Viral Video: આમિર ખાને ક્રિકેટ રમતા રમતા એક જાહેરાત કરી, કહ્યું 28 એપ્રિલે નવી સ્ટોરી સંભળાવીશ

Viral Video: મિસ્ટર પરફેક્શનિસ્ટ તરીકે પ્રખ્યાત આમિર ખાને (Aamir Khan) એક વીડિયો દ્વારા તેના ચાહકોને ચોંકાવી દીધા છે. જેમાં સુપરસ્ટારે ખુલાસો કર્યો કે કેવી રીતે તે 28 એપ્રિલે દરેક સાથે એક ખાસ ‘સ્ટોરી’ શેયર કરશે. આમિર ખાનના પ્રોડક્શન હાઉસ દ્વારા શેયર કરવામાં આવેલા આ વીડિયોમાં, તે તેની બેટિંગ કૌશલ્યનું પ્રદર્શન કરતા જોઈ શકાય છે, જેના વિશે આપણે લગાનના સમયથી જાણીએ છીએ. વીડિયોમાં આમિર 28 એપ્રિલે એક સ્ટોરી કહેવાનું વચન આપે છે. સ્ટોરી કહેવા માટેનો તેમનો ઉત્સાહ જોઈને, તેમની આસપાસના ખેલાડી (Player)ઓ મોટેથી ‘હા’ કહે છે!

બાય ધ વે, હકીકત એ છે કે આમિર ખાન ભાગ્યે જ લોકોની નજરમાં આવે છે, તેથી તેના ચાહકો અને ફિલ્મ રસિકોની ઉત્સુકતા વધુ વધી જાય છે.પરંતુ સત્ય એ છે કે ફિલ્મ સાથે જોડાયેલી સ્ટોરીઓથી લઈને વ્યક્તિગત નજીવી બાબતો તાજેતરના સમયમાં ગુપ્ત રાખ્યું છે. ખૂબ જ ખાનગી વ્યક્તિ તરીકે ઓળખાતા, આમિર ખાનના તાજેતરના વીડિયોએ સોશિયલ મીડિયા પ્લેટફોર્મ પર ખૂબ જ હલચલ મચાવી છે, દરેક વ્યક્તિ 28 એપ્રિલના રોજનું રહસ્ય જાણવા માટે આતુરતાથી રાહ જોઈ રહ્યા છે. લાલ સિંહ ચઢ્ઢામાં કરીના કપૂર ખાન સાથે આમિર ખાન દર્શકોનું મનોરંજન કરવા માટે તૈયાર છે.

પુત્ર સાથે કેરીનો સ્વાદ માણ્યો

આમિર ખાનના ફોટોગ્રાફ્સ આ દિવસોમાં ખૂબ વાયરલ થઈ રહ્યા છે. જેમાં તે પુત્ર આઝાદ સાથે કેરી ખાઈ રહ્યો છે. અત્યારે કેરીની સિઝન છે અને મુંબઈના બજારોમાં આ દિવસોમાં કેરીઓ આવી રહી છે. આમિરે આ તસવીરો તેના સોશિયલ મીડિયા એકાઉન્ટ પરથી પોસ્ટ કરી છે.

આમિરે પણ RRR ફિલ્મનું જોરદાર પ્રમોશન કર્યું હતું. આ માટે તે દિલ્હી પણ ગયો હતો અને આમિરે મુંબઈમાં યોજાયેલી સક્સેસ પાર્ટીમાં પણ ભાગ લીધો હતો. હાલમાં લોકો આમિરની સ્ટોરીની રાહ જોઈ રહ્યા છે, જેનું તેણે 28 એપ્રિલનું વચન આપ્યું છે.

આ પણ વાંચો :

Navsari: 24 કલાકથી લાઈટ ન અવતાં બિલિમોરામાં મોડી રાત્રે લોકોએ DGVCLની કચેરી પર પથ્થરમારો કરતાં પોલીસે લાઠીચાર્જ કર્યો