છત્તીસગઢ લોકસભા ચૂંટણી પરિણામ 2024 Constituency Wise Vote Counting
રાજ્ય તરીકે છત્તીસગઢનો ઇતિહાસ બહુ જૂનો નથી. 24 વર્ષ પહેલા જ છત્તીસગઢ નવું રાજ્ય બન્યું હતું. 1 નવેમ્બર 2000ના રોજ મધ્યપ્રદેશથી અલગ કરીને છત્તીસગઢ એક નવું રાજ્ય બનાવવામાં આવ્યું હતું. આ રાજ્ય 135,194 ચોરસ કિલોમીટર વિસ્તારમાં ફેલાયેલું છે. 2011માં છેલ્લે હાથ ધરાયેલ વસ્તી ગણતરી મુજબ છત્તીસગઢની વસ્તી લગભગ 2.55 કરોડ છે.
છત્તીસગઢ રાજ્યની સરહદો 7 રાજ્યોને સ્પર્શે છે. મધ્ય પ્રદેશ, મહારાષ્ટ્ર, આંધ્ર પ્રદેશ, તેલંગાણા, ઝારખંડ, ઓડિશા અને ઉત્તર પ્રદેશ સાથે છત્તીસગઢની સરહદ આવેલ છે. રાયપુર છત્તીસગઢનુ પાટનગર છે, જે ખાસ કરીને વેપાર, અર્થતંત્ર અને વહીવટનું મુખ્ય કેન્દ્ર માનવામાં આવે છે. છત્તીસગઢ રાજ્ય વીજળી અને સ્ટીલના ઉત્પાદનની દ્રષ્ટિએ દેશનું મહત્વનું કેન્દ્ર છે. છત્તીસગઢમાં વહેતી મહત્વની નદીઓમાં મહાનદી, હસદેવ, શિવનાથ, અર્પા, ઇન્દ્રાવતી, માંડ, સોંધુર અને ખારુન વગેરેનો સમાવેશ થાય છે. છત્તીસગઢમાં લોકસભાની 11 બેઠકો આવેલ છે. જેમાંથી 5 બેઠકો અનામત છે. તેમાંથી 4 બેઠકો અનુસૂચિત જનજાતિ માટે અનામત છે.
છત્તીસગઢ લોકસભા વિસ્તારની યાદી
| રાજ્ય | બેઠક | ઉમેદવાર | મત | પાર્ટી | સ્થિતિ |
|---|---|---|---|---|---|
| Chhattisgarh | Korba | JYOTSNA CHARANDAS MAHANT | - | INC | Won |
| Chhattisgarh | Surguja | CHINTAMANI MAHARAJ | - | BJP | Won |
| Chhattisgarh | Kanker | BHOJRAJ NAG | - | BJP | Won |
| Chhattisgarh | Bilaspur | TOKHAN SAHU | - | BJP | Won |
| Chhattisgarh | Mahasamund | ROOP KUMARI CHOUDHARY | - | BJP | Won |
| Chhattisgarh | Raigarh | RADHESHYAM RATHIYA | - | BJP | Won |
| Chhattisgarh | Janjgir-Champa | KAMLESH JANGDE | - | BJP | Won |
| Chhattisgarh | Durg | VIJAY BAGHEL | - | BJP | Won |
| Chhattisgarh | Rajnandgaon | SANTOSH PANDEY | - | BJP | Won |
| Chhattisgarh | Bastar | MAHESH KASHYAP | - | BJP | Won |
| Chhattisgarh | Raipur | BRIJMOHAN AGRAWAL | - | BJP | Won |
છત્તીસગઢની ગણતરી દેશના નવા રાજ્યોમાં થાય છે. તે 1 નવેમ્બર 2000 ના રોજ રચાયું હતું અને દેશના નકશા પર 26માં રાજ્ય તરીકે જોડાયું હતું. છત્તીસગઢ પહેલા મધ્યપ્રદેશનો ભાગ હતો. છત્તીસગઢના નામ વિશે એવું કહેવાય છે કે એક સમયે આ વિસ્તારમાં 36 કિલ્લા હતા, તેથી તેનું નામ છત્તીસગઢ પડ્યું. ખાસ વાત એ છે કે પાછળથી કિલ્લાઓની સંખ્યા વધી પરંતુ નામમાં કોઈ ફેરફાર થયો નથી અને આજે તેને છત્તીસગઢ કહેવામાં આવે છે.
