
ગુજરાત વિધાનસભા ચૂંટણી માટે ભાજપના પ્રથમ યાદીના 50 સંભવિત ઉમેદવારોના નામ સૌથી પહેલા TV9ને મળ્યા છે. વર્ષ 2022 ની ચૂંટણી માટે ભાજપના આ નેતાઓને ટિકિટ કન્ફર્મ મનાઇ રહી છે. 10 નવેમ્બરે ભાજપ ગુજરાત વિધાનસભાની ચૂંટણીના તમામ ઉમેદવારોની યાદી જાહેર કરવાના છે. જો કે તે પહેલા જ ભાજપના 50 ઉમેદવારના નામ સૌથી પહેલા માત્ર TV9 ગુજરાતી પાસે છે. જેમની ઉમેદવારી નિશ્ચિત માનવામાં આવી રહી છે. 50 ઉમેદવારોના નામની આ પ્રથમ યાદી 10 નવેમ્બરની રાત સુધીમાં જાહેર થવાની શક્યતા છે. જાણો આ 50 ઉમેદવાર કોણ છે.
પ્રથમ 50 નિશ્ચિત મનાતા નામોમાં કેટલાક ઉમેદવારોના નામ રિપીટ કરાયા છે. તો કેટલાક દિગ્ગજ નેતાઓના નામ છે. CM ભુપેન્દ્ર પટેલ, ગૃહ રાજ્યપ્રધાન હર્ષ સંઘવી,આરોગ્યપ્રધાન ઋષિકેશ પટેલ, નાણાંપ્રધાન કનુભાઈ દેસાઈ, ગ્રામ વિકાસપ્રધાન અર્જુનસિંહ ચૌહાણ, વનપ્રધાન કિરીટસિંહ રાણા, શિક્ષણપ્રધાન જીતુ વાઘણી, ઉદ્યોગ રાજ્યમંત્રી જગદીશ પંચાલને રિપીટ કરી શકાય છે. તો દેવા માલમ, કુબેર ડીંડોર, જીતુ ચૌધરી, કીર્તિસિંહ વાઘેલા, આર. સી. મકવાણા, મનીષા વકીલ, નીમિષા સુથાર સહિતના મંત્રીઓને પણ રિપીટ કરવામાં આવશે.
કોંગ્રેસમાંથી આવેલા વધુ એક ધારાસભ્ય અશ્વિન કોટવાલ કે જે આદિવાસી ચહેરો છે તેમને રિપીટ કરવામાં આવી શકે છે. અમિત ચૌધરી માણસાથી, રમણલાલ વોરાને ઇડરથી ટિકિટ આપવામાં આવી શકે તેમ છે. હિતુ કનોડિયા બેઠક બદલાઇ શકે છે. પ્રફુલ પાનસુરિયા સુરતની કોઇ બેઠક પર મેદાનમાં ઉતારી શકાય છે. તો ભૂતકાળની રુપાણી સરકારના ત્રણ નામ રિપીટ કરાશે. સિનિયર નેતાઓ પ્રદીપ સિંહ જાડેજા, ભુપેન્દ્ર સિંહ ચુડાસમા, આર. સી. ફળદુને રિપીટ કરવાની શક્યતા છે.
મહત્વનુ છે કે 10 નવેમ્બરે ભાજપ ગુજરાત વિધાનસભાની ચૂંટણીના ઉમેદવારો જાહેર કરશે. ઉમેદવારો નક્કી કરવા ભાજપ હરકતમાં આવી ગયું છે. દિલ્હીમાં આજે સાંજે ભાજપની કોર ગ્રૂપની આજે સાંજે બેઠક મળશે. આ બેઠક ગૃહપ્રધાન અમિત શાહના નિવાસસ્થાને મળવાની શક્યતા છે. બેઠકમાં ભાગ લેવા માટે સીએમ ભૂપેન્દ્ર પટેલ અને પ્રદેશ અધ્યક્ષ સી.આર. પાટીલ આજે દિલ્લીમાં છે. ત્યારબાદ કોર કમિટીની બેઠક બાદ 9 નવેમ્બર અને 10 નવેમ્બરે ભાજપની કેન્દ્રીય ચૂંટણી સમિતિની બેઠક મળશે. 9 નવેમ્બરે સાંજે 6.30 કલાકે ગુજરાત માટે ભાજપની કેન્દ્રીય ચૂંટણી સમિતિની પ્રથમ બેઠક મળશે. જેમાં પીએમ મોદી, ગૃહપ્રધાન અમિત શાહ સહિત ભાજપ ચૂંટણી સમિતિના તમામ સભ્યો હાજર રહેશે. તત્યારબાદ 10 નવેમ્બર બીજી બેઠક મળશે. બીજી બેઠક પૂર્ણ થયા બાદ ઉમેદવારોની પહેલી યાદી જાહેર કરવામાં આવશે.
Published On - 12:59 pm, Tue, 8 November 22