AAPએ શ્રી ચમકૌર સાહિબ વિધાનસભા બેઠક પરથી ડો. ચરણજીત સિંહને પોતાના ઉમેદવાર બનાવ્યા છે. પંજાબના મુખ્યમંત્રી ચરણજીત સિંહ ચન્ની આ બેઠક પરથી ધારાસભ્ય છે.
Aam Aadmi Party - File Photo
Follow us on
આમ આદમી પાર્ટીએ (Aam Aadmi Party) પંજાબ વિધાનસભા ચૂંટણી (Punjab Assembly Elections) માટે ઉમેદવારોની પાંચમી યાદી જાહેર કરી છે. આ યાદીમાં 15 લોકોને સ્થાન મળ્યું છે. AAPએ શ્રી ચમકૌર સાહિબ વિધાનસભા બેઠક પરથી ડો. ચરણજીત સિંહને પોતાના ઉમેદવાર બનાવ્યા છે. પંજાબના મુખ્યમંત્રી ચરણજીત સિંહ ચન્ની (Charanjeet Singh Channi) આ બેઠક પરથી ધારાસભ્ય છે. 117 સભ્યોની પંજાબ વિધાનસભા ચૂંટણી માટે પાર્ટીએ અત્યાર સુધીમાં 88 ઉમેદવારોની જાહેરાત કરી છે.
Aam Aadmi Party (AAP) releases fifth list of 15 candidates for 2022 Punjab Assembly Elections
બે દિવસ પહેલા ઉમેદવારોની ચોથી યાદી બહાર પાડવામાં આવી હતી
પાર્ટીએ બે દિવસ પહેલા આ ચૂંટણી માટે તેની ચોથી યાદી બહાર પાડી હતી અને હવે પાર્ટીની પાંચમી યાદી આવી છે. AAPએ તેની ત્રીજી યાદીમાં સુલ્તાનપુર લોધીથી સજ્જન સિંહ ચીમા, ફિલૌરથી પ્રિન્સિપાલ પ્રેમ કુમાર, હોશિયારપુરથી પંડિત બ્રહ્મશંકર ઝિમ્પા, અજનલાથી કુલદીપ સિંહ ધાલીવાલ, જલાલાબાદથી જગદીપ ગોલ્ડી કંબોજ, અટારીથી જસરવિંદર સિંહ અને લુધિયાણા સેન્ટ્રલથી અશોક પપ્પી પ્રસારને ઉમેદવાર બનાવવામાં આવ્યા હતા.
બીજી યાદી 10 ડિસેમ્બરે બહાર પાડવામાં આવી હતી
અગાઉ, 10 ડિસેમ્બરે, આમ આદમી પાર્ટીએ પંજાબ ચૂંટણી માટે ઉમેદવારોની બીજી યાદી બહાર પાડી હતી. ત્યારબાદ પાર્ટીએ અન્ય 30 ઉમેદવારોની યાદી બહાર પાડી હતી. 30 ઉમેદવારોની યાદીમાં કેટલાક એવા લોકો છે જેમના પર પાર્ટીએ વિશ્વાસ વ્યક્ત કરીને ફરીથી ટિકિટ આપી છે. વિભૂતિ શર્માને પઠાણકોટ વિધાનસભા સીટથી, રમણ બહેલને ગુરદાસપુરથી અને શમશેર સિંહને દીના નગર (SC)થી મેદાનમાં ઉતારવામાં આવ્યા છે.
ગયા મહિને 10 ઉમેદવારોની પ્રથમ યાદી બહાર પાડવામાં આવી હતી
આમ આદમી પાર્ટીએ ગયા મહિને 12 નવેમ્બરે પંજાબ વિધાનસભા ચૂંટણી માટે ઉમેદવારોની પ્રથમ યાદી બહાર પાડી હતી. પ્રથમ યાદીમાં 10 ઉમેદવારોના નામ જાહેર કરવામાં આવ્યા હતા. પાર્ટીની પ્રથમ યાદીમાં કોઈ નવા ચહેરાનો સમાવેશ કરવામાં આવ્યો નથી.
