Soorarai Pottru: રાષ્ટ્રીય પુરસ્કાર જીતવા બદલ અભિનેતા સુર્યાને મળી રહી છે શુભેચ્છાઓ, અક્ષય કુમાર સહિત આ હસ્તીઓએ આપ્યા અભિનંદન

68માં રાષ્ટ્રીય ફિલ્મ પુરસ્કારોની (National Award) જાહેરાત કરવામાં આવી છે. જેમાં સાઉથ ફિલ્મ ઈન્ડસ્ટ્રીના પીઢ અભિનેતા સુર્યાની ઝલક જોવા મળી હતી. એક્ટર સુર્યાનું (Suriya) સાચું નામ સરાવનન શિવકુમાર છે. તેમની ફિલ્મ ‘સૂરરાય પોત્રુ’ને બેસ્ટ ફિલ્મનો એવોર્ડ આપવામાં આવ્યો છે. આટલું જ નહીં આ ફિલ્મમાં તેને બેસ્ટ એક્ટરનો એવોર્ડ આપવામાં આવ્યો છે. આ સિદ્ધિથી અભિનેતા સુર્યા પણ ખૂબ જ ખુશ છે. સાથે જ નેશનલ એવોર્ડ મળ્યા બાદ ચારેબાજુથી અભિનંદનની વર્ષા થઈ રહી છે. ફેન્સ અને સેલેબ્સ બધા તેને શુભેચ્છા પાઠવી રહ્યા છે.

સેલેબ્સે તમિલ સ્ટાર સુર્યાને અભિનંદન પાઠવ્યા છે

સેલેબ્સ એક્ટર સુર્યાને બેસ્ટ એક્ટરનો એવોર્ડ જીતવા બદલ અભિનંદન મેસેજ મોકલી રહ્યાં છે. ચાલો જાણીએ કે ક્યા સેલેબ્સે તેમને અભિનંદન આપ્યા. બોલિવૂડ એક્ટર અક્ષય કુમારે તમિલ એક્ટર સુર્યાને અભિનંદન પાઠવ્યા છે. અક્ષય કુમારે ટ્વિટ કરીને લખ્યું- ફિલ્મ ‘સૂરરાય પોત્રુ’ને નેશનલ ફિલ્મ એવોર્ડ્સમાં સન્માનિત કરવામાં આવી. મારા ભાઈ સુર્યા, અપર્ણા બાલામુરલી અને મારા દિગ્દર્શક સુધા કોંગારાને ખૂબ ખૂબ અભિનંદન. આવી આઇકોનિક ફિલ્મના હિન્દી રૂપાંતરણમાં કામ કરવા બદલ આભાર.

તમિલ સ્ટાર ધનુષે પણ ટ્વીટ કરીને અભિનેતા સુર્યાને અભિનંદન પાઠવ્યા છે. તેણે ટ્વિટ કરીને લખ્યું- ‘તમામ રાષ્ટ્રીય પુરસ્કાર વિજેતાઓને ખૂબ ખૂબ અભિનંદન. સૂર્યા સર અને મારા સારા મિત્ર જી.વી. પ્રકાશને ખાસ. તમિલ સિનેમા માટે એક મોટો દિવસ. બહુ ગર્વની વાત છે.

સાઉથ સ્ટારને અભિનંદન આપતા દિવ્યા સ્પંદનાએ પણ ટ્વીટમાં લખ્યું- ‘હું આ જીતથી ખૂબ જ ખુશ છું. સુર્યા એક અદ્ભુત કો-સ્ટાર છે, જેની હું ખૂબ પ્રશંસા કરું છું અને આદર કરું છું. તેમની અભિનય કૌશલ્ય માટે જ નહીં પણ એક માનવી તરીકે પણ તેમના હૃદયમાં આદર છે.

દિગ્દર્શક એમ. શશીકુમારે સુર્યાને એક અભિનંદન સંદેશમાં લખ્યું – ‘સૂરરાય પોત્રુ’ માટે 5 રાષ્ટ્રીય પુરસ્કારો જીતવા બદલ સૂર્ય સર તમને અભિનંદન. જન્મદિવસની વધાઈ. રાષ્ટ્રીય પુરસ્કાર જીતનારા તમામ લોકોને અભિનંદન.

સુર્યાને અભિનંદન આપતા લેખક અને દિગ્દર્શક પંડીરાજે લખ્યું – ‘તમારા જન્મદિવસ પર મહાન ભેટ. તમે તેને હકદાર છો. તમને ખૂબ ખૂબ અભિનંદન.

જણાવી દઈએ કે સુર્યાની ફિલ્મ ‘સૂરરાય પોત્રુ’ને નેશનલ એવોર્ડ્સમાં 5 એવોર્ડથી સન્માનિત કરવામાં આવી છે. સુધા કોંગારા દ્વારા નિર્દેશિત સૂરરાય પોત્રુ, નવેમ્બર 2020માં એમેઝોન પ્રાઇમ વિડિયો પર રિલીઝ કરવામાં આવી હતી. આ ફિલ્મ કન્નડ અને મલયાલમમાં પણ આ જ ટાઇટલ સાથે ડબ કરવામાં આવી હતી. આ ફિલ્મમાં સુર્યા અને અપર્ણા બાલામુરલીએ મુખ્ય ભૂમિકા ભજવી હતી.