લોકસભા ચૂંટણીની દૃષ્ટિએ છત્તીસગઢ મહત્ત્વનું સ્થાન ધરાવે છે. થોડાં મહિના પહેલા અહીં યોજાયેલી વિધાનસભાની ચૂંટણીમાં ભારતીય જનતા પાર્ટીને મોટી જીત મળી હતી અને 5 વર્ષની રાહ જોયા બાદ ફરી સત્તા પર આવી હતી.ભાજપને મોટી જીત મળતાં મુખ્યમંત્રીનું નામ નક્કી કરવામાં ઘણો સમય લાગ્યો હતો. ભાજપે આદિવાસી નેતા વિષ્ણુદેવ સાંઈને મુખ્યમંત્રી બનાવ્યા હતા. ભાજપના આ નિર્ણયને સામાન્ય ચૂંટણી પહેલા એક મોટો દાવ માનવામાં આવી રહ્યો છે. વિધાનસભા ચૂંટણીમાં હાર બાદ કોંગ્રેસે લોકસભાની ચૂંટણીમાં પોતાની હાજરી નોંધાવવા ભારે મહેનત કરવી પડશે.
2019ની લોકસભા ચૂંટણીમાં ભારતીય જનતા પાર્ટીનું પ્રદર્શન શાનદાર રહ્યું હતું અને તેણે 50 ટકાથી વધુ વોટ મેળવ્યા હતા જ્યારે કોંગ્રેસને લગભગ 41 ટકા વોટ મળ્યા હતા. આ વખતે ભાજપ કેન્દ્રમાં હેટ્રિક ફટકારવા માટે NDA 400 પાર કરવાનો નારા લગાવી રહી છે. આવી સ્થિતિમાં ભાજપે છત્તીસગઢમાં શાનદાર પ્રદર્શન કરવું પડશે.
પ્રશ્ન - 2019ની લોકસભા ચૂંટણીમાં છત્તીસગઢમાં ભાજપને કેટલા ટકા વોટ મળ્યા?
જવાબ – 50.70%
પ્રશ્ન - 2019ની ચૂંટણીમાં કોંગ્રેસને કેટલી બેઠકો મળી?
જવાબ - 2 બેઠકો જીતી હતી
પ્રશ્ન - 2014ની સંસદીય ચૂંટણીમાં ભાજપનું પ્રદર્શન કેવું રહ્યું?
જવાબઃ 11માંથી 10 બેઠકો જીતી હતી.
પ્રશ્ન - છત્તીસગઢમાં SC-ST માટે કેટલી બેઠકો અનામત છે?
જવાબ - 5 બેઠકો
પ્રશ્ન - વિધાનસભા ચૂંટણીમાં મુખ્યમંત્રી ભૂપેશ બઘેલ સામે ભાજપે કોને મેદાનમાં ઉતાર્યું?
જવાબઃ ભાજપે લોકસભા સાંસદ વિજય બઘેલને મેદાનમાં ઉતાર્યા હતા.
પ્રશ્ન - ગયા વર્ષના અંતમાં યોજાયેલી વિધાનસભાની ચૂંટણીમાં કોંગ્રેસના કયા સાંસદનો પરાજય થયો હતો?
જવાબઃ કોંગ્રેસના સાંસદ દીપક બૈજને ચિત્રકૂટ બેઠક પરથી હારનો સામનો કરવો પડ્યો હતો.
પ્રશ્ન - વિજય બઘેલ 2019માં કઈ બેઠક પરથી સાંસદ તરીકે ચૂંટાયા હતા?
જવાબ – દુર્ગ લોકસભા સીટ
પ્રશ્ન - 2019ની ચૂંટણીમાં ભાજપે કેટલી બેઠકો જીતી?
જવાબઃ 11માંથી 9 બેઠકો જીતી હતી.
પ્રશ્ન - કેન્દ્રીય રાજ્ય મંત્રી રેણુકા સિંહ કઈ બેઠક પરથી સાંસદ છે?
જવાબ – સુરગુજા લોકસભા સીટ
પ્રશ્ન - છત્તીસગઢના પ્રથમ મુખ્યમંત્રી કોણ છે?
જવાબ - અજીત જોગી
Election Videos
