્ટ કરવાનો નિર્ણય લીધો છે. આ મુવીમાં તે ફરી એકવાર એડવોકેટ જગદીશ ત્યાગીના રોલમાં જોવા મળશે.
હજુ ખુલાસો કરવામાં આવ્યો નથી
અરશદ વારસી અને અક્ષય કુમાર ઉપરાંત ‘જોલી એલએલબી 3’ માં અમૃતા રાવ, સૌરભ શુક્લા, હુમા કુરેશી, સીમા બિસ્વાસ અને ગજરાજ રાવ જેવા ઘણા કલાકારો મહત્વની ભૂમિકામાં જોવા મળ્યા હતા.
જો કે, આમાંથી કોઈ કલાકાર આવનારી સિક્વલમાં પણ પોતાના પાત્રને પુનરાવર્તિત કરશે કે નહીં? તેને લઈને પણ કોઈ ખુલાસો કરવામાં આવ્યો નથી. ધ્યાન દોરવા જેવું એ છે કે, મેકર્સે પણ હજુ સુધી ‘Jolly LLB 4’ ને લઈને કોઈ સત્તાવાર જાહેરાત કરી નથી.
