બોલિવૂડ એક્ટ્રેસ કાજલ અગ્રવાલના ઘરે ગુંજી કિલકારી, અભિનેત્રીએ દિકરાને જન્મ આપ્યો

બોલિવૂડ (Bollywood)અભિનેત્રી કાજલ અગ્રવાલ કિચલુએ (Kajal Aggarwal Kitchlu)  પુત્રને જન્મ આપ્યો છે. જો કે અભિનેત્રી અને તેના પતિ દ્વારા હજુ સુધી આ અંગે કોઈ સત્તાવાર માહિતી આપવામાં આવી નથી. પરંતુ બોલિવૂડ બબલના અહેવાલ મુજબ, કાજલ અગ્રવાલની ડિલિવરી થઈ ગઈ છે અને તેણે મંગળવાર સાંજે એટલે કે 19 એપ્રિલે પુત્રને જન્મ આપ્યો છે. હવે આ સમાચાર સોશિયલ મીડિયા પર ઝડપથી વાયરલ(Viral)  થઈ રહ્યા છે. તમને જણાવી દઈએ કે, બોલિવૂડની આ મશહુર અભિનેત્રીએ જાન્યુઆરી 2022માં સોશિયલ મીડિયા(Social Media)  પર એક વીડિયો પોસ્ટ કરીને તેના પ્રશંસકોને તેની પ્રેગ્નન્સી વિશે જાણકારી આપી હતી.

અભિનેત્રી કાજલ અગ્રવાલ જાન્યુઆરીમાં પોતાની પ્રેગ્નન્સીની જાહેરાત કર્યા બાદ તેના સોશિયલ મીડિયા (Social media) પર ઘણી એક્ટિવ જોવા મળી હતી. કાજલે સોશિયલ મીડિયા પર પત્નીથી માતા સુધીની સુંદર સફરની ખૂબ જ રસપ્રદ તસવીરો શેર કરી હતી. તેના ચાહકોને પણ તેમની ફેવરિટ એક્ટ્રેસનો નવો લૂક અને સ્ટાઈલ ગમ્યો. કાજલે 2020માં તેના લાંબા સમયના બોયફ્રેન્ડ અને બિઝનેસમેન ગૌતમ કિચલુ સાથે લગ્ન કર્યા હતા. લગ્નના બે વર્ષ બાદ આ દંપતીએ તેમના પ્રથમ બાળકનું સ્વાગત કર્યું છે.

પતિ માટે ઈમોશનલ પોસ્ટ શેર કરી

ડિલિવરીના થોડા દિવસો પહેલા કાજલે તેના પતિ માટે ખૂબ જ રોમેન્ટિક અને ઈમોશનલ પોસ્ટ શેર કરી હતી. આ પોસ્ટમાં તેણે તેની કાળજી લેવા બદલ તેના પતિનો આભાર માન્યો હતો. કાજલે એમ પણ કહ્યું કે તે દુનિયાનો શ્રેષ્ઠ પતિ છે. આ દરમિયાન બોલિવૂડ એક્ટ્રેસે તેની માતૃત્વની સફર વિશે વાત કરતાં આ 8 મહિનામાં તેને કેવી રીતે અલગ-અલગ મુશ્કેલીઓનો સામનો કરવો પડ્યો અને તેના પતિએ તેને કેવી રીતે સાથ આપ્યો તેની માહિતી આપી.

ભારતી અને ગુરમીતના ઘરે પણ કિલકારી ગુંજી

એપ્રિલ મહિનો ટીવી અને બોલિવૂડના (Bollywood Industry) ઘણા કલાકારો માટે ખુશીઓ લઈને આવ્યો છે. થોડા દિવસો પહેલા ભારતી સિંહે પણ પુત્રને જન્મ આપ્યો હતો. આ અંગે હર્ષ લિમ્બાચીયાએ પોતે એક સોશિયલ મીડિયા પોસ્ટ દ્વારા તેના ચાહકોને આપ્યો હતો. ભારતી પછી ટીવીના ફેમસ કપલ ગુરમીત અને દેબીનાએ પણ પોતાના ફેન્સ સાથે ‘ગુડ ન્યૂઝ’ શેર કર્યા છે. ગુરમીત ચૌધરીની પત્ની અને ટીવી અભિનેત્રી દેબીના ચૌધરીએ તાજેતરમાં જ પુત્રીને જન્મ આપ્યો છે.

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો-

આ પણ વાંચો : Jr NTR : ફિલ્મની અપાર સફળતા બાદ RRRનો હીરો જુનિયર એનટીઆર ધર્મના માર્ગે, 21 દિવસ ઉઘાડા પગે રહેશે, લીધી હનુમાન દિક્ષા