સલમાન ખાનને એરપોર્ટ પર રોકનાર ASI સોમનાથ મોહંતીની મુશ્કેલીઓ વધી, જાણો કેમ થઈ આ કાર્યવાહી
સોમનાથ મોહંતીએ સલમાન ખાનને પ્રવેશતા પહેલા તેના દસ્તાવેજો બતાવવા માટે મુંબઈ એરપોર્ટ પર રોક્યો હતો. સોમનાથનો સલમાનને રોકવાનો વિડીયો સોશિયલ મીડિયા પર વધુને વધુ વાયરલ થયો હતો.
તાજેતરમાં જ સોશિયલ મીડિયા પર એક વિડીયો વાયરલ થયો હતો, જેમાં એક CISF અધિકારી સલમાન ખાનને (Salman Khan) રોકતો જોવા મળ્યો હતો. આ વિડીયો મુંબઈ એરપોર્ટનો હતો. સલમાન ખાનને રોકનાર CISF અધિકારીનું નામ ASI સોમનાથ મોહંતી (Somnath Mohanty) છે. એરપોર્ટ પર સલમાન ખાનને રોકીને સોમનાથ મોહંતી માટે મુશ્કેલી ઉભી થઈ છે. તમને જણાવી દઈએ કે સોમનાથ ઓડિશાના રાયગઢના રહેવાસી છે.
ખાનગી સમાચાર સંસ્થાના અહેવાલ મુજબ, સોમનાથનો ફોન સીઆઈએસએફ દ્વારા જપ્ત કરવામાં આવ્યો છે કારણ કે તેણે સલમાન મુદ્દે મીડિયા સાથે વાત કરી હતી. રિપોર્ટ અનુસાર, CISF ના એક અધિકારીએ કહ્યું કે સોમનાથ મોહંતીનો મોબાઇલ ફોન મીડિયા સાથે વાતચીત કરવા માટે જપ્ત કરવામાં આવ્યો છે. આ પ્રોટોકોલનું ઉલ્લંઘન છે. આ ઘટના અંગે તે હવે મીડિયા સાથે વાત ન કરે તેની ખાતરી કરવા માટે તેનો મોબાઈલ ફોન જપ્ત કરવામાં આવ્યો છે.
ટાઈગર 3 ના શૂટિંગ માટે રશિયા જઈ રહ્યો હતો સલમાન ખાન
તમને જણાવી દઈએ કે સોમનાથે સલમાન ખાનને મુંબઈ એરપોર્ટ પર રોક્યો હતો જ્યારે તે પોતાની આગામી ફિલ્મ ટાઈગર 3 ના શૂટિંગ માટે રશિયા જઈ રહ્યો હતો. સોમનાથનો સલમાનને રોકવાનો વિડીયો સોશિયલ મીડિયા પર ખૂબ જ ઝડપથી વાયરલ થયો હતો. સોમનાથ મોહંતીએ સલમાન ખાનને પ્રવેશતા પહેલા તેના ડોક્યુમેન્ટ્સ બતાવવા માટે મુંબઈ એરપોર્ટ પર રોક્યો હતો.
તમને જણાવી દઈએ કે તેમની ટીમ મોટા સ્ટાર્સ સાથે મુસાફરી કરે છે, તેથી તેમની ટીમ ડોક્યુમેન્ટ્સની ચકાસણી કરાવવાનું કામ કરી લે છે અને સ્ટાર્સ કોઈપણ અવરોધ વિના પ્રવેશ કરે છે. પરંતુ સોમનાથે સલમાન ખાનને આ રીતે પ્રવેશવા દીધો નહીં. આ દરમિયાન એરપોર્ટ પર હાજર ફોટોગ્રાફરોના કેમેરામાં આ ઘટના રેકોર્ડ થઈ હતી. સોમનાથના વાયરલ વિડીયોમાં, તમે ફોટોગ્રાફરોને નીચે ઉતરવાનું કહેતા પણ સાંભળી શકો છો. મોહંતીના આ કાર્યની સોશિયલ મીડિયા પર દરેક જગ્યાએ ખૂબ પ્રશંસા કરવામાં આવી હતી.
A real gem of news. CISF jawan tells actor Salman Khan, who was trying to skip the line, to get the mandatory security check done at Mumbai airport pic.twitter.com/JK1lP1j2Sz
— Gems Of News (@GemsOfNews) August 21, 2021
અત્યારે, સલમાન ખાનના વર્કફ્રન્ટની વાત કરીએ તો, કોરોનાવાયરસના ઓછા કેસ સામે આવ્યા બાદ તે રશિયા ગયો છે. કેટરીના કૈફ પણ તેની સાથે શૂટિંગ માટે રશિયા પહોંચી છે. તાજેતરમાં, સલમાન ખાનના ટાઇગર 3 ના સેટ પરથી એક ફોટો પણ વાયરલ થયો હતો, જેમાં અભિનેતા રંગબેરંગી કપડાંમાં જોવા મળ્યો હતો. ટાઈગર 3 માં સલમાનનો લુક હોવાનું કહેવાય છે.
આ પણ વાંચો: Exclusive: BMC ની ચૂંટણીમાં સોનુ સૂદ કોંગેસનો પકડશે હાથ? અભિનેતાએ TV9 ને જણાવ્યું સત્ય
આ પણ વાંચો: Khatron Ke Khiladi 11: આ 3 સ્પર્ધકોની વાઈલ્ડ કાર્ડ એન્ટ્રીથી લાગ્યો બધાને શોક, સરકી ગઈ પગ નીચેથી જમીન
Published On - 8:31 am, Tue, 24 August 21