હજી Drishyam 2 જોઈ નથી, તો આ દિવસે OTT પર અજય દેવગનની ફિલ્મ જુઓ

Drishyam 2 On OTT Platform : બોલિવૂડ એક્ટર અજય દેવગને પોતાના દમદાર અભિનયથી ઘણી વખત પોતાના ફેન્સનું દિલ જીતી લીધું છે પરંતુ તેની કેટલીક ફિલ્મો એવી છે કે જેની ફેન્સ રાહ જોતા હોય છે. ઉદાહરણ તરીકે, સિંઘમમાં અજયના મજબૂત પોલીસમેનના પાત્રને જોવા માટે ચાહકો હંમેશા ઉત્સાહિત હોય છે. તેવી જ રીતે દ્રશ્યમમાં ચાલાક મગજની રમત રમનારા અજયને બધા તરફથી ખૂબ પ્રશંસા મળી.

18 નવેમ્બર 2022ના રોજ રિલીઝ થયેલી ‘દ્રશ્યમ 2’ એ ધમાકેદાર રીતે કરોડોનો બિઝનેસ કર્યો હતો. આ ફિલ્મે લાંબા સમયથી બોલિવૂડની ફ્લોપ ફિલ્મોની શ્રેણીને પણ તોડી નાખી. અજય દેવનની જોરદાર એક્ટિંગ અને તેના શાતિર દિમાગે ચાહકોને દંગ કરી દીધા હતા. આ ફિલ્મે ચાહકોને સિનેમાઘરોમાં જવા મજબૂર કર્યા હતા. આ ફિલ્મે લાંબા સમય સુધી થિયેટર પર પગ જમાવ્યો હતો. આ ફિલ્મ નિર્માતાઓથી લઈને સ્ટાર્સ સુધીની અપેક્ષાઓ પર ખરી ઉતરી છે.

જુઓ પોસ્ટ

જેમણે અત્યાર સુધી ‘દ્રશ્યમ 2’ જોઈ નથી. તેમના માટે એક સારા સમાચાર સામે આવ્યા છે. હવે તમારે અજય દેવગનની આ ફિલ્મ જોવા માટે થિયેટરમાં જવાની જરૂર નથી. હવે આ ફિલ્મ તમારા ઘરે આવી રહી છે. લોહરીના અવસર પર એટલે કે 13 જાન્યુઆરીએ ‘દ્રશ્યમ 2’ OTT પ્લેટફોર્મ પર રિલીઝ થવા જઈ રહી છે. આ ફિલ્મ તમે Amazon Prime Video પર જોઈ શકશો.

વર્ષ 2022 ઘણી ફિલ્મો માટે ખૂબ જ ખરાબ સાબિત થયું હતું પરંતુ અજય દેવનની ફિલ્મ દ્રશ્યમ 2નું આ પાછલું વર્ષ ખૂબ જ ખાસ હતું. 50 કરોડના બજેટમાં બનેલી આ ફિલ્મે બોક્સ ઓફિસ પર 250 કરોડથી વધુનો બિઝનેસ કર્યો હતો. આ ફિલ્મે મેકર્સને કરોડોનો નફો કરીને આપ્યો છે. દ્રશ્યમ 2માં ઘણા નવા પાત્રો જોવા મળશે પરંતુ ફિલ્મની વાર્તા તમને તમારી બેઠક છોડવા નહીં દે.